ಧ್ಯಾನವು ಕೆಲಸಕಾರ್ಯಗಳಿಗೆ ವಿರೋಧವಾದದಲ್ಲ!
ಒಮ್ಮೆ ನಿಮ್ಮ ಅಸ್ತಿತ್ವದಲ್ಲಿಯೇ ನೀವು ವಿಚಲಿತರಾಗದೆ ಉಳಿಯುವ ಕುಶಲತೆಯನ್ನು (ಕಲೆಯನ್ನು) ಕಲಿತರೆ, ನೀವು ಎಷ್ಟೇ ಕೆಲಸಕಾರ್ಯಗಳಿದ್ದರೂ ಸಹ, ಅದೇ ಸ್ಥಿತಿಯಲ್ಲಿದ್ದು ಎಲ್ಲವನ್ನೂ ಸಮರ್ಪಕವಾಗಿ ನಡೆಸಬಹುದು. ಹೊರಗಡೆ ನೀವು ಮಾಡುವ ಅಥವಾ ಮಾಡದೇ ಇರುವ ಕಾರ್ಯಗಳು ಅಪ್ರಸ್ತುತವಾದದ್ದು. (ಇದಕ್ಕೆ ಸಂಬಂಧಿಸಿದವುಗಳೇ ಅಲ್ಲ).
ಇದು ಎರಡು ಸರಳ ಪ್ರಕ್ರಿಯೆ
ಮೊದಲನೆಯದಾಗಿ ಅಂತರಾತ್ಮದ ಜೊತೆ ನೀವು ಸಂಪರ್ಕವನ್ನು ಪಡೆಯಬೇಕು. ಅಂತಹದೊಂದು ಇದೆ ಎಂಬುದನ್ನು ನೀವು ಅರಿತುಕೊಳ್ಳಬೇಕು! ಆ ಇರುವಿಕೆಯ ಸ್ಥಿತಿಯಲ್ಲಿಯೇ ಆನಂದಿಸುವುದನ್ನು ಕಲಿಯಬೇಕು. ಧ್ಯಾನಕ್ಕೆ ಕುಳಿತಾಗ ಮೊದಮೊದಲು ನೀವು ಇದನ್ನು ಅರ್ಧ ಅಥವಾ ಒಂದು ಗಂಟೆಯವರೆಗೆ ಮಾತ್ರ ಮಾಡುವಿರಿ. ಒಮ್ಮೆ ನಿಮಗೆ ಈ ಸ್ಥಿತಿಯು ಹಿತವೆನಿಸಿದರೆ, ಅದನ್ನೇ ಪ್ರಯತ್ನ ಮಾಡುತ್ತಾ ನಿಮ್ಮ ಧ್ಯಾನದ ಅವಧಿಯನ್ನು ಹೆಚ್ಚಿಸುತ್ತಾ ಹೋಗಬೇಕು.
ಪ್ರಾರಂಭದಲ್ಲಿ ಸ್ವಲ್ಪಸ್ವಲ್ಪವಾಗಿಯೇ ತೊಡಗಿಕೊಳ್ಳಿ. ಹಾಗೆಯೇ ಊಟ ಮಾಡುವಾಗಲೂ, ನಡೆಯುತ್ತಿರುವಾಗಲೂ, ಕೆಲಸ ಮಾಡುವಾಗಲೂ, ಕೇಂದ್ರೀಕರಿಸಿ ಅದೇ ಸ್ಥಿತಿಯಲ್ಲಿರಲು ಯತ್ನಿಸಿರಿ. ಒಮ್ಮೆ ನೀವು ಇದನ್ನು ಸಾಧಿಸಿದಿರಿ ತೊಡಗಬಹುದು.
ಹೊರಗಡೆ ನಿಮ್ಮ ಜೀವನ ಎಂದಿನಂತೆ ಸಾಗುತಾ ಇರುತ್ತೆ. ಸರಿಯಾಗಿ ಹೇಳುವುದಾದರೆ, ಇನ್ನೂ ಒಳ್ಳೆಯ ರೀತಿಯಲ್ಲಿ ನಡೆಯುತ್ತಿರುತ್ತೆ ಅನ್ನಬಹುದು -ಏಕೆಂದರೆ, ನೀವು ಹೆಚ್ಚಿನ ಸ್ಪಷ್ಟತೆ ಹಾಗೂ ತೀವ್ರವಾದ ಆಸಕ್ತಿಯನ್ನು ಹೊಂದಿದವರಾಗಿರುತ್ತೀರಿ. ನೀವು ಸೃಜನಾತ್ಮಕರೂ ಆಗಿರುತ್ತೀರಿ.
ಆದರೂ ಸಹ, ಆಂತರ್ಯದಲ್ಲಿ ಆಳವಾದ ಮತ್ತು ಕ್ಷೋಭೆಗೊಳ್ಳದ ಶಾಂತತೆಯನ್ನು ಅನುಭವಿಸುತ್ತೀರಿ.
ಏಕೆಂದರೆ, ನೀವು ಏನನ್ನೂ ನೋಡುತಿರುತ್ತೀರಿ.
ಇದೇ ಧ್ಯಾನದಲ್ಲಿನ ಸಂಪೂರ್ಣ ರಹಸ್ಯ - ನಿಮ್ಮ ಕಾರ್ಯಗಳಿಗೇ, ನಿಮ್ಮ ಭಾವನೆಗಳಿಗೇ ವೀಕ್ಷಕರಾಗುವಿಕೆ, ಸಾಕ್ಷಿಯಾಗುವಿಕೆ.
ನಿಮ್ಮ ಪ್ರಾರಂಭಿಸಿರುವುದರಿಂದ, ಬದಲಾಗದೇ ಇರುವವನು, ದುಃಖ ಪಡದೇ ಇರುವವನು, ಹಣಕ್ಕಾಗಲೀ, ರಕ್ಷಣೆಗಾಗಲೀ, ಯಶಸ್ತಿಗಾಗಲೀ ಲಕ್ಷಿಸದೇ ಇರುವವನು ನಿಮ್ಮೊಳಗೇ ಮತ್ತೊಬ್ಬನಿದ್ದಾನೆಂಬುವುದನ್ನು ಸ್ಪಷ್ಟವಾಗಿ ಅರ್ಥ ಮಾಡಿಕೊಳ್ಳುತೀರಿ.
ಮಿಕ್ಕಿದ್ದೆಲ್ಲವೂ ನಿಮ್ಮ ಸುತ್ತ ನೀವೇ ರಚಿಸಿಕೊಂಡ ಕೇವಲ ನಿಮ್ಮ ವ್ಯಕ್ತಿತ್ವ.
ಅದೇ ನಿಜವಾದ ನೀನು.