இந்தத் தியானமுறையைப் பற்றி;🔗

இந்தத் தியானம் தந்திர சாஸ்திரத்திலிருந்து எடுக்கப்பட்டது. இது சொல்கிறது, "உங்கள் சாரம், ஒரு சக்தி மையத்திலிருந்து இன்னொரு சக்தி மையத்திற்கு மேலெழுகிறது - உங்கள் முதுகுத் தண்டுவடத்திலும் இது நிகழ்கிறது. அதன் காரணமாக உங்கள் உயிர்த்துடிப்பு உங்களுக்குள்ளே பெருகும்.

முதுகெலும்புதான் உடலுக்கும், மனத்திற்கும் ஆதாரம். உடலும் மனமும் முதுகெலும்பில்தான் வேர்விட்டு நிற்கின்றன.

உங்கள் வயது, முதுகெலும்பில்தான் தங்கி இருக்கிறது. முதுகெலும்பு எளிதில் வளையக் கூடியதாக இருந்தால் நீங்கள் இளமையாக இருப்பதாகப் பொருள். முதுகெலும்பு விறைப்பாக இறுகியிருந்தால் நீங்கள் முதியவர்!

ஏழு முக்கிய சக்கரங்கள் அல்லது சக்தி மையங்கள் உடலின் முதுகெலும்பின் அடியில் இருப்பது மூலாதார சக்கரம். பாலுணர்வு மையம் அது. தலையின் உச்சியில் இருப்பது சஹஸ்ரார சக்கரம். கடவுளை நோக்கிக் கதவு திறக்கும் மையம் அது.

முதுகெலும்புதான் சக்திப் பாதை.

இந்தத் மூலாதாரத்திலிருந்து சஹஸ்ராரத்திற்கு எழுப்புவீர்கள். அதாவது மேல்நோக்கிச் செலுத்துவீர்கள். இந்த இயக்கம் எளிதில் ஏற்படாது. காரணம், இது புவிஈர்ப்புக்கு எதிரானது! உங்கள் சக்தியைக் கீழ்நோக்கிச் செலுத்துவது மிகவும் எளிகானது.

நமது சக்தியில் 80% நமது மூலாதாரத்தில்தான் முடங்கிக் கிடக்கிறது. உங்களைக் கீழே தரையை நோக்கி இழுக்கும் கனமான எடைபோல, உங்கள் முதுகின் கீழ்ப்பகுதி பாரமாக இருப்பதை நீங்களே உணர்ந்திருப்பீர்களே!

இந்தச் சக்தியை மேலெழுப்பி, சஹஸ்ராரத்தின் வழியாக வெளியேற்றும்போது, எல்லையற்ற கனமில்லாத உணர்வையும், சுதந்திரத்தையும் நீங்கள் உணர்வீர்கள். அப்போது பரவசத்தின் சுவையை நீங்கள் உணர்வீர்கள்.

செயல் முறைக்கான விளக்கம் ;

முதுகுத் தண்டுவடம் நேராக நிற்க, கண்களை மூடியபடி நேராக, சௌகரியமாக அமர்ந்துகொள்ளுங்கள்.

நீங்கள் ஒளியாக இருப்பதுபோல் கற்பனை செய்தபடி இருங்கள்.

நீங்கள் ஒளி.

எல்லாமே ஒளிமயம்.

உங்களை நீங்கள் ஒரு சக்தியாக என்றும் உணர்வதே இல்லை. உங்களை ஒரு பொருளாகத்தான் நீங்கள் உணர்வது வழக்கம்.

உங்களை ஓர் ஒளித் தூணாகக் கற்பனை செய்து கொள்ளுங்கள்.

இனி, முதுகெலும்பின் நுனியிலிருக்கும் பாலுணர்வு மையத்தின் மீது கவனத்தைத் திருப்புங்கள். அது ஒளிப் பந்துபோல, ஒளிமயமாகவும், இருப்பதாக உணருங்கள்.

இனி, அது அந்த ஒளி, மேல் நோக்கி, உங்கள் தொப்புள்வரை நகர்வதாகக் கற்பனை செய்து கொள்ளுங்கள்.

ஒருவிதமான வெதுவெதுப்பு உள்ளே மேலெழுவதை உணரலாம். அது உண்மையான வெதுவெதுப்பு! தொப்புளும் - இடைப் பகுதியும் - ஒளிப் பந்தாக மாறும். ஒளியின் ஒரு பகுதிமேல் நோக்கி உயரத் தொடங்கும்.

