ನಾನೇಕೆ ಧ್ಯಾನ ಮಾಡಬೇಕು?🔗

ಯಾವಾಗಲೂ ನಾನು ಆನಂದವನ್ನು ಹುಡುಕುತ್ತಿರುವುದೇ ಆದರೆ, ಅದು ನನಗಿನ್ನೂ ಸಿಕ್ಕಿಲ್ಲವೇಕೆ ?

ಆನಂದದ ಸ್ಥಿತಿ ಎಂದರೇನು? ಅದರ ಅನುಭವ ಧ್ಯಾನದಿಂದ ಮಾತ್ರ ಸಾಧ್ಯವೇನು?

ಧ್ಯಾನ ಎಂದರೆ ನಿಜವಾಗಿ ಏನು?

ಎಲ್ಲರೂ ಧ್ಯಾನವನ್ನು ಕಲಿಯಲು ಸಾಧ್ಯವೇ?

ಧ್ಯಾನ ತಂತ್ರಗಳ ಅಗತ್ಯವಾದರೂ ಏಕೆ ನನಗೆ?

ಪ್ರತಿದಿನ ಎಷ್ಟು ಗಂಟೆಗಳ ಕಾಲ ನಾನು ಧ್ಯಾನ ಮಾಡಬೇಕು?

ಧ್ಯಾನದಿಂದ ನಮಗಾಗುವ ಲಾಭಗಳೇನು? ಎಂದುರಾ

ಧ್ಯಾನದ ಮೇಲಷ್ಟೆ ನಾನು ಕೇಂದ್ರೀಕರಿಸಿದರೆ, ಬೇರೆ ಕೆಲಸಗಳನ್ನು ನಾನು ಮಾಡುವುದಾದರೂ ಹೇಗೆ?

ಧ್ಯಾನವನ್ನು ತಲುಪಲು ಸರಿಯಾದ ಮಾರ್ಗವಾದರೂ ಏನು? ನನಗೆ ಸೂಕ್ತವಾದ ಧ್ಯಾನ ತಂತ್ರ ಯಾವುದು?

ಧ್ಯಾನದ ತಂತ್ರಗಳು

ಶಕ್ತಿಧಾರಣಾ

ಮೆಡಿಟೇಶನ್ ಏಕೆ? (ಧ್ಯಾನ ಏಕೆ? )

ಪ್ರಾರಂಭಿಸುವುದಕ್ಕೆ ಇದು ಸರಿಯಾದ ಪ್ರಶ್ನೆ. ನಮ್ಮ ಜೀವನದಲ್ಲಿ ನಮಗೆ ನಿಜವಾಗಿಯೂ ಧ್ಯಾನದ ಅವಶ್ಯಕತೆ ಇದೆಯೇ? ನಾನು ಕೇಳ್ತೀನಿ, - ನೀವು ಈ ಪುಸ್ತಕವನ್ನು ಏಕೆ ಓದುತ್ತಿದ್ದೀರಿ? ಓದಬಹುದಾದ ಎಷ್ಟೆಲ್ಲಾ ಪುಸ್ತಕಗಳು ಇದ್ದರೂ ಈ ಕ್ಷಣದಲ್ಲಿ ಈ ಪುಸ್ತಕವನ್ನು ಓದಲು ಆರಿಸಿಕೊಂಡಿದ್ದೀರಿ.

ನಿಮ್ಮೊಳಗೆ ಈ ಧ್ಯಾನದ ಬಗ್ಗೆ ಆಳವಾದ ಆಸಕ್ತಿ ಇದೆ ಎಂಬುದನ್ನು ನಿಮ್ಮ ಚರ್ಯೆಯೇ ತಿಳಿಸುತ್ತಾ ಇದೆ - ಹಾಗೂ ನಮ್ಮೆಲ್ಲರಲ್ಲಿಯೂ ಸಹ. ಜೀವನದಲ್ಲಿ ನಿಮ್ಮ ಅಂತಿಮ ಗುರಿ ಏನು?

ಹೆಚ್ಚು ಸಂಪಾದಿಸಲೆಂದೇ?

ಯಾವಾಗ್ಯೂ ಯುವಕರಾಗಿ, ಆರೋಗ್ಯವಾಗಿ, ಸುಂದರವಾಗಿ (ಚೆನ್ನಾಗಿ) ಇರಬೇಕು ಎಂತಲೇ?

ಶಾಶ್ವತವಾದ, ಒಳ್ಳೆಯ ಸಂಬಂಧಗಳನ್ನು ಬೆಳೆಸಿಕೊಳ್ಳಬೇಕೆಂದೇ?

ನಿಮ್ಮ ವ್ಯಕ್ತಿತ್ವವನ್ನು ಸುಧಾರಿಸಿಕೊಳ್ಳ ಬೇಕೆಂದೇ?

ಈ ಪಟ್ಟಿಗೆ ಕೊನೆಯೇ ಇಲ್ಲ - ಪ್ರತಿ ವ್ಯಕ್ತಿಗೂ ತನ್ನದೇ ಆದ ನಿರ್ದಿಷ್ಟವಾದ ಗುರಿ ಇರುತ್ತೆ.

ಹೊಸಿಲಿನಲ್ಲಿಯೇ ಪ್ರಶ್ನೆಗಳು (ಪ್ರವೇಶದ್ವಾರದಲ್ಲಿಯೇ ಪ್ರಶ್ನೆಗಳು)

ಪ್ರತಿಯೊಂದು ಗುರಿಯೂ ಅಪವಾದವೇ ಇಲ್ಲದೆ, ಒಂದನ್ನೇ ಸೂಚಿಸುತ್ತೆ ನಾವು ಆನಂದದ ಸ್ಥಿತಿಯಲ್ಲಿಯೇ ಇರಬೇಕು ಅನ್ನುವ ತೀವ್ರ ಆಸಕ್ತಿಯನ್ನು ಹೊಂದಿರುತ್ತದೆ.

