செல்ல வேண்டிய பாதையை நினைவூட்டும் ஆன்மீகப் பெயர்
நமது இரண்டாம் நிலை தியானப் பயிற்சியான நீத்யானந்த ஸ்புரண நிகழ்ச்சிக்குப் பிறகு ஆன்மிகப் பெயர் விரும்பி கேட்பவர்களுக்கு, ஓர் ஆன்மிகப் பெயர் நான் கொடுக்கின்றேன். அப்பெயர், அவர்கள் செல்ல வேண்டிய பாதையை நினைவூட்டும் !
பக்தாகளின் சக்தி நிலையைப் பொறுத்து, அவர்களுக்கும் பெயர்கள் தேர்ந்தெடுத்துக் கொடுக்கிறேன். அவர்கள் எவ்வாறு பிரபஞ்ச அளவில் தொடர்பு கொண்டிருக்கிறார்கள் என்பதன் அடிப்படையில் அந்தப் பெயர்கள் இருக்கும்.
ஒருவர், பக்தி போன்ற உணர்ச்சி நிலை செயல்பாடுடையவராக இருந்தால், அவருக்கு அந்தக் குறிப்பிட்ட சக்திக்குத் தகுந்த மாதிரி பெயர் தேர்ந்தெடுத்துக் கொடுக்கிறேன்.
சிலர், பிரபஞ்ச அளவில் தொடர்பு கொண்டிருப்பார்கள். THE SUPREME PONTIFF OF HINDUISM BHAGAWAN SRI NITHYANANDA PARAMASHIVAM வோடு மன அளவில் தொடர்பு கொண்டவர்கள் இவர்களுக்கு, ஒவ்வொன்றுக்குமே விழிப்புணர்வு தேவைப்படுகிறது.
இருப்பு அளவில் தொடர்புகொண்டவர்கள் மூன்றாவது வகையினர்.
ஒவ்வொருவரின் சக்தி நிலைகளின் மேல் தியானம் செய்து, அவற்றுக்கு தகுந்த மாதிரி பெயர்களை அவர்களுக்குக் கொடுக்கிறேன். அந்த ஆன்மிகப் பெயர் அவர்களுக்கு ஒரு பாதையைத் தருகிறது, ஒவ்வொருவருக்கும் அவரவர்க்கான தனித்தனி பாதையைத் தருகிறது.
உங்கள் ஆன்மிகப் பெயர், உங்கள் பாதையை உங்களுக்கு ஞாபகப்படுத்திக்கொண்டே இருக்கும்.
ஆன்மிகப் பெயருக்கு ஒரு முக்கியத்துவம் இருக்கிறது. அந்தப் பெயர் உங்கள் பாதையை உங்களுக்கு ஞாபகப்படுத்திக்கொண்டே இருக்கும்.
நாம் பொதுவாக நம் பெயர்களோடுதான் நம்மைக் தொடர்புபடுத்திக் கொண்டிருப்போம். எப்பொழுதெல்லாம் உங்கள் பெயரைச் சொல்கிறீர்களோ அல்லது மற்றவர்கள் அந்த ஆன்மிகப் பெயர் கொண்டு அழைக்கிறார்களோ, அப்பொழுதெல்லாம் அந்தப் பெயர் உங்கள் தலைக்குள் ஒரு மணி அடிக்கிறது; நீங்கள் சென்று சேர வேண்டிய இடத்திற்கு உங்களை அழைத்துச் செல்கிறது.
கிருஷ்ணர், அர்ஜுனனிடம் வழிகளைப் பற்றிச் சொல்கிறார். அவர் அர்ஜுனனுக்குத் தேர்ந்தெடுக்கும் உரிமையைத் தருகிறார். கிருஷ்ணர், தியானம், யாகம், மந்திர ஜபம், கற்றல், அறிவை வளர்த்தல், பிரபஞ்சத்திடம் சரணாகதியடைதல் போன்ற பல்வேறு மாற்று வழிகளைத் தருகிறார்.
ஒரு முக்கியமான விஷயம், 'எந்தப் பாதை உங்களுக்கு ஏற்றது' என்பதை நீங்கள் தெரிந்துகொண்டாக வேண்டும். ஆனால் பொதுவாக மக்கள், ஆன்மிகப் பாதையைப் பற்றிய போதிய அறிவு இல்லாமலேயே, ஏதோ ஒரு பாதையைத் தேர்ந்தெடுத்துக் கொள்கின்றனர். நீங்கள் உங்கள் பாதையைப் புரிந்துகொள்ள வேண்டும்.
பலதரப்பு மக்களும் ஆச்ரமத்திற்கு வந்து தியான வகுப்புகளில் கலந்துகொள்கின்றனர். அவர்கள், அந்த சில நாட்களுக்கு என்னைச் சுற்றியிருப்பதால், ஆனந்தமாக இருக்கிறார்கள். அது அவர்களுக்குப் பிடித்துப் போவதால், உடனே ஆச்ரமத்தில் சேர்ந்துவிட நினைக்கிறார்கள். அவர்களுக்கு அவர்களுடைய பாதை எது என்பதும் தெரியாது; ஆச்ரம வாழ்க்கைதான் அவர்களுடைய பாதையா என்பதையும் அறிய மாட்டார்கள்.
ஆனால் ஆச்ரமத்தில் சேர்ந்துவிட வேண்டும் என்று மட்டும் விருப்பப்படுவார்கள். அவர்கள், "ஸ்வாமி, நான் ஆச்ரமத்தில் வந்து சேர்ந்துகொள்கிறேன். தயவுசெய்து, நான் என்ன செய்ய வேண்டும் என்று சொல்லுங்கள்,'' என்று கேட்பார்கள்.
வேறுசிலர், மற்றவர்கள் எதைச் செய்கிறார்களோ, அதையே அவர்களும் பின்பற்றிச் செய்வார்கள், ஏனென்று தெரியாமலேயே! பெற்றோர் ஏதாவது ஒரு குருவை பின்பற்றினால், குழந்தைகளும் அதே குருவைப் பின்பற்றுவார்கள்.
ஆரம்பத்தில் யாரையாவது ஒருவரைப் பின்பற்றுவதில் தவறில்லை. நீங்கள் ஒரு இடத்தை ஆரம்பமாக வைத்துக்கொள்ளலாம். ஆனால் நீங்கள் சரியான பாதையில்தான் செல்கிறீர்களா என்பதை, நீங்கள்தான் கண்டுபிடித்தாக வேண்டும். உங்களுக்குத் தெரிந்தவர் அந்த குருவைப் பின்பற்றுகிறார் என்பதற்காக, நீங்களும் குருட்டுத்தனமாக, அதையே பின்பற்றக்கூடாது.
ஒரு சின்ன கதை :
ஒரு நாள் ஒருவர், நள்ளிரவில் காரோட்டிச் சென்று கொண்டிருந்தார். அப்போது அந்தக் காரின் முகப்பு விளக்குகள் பழுதடைந்துவிட்டன. தன்முன்னே வேறொரு காரையே பின்பற்றிச் செல்ல முடிவுசெய்து, பின்னாலேயே இருந்தார். வெளியே காரிருள் அப்பிக் கொண்டிருந்தது. ஒன்றுமே தெரியவில்லை.
நீங்கள் ஒரு இடத்தை ஆரம்பமாக வைத்துக்கொள்ளலாம். ஆனால் நீங்கள் சரியான பாதையில்தான் செல்கிறீர்களா என்பதை, நீங்களே கண்டுபிடித்தாக வேண்டும்.