நீங்கள் செல்ல வேண்டிய பாதையை அறிந்தவர் அவர் ஒருவரே!🔗

சுயத்தை அறிவதற்குப் பல வழிகள் உள்ளன. எனினும் நம்முடைய பாதை எது என்பதை நாம் புரிந்துகொள்ள வேண்டும். இங்கேதான், ஒரு ஞானகுரு நமக்கு உதவ முடியும். உங்களுக்குரிய சரியான பாதை எது என்று அவர் அறிவார். நீங்கள் தவறான பாதையில் சென்றால், அவர் உங்களுக்குச் சரியான பாதையைக் காட்டுவார். உங்கள் பாதைக்கேற்ப உங்களின் தவறுகளையும், உங்கள் நுட்பங்களையும் சரிசெய்வார்.

நம்முடைய மேம்படுத்தப்பட்ட தியான சிகிச்சையாளர் பயிற்சியில், சீடர்களை கேள்விக்கு விடையளிக்கும்பொழுது, அவர்கள் செய்கிறார்கள் என்பதைக் கவனித்து, அவற்றைச் சரிசெய்வேன்.

இந்த ஸ்லோகத்தில், கிருஷ்ணர், தியானம், யோகா, ஞானம் போன்ற பலவிதமான நுட்பங்களைத் தருகிறார். பலர் இவற்றைச் செய்தும் வருகிறார்கள். சிலர் கேட்கின்றனர், '' ஸ்வாமி, தினமும் 21 நிமிடங்களுக்கு தியானம் செய்து வருகின்றேன். இன்னும் என்னால் ஒன்றையும் உணர முடியவில்லை. இது ஏன் ?''

நான், "நீங்கள் தியானிக்கும்பொழுது, உங்கள் உடல் இருக்கும் இடத்தில்தான் உங்கள் மனதும் இருக்கிறதா அல்லது உங்களின் அலுவலகத்தை நினைத்துக் கொண்டிருக்கிறதா?'' என்று கேட்டால், அவர்களால் எந்தப் பதிலும் சொல்ல முடிவதில்லை.

எல்லா முறையும் சரியாகச் செய்யப்பட்டாக வேண்டும். நீங்கள் சுயத்தை அறிவதற்கு பல வழிகள் உள்ளன. எனினும் நம்முடைய பாதை எது என்பதை நாம் புரிந்துகொள்ள வேண்டும். நிமிடங்களென்ன, 21 நாட்கள் தொடர்ந்து அமர்ந்தாலும், சரியான விளைவுகள் ஏதும் இருக்காது.

ஒரு தியான வகுப்பில் நடந்த நிகழ்ச்சியைச் சொல்கிறேன்.

"இந்தத் தியான நுட்பம் அநாஹத சக்ரத்துக்கு உரியது - அதாவது இதயப் பகுதியில் உள்ள சக்திமையத்துக்கு உரியது. இந்தத்தியானத்தின்பொழுது நம் கவனத்தை இதயத்தின் மத்தியில் வைப்போம்," என்று சொல்லி முடித்தேன்.

பங்கேற்பாளர்களுள் ஒருவர் நேராக அமாந்து, ஆசனத்தை நன்றாகவே பிடித்துக்கொண்டார். நேரம் செல்லச் செல்ல, அவர் தூக்கத்தில் ஒரு பக்கமாகச் சாய ஆரம்பித்தார். கடைசியில் நான் அவரை கூப்பிட்டுக் கேட்டேன், ''என்ன செய்து கொண்டிருக்கிறீர்கள் ?" அதற்கு அவர், "நான் அநாஹத தியானம் செய்துகொண்டிருக்கிறேன், ஸ்வாமி!' என்றார்.

நான் அவரைக் கேட்டேன்: "நீங்கள் தியானிப்பது உங்கள் அநாஹதத்தின் மேலா, இல்லை, உங்கள் பக்கத்திலிருப்பவரின் அநாஹதத்தின் மேலா ?''

நன்கு கவனியுங்கள், தியானம் என்பது விழிப்புணர்வோடு செய்யப்பட வேண்டும். ஒவ்வொன்றையுமே தியானமாக ஆக்கலாம், நீங்கள் விழிப்போடும் ஆழமான உத்வேகத்தோடும் செய்வது எல்லாமே தியானம்தான்.