அடுத்து, அந்த ஒளி, மேல்நோக்கி இதய மையத்தை நோக்கி நகர்வதாக உணருங்கள்.

இதயத்தில், ஒளியையும் உணருங்கள்.

மூச்சு ஆழப்படுவதை உணருங்கள்;

இதயத் துடிப்பு மிகவும் அமைதியாக அடிப்பதை உணருங்கள்.

அந்தச் சக்தி, அதன் பிறகு புருவ நடுச் சக்கரம் நோக்கி நகர்வதைக் காணுங்கள். அந்தப் பகுதி முழுவதும் ஒளியால் சூழப்பட்டிருப்பதை உணருங்கள்.

மெதுவாக அந்த ஒளிச் சக்தியைத் தலைப் பகுதிக்கு உயர்த்தவும்.

சக்தி புதுமையான தோற்றங்களை அனுபவிப்பீர்கள். தலை சுற்றலும், மயக்கமும்கூட ஏற்படலாம். அதிக சக்தி தலைக்கு ஏறும்போது, பெரிய வெடிப்புப் போன்ற உணர்வும் ஏற்படலாம். அதற்கு அஞ்சாதீர்கள்.

தலை சுற்றுவதுபோலத் தோன்றினால், விழுவதுபோல உணர்ந்தால், விழுந்து விடுங்கள். மயக்கம் வந்தாலும் சரி, கவலை வேண்டாம். அது, 'யோக தந்திரம்' என்னும் மிகுந்த ஆழ்நிலை உறக்கம்.

தியானிப்பவர் பலர் இந்த நிலை அனுபவம் பெறக்கூடும். அதற்காக அஞ்ச வேண்டியதில்லை.

அரைமணி திரும்பிவிடுவீர்கள்.

சக்கி, தலைப் பகுதியை அடையும்போது, தலை முழுவதும் மெதுவாகச் சூடேறும். தலையே ஓர் ஒளிப்பந்தாக மாறிவிடும்.

இப்போது, அந்த ஆற்றலைப் பிரபஞ்சத்திற்குள் செலுத்துங்கள். உங்கள் தலையே அழகிய தாமரை மலரின் மடல்களாக மெல்லத் திறந்து, அதன் ஆற்றலைப் பிரபஞ்சத்திற்குள் செல்லும்படி விடவும்.

வர் எச்சரிக்கை :

எந்தக் காரணம் கொண்டும், இந்தத் தியான பயிற்சியைப் பாதியில் நிறுத்தக்கூடாது.

ஆரம்பிப்பதற்கு முன்பே, இரண்டு மணி நேரம் எந்த இடையூறும் ஏற்படாதவாறு செய்து கொள்ள வேண்டும்.

எந்தத் தடங்கலையும் நடுவில் அனுமதிக்க வேண்டாம். பாதி வழியில் நிறுத்திவிட்டு எழுந்தால், சக்தி, ஒரு குறிப்பிட்ட மையத்தில் கட்டியாகத் தேங்கிவிடும். அது, உடல், மனச் சீர்கேடுகளுக்குக் காரணமாகிவிடும்.

உங்களது பாலுணர்வுச் சக்தியை, ஆன்மிகச் சக்தியாக மாற்றுவதற்கு இந்தத் தியானமுறை மிகவும் அழகான முறை.

தொடர்ந்து இந்த முறையில் பயிற்சி செய்து வர, உங்களின் அமைதியையும், மனத்தையும் பாதிக்கும்.

காம உணர்வுகள், மெல்ல அப்படியே நின்று விடும்.

நாள் முழுவதும் அதிகமான வழிபாட்டுணர்வை நீங்கள் உணர்வீர்கள். அதிக அளவில், சக்தி உங்கள் தலையை நோக்கிப் பாய்வதால், நீங்கள் மிகுந்த உயிர்த் துடிப்பு உள்ளவராக உணர்வதோடு, உங்களது செயல்பாடுகளும் மிகுந்த திறமையுடன் அமையும். மிக முக்கியமான அம்சம், நீங்கள் தொடர்ச்சியான ஆனந்த நிலையைப் பெறுவது தான்.

செயலை நிறுத்து!