ஒர் எச்சரிக்கை!🔗

தியான பயிற்சி ஆரம்பித்தவுடனே, உடலிலும், மனத்திலும் அசாதாரண மாற்றங்கள் பல ஏற்படுவதை நீங்கள் காண்பீர்கள்.

எதிர்பாராததற்குத் தயாராக இருங்கள்.

மறந்துவிட வேண்டாம். தியானம் என்பது தூய்மைப் படுத்தும் ஒரு முறை. உங்களைச் சேர்ந்திருந்த அழுத்தங்களையும், அடைப்புகளையும் நீங்கள் வெளியே தூக்கி எறிந்துவிடுவீர்கள்.

இதுவரை கண்டிராத சக்தி, உங்கள் உடலுக்குள் வெள்ளமாய்ப் பாய்வதை உணர்வீர்கள்.

எவ்வளவோ காலமாய் நீங்கள் செய்திராத ஆட்டம் பாட்டம், குதிப்பு, சுழற்சி, அலறல் எல்லாம் ஏற்படும்! உங்களது உடல் அவற்றிற்கெல்லாம் இணைந்து செல்ல வேண்டும்.

ஆரம்பத்தில் உடலில் நிறைய வெப்பம் கூடிவருவதை உணர்வீர்கள். சிலருக்குத் தலைவலி, கை கால் விரல்களில் குடைச்சல் எல்லாம் கூட ஏற்படும். தீடீரென சக்தி உள்ளே பாய்வதால் ஏற்படுபவை இவை.

சிலருக்கு ஒரு உறக்கமின்மை அல்லது சோர்வு கூடத் தோன்றலாம். இவை எல்லாம் தற்காலிகமானவை. தியானத்தை தொடர்ந்தால் அவை நிச்சயமாக மறைந்து விடும்.

உள்ளுக்குள் அடைப்பட்டுக் கிடக்கும் நச்சுகள் உடலை விட்டு வெளியேறுவதன் வெளிப்பாடுகள்தான் இவை. தொடர்ந்து தியானம் செய்ய, நச்சுகள் அனைத்தும் முழுமையாக வெளி வந்து விடும். உடல் சுகம் பெறும்.

நீங்கள் ஏதாவதொரு கடுமையான உடல் நலக் கேட்டில் இருக்கும்போது அல்லது ஒரு தியான முறையைப் பயன்படுத்தும்போது தொல்லை ஏற்பட்டால், மருத்துவரின் ஆலோசனையைப் பெறுங்கள். அல்லது, வெறுமனே தியான முறையைக் கைவிட்டு விடுங்கள்.

இதுபோன்ற சிறிய பிரச்சினைகளால், எந்தவொரு தியான முறையையும் கடைப்பிடிக்க முடியாதபடி, உங்கள் கவலைகள் அதை நிறுத்திவிட அனுமாதிக்காதீர்கள்.

காரணம், தியானம் உடலுக்கும் மனத்திற்கும் நல்லதை மட்டும் செய்யும். சுகத்தை மட்டும் தரும்.

சும்மா அப்படியே போய், தியானத்தில் மூழ்கி விடுங்கள். உங்கள் கண்முன்பாகவே, உங்கள் வாழ்வுநிலை மாற்றம் பெறவதை நீங்கள் காண்பீர்கள்.