ಇದನ್ನು ಒಪ್ಪದೇ ಇರುವವರು ಯಾರಾದರೂ ಇದ್ದೀರಾ?

ನನಗೆ ಆನಂದದಲ್ಲಿ ಆಸಕ್ತಿಯೇ ಇಲ್ಲ, ಸಂತೋಷವಾಗಿ, ಆನಂದವಾಗಿ ಇದ್ದು ನನಗೇನಾಗಬೇಕಾಗಿದೆ ಎಂದು ಹೇಳುವವರು ಯಾರಾದರೂ ಇದ್ದೀರಾ?

ನಾವು ಪ್ರತಿಯೊಬ್ಬರೂ ಹುಡುಕುತಿರುವುದು ಆನಂದವನ್ನಲ್ಲದೆ ಬೇರೇನನ್ನೂ ಅಲ್ಲ. ಎಷ್ಟೇ ಬುದ್ಧಿವಂತಿಕೆಯಿಂದ, ಪರ್ಯಾಯವಾಗಿ ಬೇರೆ ಯಾವ ರೀತಿ ವ್ಯಕ್ತಪಡಿಸಿದರೂ ಸಹ ನಾವೆಲ್ಲರೂ ಹುಡುಕುತಿರುವುದು ಆನಂದವನ್ನೇ.

ಆದರೆ ಹುಡುಕುತಿರುವ ದಾರಿ ಮಾತ್ರ ಬೇರೆ ಬೇರೆ.

ಹಣದ ಮೂಲಕ, ಅಧಿಕಾರದ ಮೂಲಕ, ಸಂಬಂಧಗಳ ಮೂಲಕ -ಸಂತೋಷದ, ಕಷ್ಟದ ನಮ್ಮ ದಿನನಿತ್ಯದ ಜೀವನ ನಾಟಕದ ಮೂಲಕ - ನಾವು ಹುಡುಕುತ್ತಿರುವುದು ಆನಂದವನ್ನೇ. ಇದೇ ಜೀವನದಲ್ಲಿ ತೊಡಗಿಸಿಕೊಳ್ಳುವ ಏಕೈಕ ಪ್ರೇರಣಾ ಶಕ್ತಿ.

ಈ ಆನಂದವನ್ನೇ ನಾವು ಜೀವನಪೂರ್ತಿ ಹುಡುಕುತ್ತಿದ್ದರೂ ಸಹ, ಇನ್ನೂ ಏಕೆ ನಮಗೆ ಅದು ಸಿಕ್ಕಿಲ್ಲ?

ಏಕೆಂದರೆ ಅದನ್ನು ನಾವು ಅರಿವಿಲ್ಲದೆ ಹುಡುಕುತಿದ್ದೇವೆ. ನಮ್ಮಲ್ಲಿ 99% ಜನಕ್ಕೆ ಆನಂದವೇ ನಮ್ಮ ನಿಜವಾದ ಗುರಿ ಎಂಬುದೇ ಗೊತ್ತಿಲ್ಲ.

ನಮ್ಮಲ್ಲಿ ಹೆಚ್ಚು ಜನಕ್ಕೆ ನಮ್ಮ ಜೀವನದಲ್ಲಿ ಏನೋ ಕಡಿಮೆ ಅಥವಾ ಕೊರತೆ ಇದೆ ಎಂಬುವುದು ಮಾತ್ರ ಗೊತ್ತು, ಆ ಖಾಲಿಯಾಗಿರುವದನ್ನು ನಾವು ಹಣದಿಂದ, ಸಂಬಂಧಗಳಿಂದ ಅಥವಾ ಏನನ್ನೋ ಪಡೆಯುವುದರಿಂದ ತುಂಬಲು ಆಗೊಲ್ಲ.

ಹೊಸಿಲಿನಲ್ಲಿಯೇ ಪ್ರಶ್ನೆಗಳು (ಪ್ರವೇಶದ್ವಾರದಲ್ಲಿಯೇ ಪ್ರಶ್ನೆಗಳು)

ಹೇಳಿ ನೋಡೋಣ, ಇಲ್ಲಿನವರೆಗೂ ನೀವು ಈ ಹೊರ ಪ್ರಪಂಚದಿಂದ ಸಂಪಾದಿಸಿರುವುದು ಶಾಶ್ವತವಾಗಿ ಬೆಲೆಯುಳ್ಳದ್ದೇ?

ಆದರೂ ಇನ್ನು ಹುಡುಕುತಲೇ ಇದ್ದೇವೆ.

ನಮಗೆ ಅದು ಗೊತ್ತಿಲ್ಲದುದರಿಂದ, ನಾವು ಅದನ್ನು ನಮ್ಮ ಹೊರಗಡೆಯೇ ಹುಡುಕುತ್ತಿದ್ದೇವೆ. ನಮ್ಮಲ್ಲೇ ಇರುವುದನ್ನು! ಈ ಪ್ರಪಂಚದಲ್ಲಿ ಎಲ್ಲಾ ಕಡೆಯೂ ಹುಡುಕುತಿದ್ದೇವೆ.

ನೀವು ನಂಬಿ ಅಥವಾ ಬಿಡಿ, ಆನಂದ ಎಂಬುವುದು ನಮ್ಮ ಜನ್ಮಸಿದ್ದ ಹಕ್ಕು! ಆನಂದವೇ ನಮ್ಮ ನಿಜವಾದ ಸ್ವಭಾವ.