ஆனந்தத் தியானம்🔗

இந்தத் தியானமுறையைப் பற்றி :

குஃபி ஞானி அப்துல்லாவிடமிருந்து பெறப்பட்டது இந்தத் தியானம்.

எப்போதும் சிரித்த முக்தோடு இருப்பதில் புகழ் பெற்றவர் அப்துல்லா. மரணப் படுக்கையில்கூட அவர் சிரித்துக் கொண்டே இருந்ததாகச் சொல்வார்கள்.

அதைப் பொறுத்துக்கொள்ள முடியாத சீடர்கள் சிலா் அதைப் பற்றி அவரிடம், "சாவில் சிரிப்பதற்கென்ன இருக்கிறது ?'' என்று கேட்டிருக்கிறார்கள்.

தமது இரகசியத்தை வெளிப்படுத்தினாராம் குரனி அப்துல்லா.

''மகிழ்ச்சி என்பது எப்போது உங்கள் கையில்தான் இருக்கிறது. உங்கள் மகிழ்ச்சியைத் தேர்ந்தெடுக்கும் வாய்ப்பு 100% உங்களுடையதுகான்.

ஒவ்வொரு நாளும் நீங்கள் மகிழ்ச்சியாக இருக்க வேண்டுமா அல்லது கவலையாக இருக்க வேண்டுமா, என்பதைத் தேர்ந்தெடுக்கும் வாய்ப்பை, வாழ்க்கை உங்களுக்கு வழங்கியிருக்கிறது.

எதைத் தேர்ந்தெடுக்க விரும்புகிறீர்களோ, அது உங்கள் விருப்பம் !'' என்று தமது குரு சொன்ன மொழியைச் சொன்னாராம்.

செயல்முறை விளக்கம் :

இதைவிட ஓர் எளிய தியான முறை இருக்க முடியாது! ஆனால் இதன் எளிமையைக் கண்டு ஏமாந்துவிட வேண்டாம்; மிகமிக எளியதுதான்; அடிப்படை விதிமுறைகள் நடைமுறைக்குச் சாத்தியமானதுதான்.

ஒவ்வொரு நாள் காலையிலும் எவ்வளவு விரைவாக எழுமுடியுமோ அவ்வளவு விரைவாக எழுந்து, அப்படியே கண்களைத் திறக்காமலேயே, படுக்கையிலேயே அமர்ந்து கொள்ளுங்கள்.

உங்கள் பெயர் சொல்லி, உங்களையே கூப்பிடுங்கள்! உங்களையே கேட்டுக்கொள்ளுங்கள்:

''இன்று நீ எதைத் தேர்ந்தெடுக்கப்போகிறாய் ? மகிழ்ச்சியாக இருக்கப்போகிறாயா அல்லது கவலையுடன் இருக்கப்போகிறாயா ?''

காலையில் தேர்ந்தெடுக்கப் போவதில்லை. அதனால் உங்கள் மனம், ''நான் மகிழ்ச்சியைத் தேர்ந்தெடுத்துக் கொள்கிறேன், '' என்று சொல்லும். "சரி, ஆனந்தமாக இரு," என்று சொல்லிவிடுங்கள்! அவ்வளவுதான்.

அவ்வளவு எளியது இந்தத் தியானம்! ஒவ்வொறு நாளிலும் நீங்கள் எதிர்கொள்ளும் இன்பமும், துன்பமும் உங்கள் கைகளில்தான் இருக்கின்றன என்பது உண்மை.

அதனால் இந்தத் தியானத்தின் மூலம், பழியை மற்றவர்கள் மேல் தூக்கிப் போடுவதை நிறுத்தி விடுவீர்கள்.

புறச்சூழல் எப்படிப்பட்டதாக இருந்தாலும் -நீங்கள் மகிழ்ச்சியாகவே இருக்கும் பழக்கத்தை ஏற்படுத்திக் கொள்வீர்கள்.

நீங்கள் மகிழ்ச்சியாக இருப்பதற்குக் காரணமே, நீங்கள் மகிழ்ச்சியாக இருப்பதுதான்! அவ்வளவுதான்!