சிரிப்புத் தியானம்
இந்த உத்தி பற்றி :
எந்த அளவுக்கு நீங்கள் அடிக்கடி சிரிக்கிறீர்கள் ?
நாம் சிரிக்கும்போது, மாபெரும் ஆன்மிகப் பயிற்சி ஒன்றை மேற்கொள்கிறோம் என்ற நினைவே நமக்குச் சுத்தமாக இல்லை !
சிரிப்பு, உங்களை உங்கள் மூலத்தோடு இணைக்கிற தியானம் உங்களுக்காக
மிகவும் நெருக்கமானதொரு உள்ளார்ந்த வழி.
அது மிக எளிதானது; மிகுந்த ஆற்றல் கொண்டது.
வாழ்வில், ஒவ்வொருவரும் எப்போதாவது பயிற்சி செய்து பார்த்திருக்கும் ஒரே தியானம் இதுதான்.
சிரிப்பு, அளவு கடந்த ஆற்றலின் மூலம்.
சும்மா சிரித்துப் பாருங்கள், சக்தி உங்கள் மையத்திலிருந்து பொங்கி எழுந்து, ப பெருவெள்ளமாய் உங்களை நிரப்பிவிடும்.
நீங்கள் சிரிக்கும்போது ...
உங்கள் எல்லை மதில்கள் தகர்ந்து விடுகின்றன.
சுயத்தின் உணர்வை நீங்கள் இழந்து விடுவீர்கள்.
நீங்கள், சிரிப்பால் ஆக்கிரமிக்கப்பட்டு விடுவீர்கள்.
இதைக் கவனித்திருக்கிறீர்களா ?
ஒரே சமயத்தில், சிரிக்கவும், சிந்திக்கவும் முடியாது!
நீங்கள் சிரி சிரியென்று சிரித்துக் கொண்டிருக்கும் போது, எண்ணத்திற்கு அப்போது இடமில்லை என்பதை, ஒரு கணப்பொழுதில் உணர்ந்து கொள்வீர்கள். அப்போது, மனமற்ற நிலையை நீங்கள் அனுபவிப்பீர்கள்!
நான் சொல்லும் சிரிப்பு, நமுட்டுச் சிரிப்பன்று; ஏளனம் கலந்த அரைச் சிரிப்புமன்று; புன்முறுவலும் அன்று. அது, அழகான பெரும் சிரிப்பு.
அது உங்களை நிறைத்து, வெளியேயும் பிரவகிப்பது. காாணமற்ற சிரிப்பு இது.
சாதாரணமாக, ஏதோ ஒரு காரணத்தால்தான் சிரிக்க ஆரம்பிக்கிறீர்கள் - ஆனால் ஒருமுறை ஆரம்பித்துவிட்டால், அந்தச் சிரிப்பு உங்களைப் பிடித்துக் கொண்டுவிடுகிறது. அதற்குப் பிறகு சும்மா சிரித்துக் கொண்டே இருப்பீர்கள். காரணம், நீங்கள் சிரிப்பதால்தான்! அவ்வளவுதான்.
சிரிப்பின் மகிழ்ச்சியே உங்களைச் சிரித்துக் கொண்டே இருக்கச் செய்கிறது. உங்களுக்கு அது பற்றிய நினைவுகூட இருக்காது.
ஜப்பானியத் துறவி ஹோடெய் என்பவருக்கு 'சிரிக்கும் புத்தா' என்று பெயர். அவருடைய ஆன்மிக நற்செய்தி முழுவதையும் ஒற்றைச் செயலில் அடக்கி விடலாம்.
அதுதான் சிரிப்பு!
அவர் ஊராக அலைந்து கொண்டே இருப்பார். பொது இடங்களில் நின்று சிரிக்க ஆரம்பித்துவிடுவார்! சிரிப்பென்றால், சத்தமிட்டுச் சிரிக்கும் பெரும் சிரிப்பு; வயிறு குலுங்கச் சிரிப்பது.
சிரிப்பால் அவரது உடலே குலுங்கும். அந்தச் ியானம் உங்களுக்காக
சிரிப்பு, அவரிடமிருந்து அனைவருக்கும் பரவி, ஒரு பெரும் சக்தி அலையை உருவாக்கும். அவரது சிரிப்பு, ஒர் ஒட்டுவார் ஒட்டிபோல எங்கும் பரவி ஊரே அவரோடு சேர்ந்து சிரிக்க ஆரம்பித்து விடும். அந்த ஊரே சிரிப்பால் ஆசிர்வதிக்கப்பட்டுவிடும் !
எந்த உத்தியும் இல்லாமல், எந்த முயற்சியும் செய்யாமல், அந்த நினைவுகூட இல்லாமல், முழுவதுமே, மனமற்ற நிலையின் ஒரு சின்ன பொறியை அனுபவித்துவிடும்.
சிரிப்பு என்பது, எப்பேர்ப்பட்ட தலைசிறந்த தியான முறை!
செயல்முறை விளக்கம் :
ஒவ்வொரு நாள் காலையிலும், கண் விழித்தவுடன், ஒரு குழந்தையைப்போலக் கிகைகால்களை நீட்டுங்கள். விழித்தவுடன் கவனித்திருக்கிறீர்களா ?
இப்படியும் அப்படியும் நீட்டி, நிமிா்ந்து சடவு வாங்கி, உடலை வளைத்து முறுக்குங்கள். உடலின் ஒவ்வொரு தசைநாரும் நீண்டு நிமிரட்டும் !
பிறகு, கண்களைத் திறக்காமலேயே சிரிக்கத் தொடங்குங்கள்.
கொஞ்சம் ஆரம்பத்தில் முயற்சி மேற்கொள்ளத்தான் வேண்டிவரும். பிறகு, உண்மையான
சிரிப்பு, உங்களுக்குள் பொங்க ஆரம்பித்துவிடும்.
சிரிப்பதற்கு ஒன்றுமே இல்லையென்றால், சிரிப்பதற்கு நீங்கள் முயற்சி எடுக்கும், கோமாளித்தனமே உங்களுக்குச் சிரிப்பைக் கொண்டு வந்துவிடும் !
சிரிப்பு ஒரு முறை உங்களைப் பற்றிக் கொண்டு விட்டால், அதை அப்படியே தொடர விடுங்கள்.
எவ்வளவு நேரம் என்ற வரையறை இதில் இல்லை.
சலிக்கும் வரை சிரித்துக் கொண்டே இருங்கள்.
சிரிக்கச் சிரிக்க, சிரிப்பை நீண்டநேரம் நீட்டிக்க உங்களால் முடியும்.
நாற்பத்தைந்து நிமிடம் ஒருவரால் தொடர்ந்து சிரிக்க முடியுமானால், அவர் ஞானம் பெற்று விடுவார் என்று புத்தர் சொல்லியிருக்கிறார், வெறும் நாற்பத்தைந்து நிமிடச் சிரிப்பில் !
அதனால் எவ்வளவு நேரம் முடியுமோ அவ்வளவு நேரம் சிரியுங்கள்! சிரிப்பைத் தொடர்வதற்கான சக்தி உங்களுக்குள் பொங்கி எழும்.
சிரித்து முடித்து நீண்ட நேரம் ஆன பின்பும், சமதளத்திற்கு அடியில், அந்தச் சிரிப்பலைகள் நிலை கொண்டுதான் இருக்கும்.
தினசரி, காலை செய்யும் சில நிமிடச் சிரிப்பு, உங்கள் நாள் முழுமையையுமே மாற்றி அமைத்துவிடும்.
மௌன பிந்து