இந்தத் தியானத்தைப் பற்றி :
சொல்லுக்கடங்காத அழகிய தியானம் இது.
இதைத் தியானம் என்பதைவிட, ஒரு பிரார்த்தனை எனலாம்.
பிரபஞ்ச சக்திகள் அனைத்தினோடும், உங்களைத் தொடர்பு கொள்ளச் செய்வது இந்தத் தியானம்.
இதை இரவு வேளையில் உறங்கப் போகுமுன் பயிற்சி செய்வதுதான் சிறந்தது.
பகலில் செய்வதானால், செய்த பிறகு பதினைந்து நிமிட ஒய்வு வேண்டும். அந்த ஒய்வுப் பொழுதில்தான் தியானத்தில் பெற்ற சக்தி ஒன்று திரளும். இல்லாவிட்டால், பல மணி நேரம் பிரமை பிடித்த மாதிரி ஆகிவிடும் !
செயல்முறை குறிப்புகள் :
குளிர்ச்சியான, காற்றோட்டமுள்ள, இருண்ட அறை ஒன்றைத் தேர்ந்தெடுத்துக் கொள்ளவும். நீங்கள் விரும்பினால் வெளியிலும் செய்யலாம்.
தரையில் மண்டியிடுங்கள். தோன்றினால் பாயைப் பயன்படுத்திக் கொள்ளலாம்.
முழங்காலிட்டு நிமிர்ந்து கைகளை வானை நோக்கி உயர்க்கவும்.
முகத்தையும் வானை நோக்கிப் பார்த்தபடி வைத்துக் கொண்டு சற்று காத்திருக்கவும்.
விரைவில் இயற்கையின் சக்தி பாய்வதை உணரலாம். அதைக் தடுக்காமல் அப்படியே இருக்க வேண்டும்.
இயற்கைச் சக்தி உங்களுக்குள் பாயட்டும்.
கைகளில் ஒரு நடுக்கம் தோன்றும்.
மெல்ல மெல்ல உங்கள் உடல் முழுவதுமே நடுங்கும் ;
பிரவேசிக்கும் சக்தியோடு இணைந்து உடல் முன்னும் பின்னும் அசையும். அவற்றையெல்லாம் அனுமதியுங்கள.
அந்தச் சக்தியின் நீங்கள் மூழ்கிவிடும்போது, நீங்கள் இருக்கும் மையப் புள்ளி, வானமும் பூமியும் சந்திக்கும் இடமாக அமையும்.
நீங்கள் மிதப்பதாக உணர்வீர்கள்.
உடலே இல்லாததைப் போல் உணர்வீர்கள்.
நீங்கள் முற்றிலும், இனி நிரம்ப முடியாத அளவுக்கு சக்தியால் நிறைந்து விட்டதாகத் தோன்றும்போது, குனிந்து தரையை முத்தமிடுங்கள்.
உள்ளங்கைகளைப் பூமியின் மேல் வையுங்கள்.
உங்கள் அன்பையெல்லாம் பூமிக்கு வழங்குங்கள்!
உங்கள் உதடுகள் வழியாகவும், கைகள் வழியாகவும் அன்பு பூமி நோக்கிப் பாய்வதாக உணரவும். ஒரு தெய்விக சக்தியைப் பூமிக்கு வழங்கும் ஒரு கருவியாக மாறி விடுங்கள்.
இதை ஏழுமுறை தொடர்ந்து செய்யுங்கள். ஒவ்வொரு முறையும் ஏழு சக்திச் சக்கரங்களில் ஒன்று சக்தி ஏறப் பெறும். ஏழு முறைக்கு மேல் அதிகம் செய்தால், சக்தி அதிகரித்து, நிம்மதியின்மை ஏற்பட்டு விடும்.
ஏழுமுறைக்கு குறைவாகச் செய்ய வேண்டாம். சக்திச் சுற்று முழுமுமை பெறாமலே நின்றுவிடும். எனவே ஏழு முறை தொடர்ந்து செய்யுங்கள்.
சக்தி தாரணை என்னும் வழிபாடு முடிந்தவுடன், அந்த வழிபாட்டு நிலையிலேயே உறங்கி விடுங்கள்.
அந்தச் சக்திக்குள் மூழ்கி, அதற்குள்ளேயே உறங்கி விடுங்கள்.
நீங்கள் கண் விழிக்கும்போது, புத்துணர்ச்சியோடு அதிகம் சக்தி பெற்றவர்களாக உணர்வீர்கள்.