ಹೊಸಿಲಿನಲ್ಲಿಯೇ ಪ್ರಶ್ನೆಗಳು (ಪ್ರವೇಶದ್ವಾರದಲ್ಲಿಯೇ ಪ್ರಶ್ನೆಗಳು)🔗

ಪ್ರತಿ ದಿವಸ ಎಷ್ಟು ಗಂಟೆಗಳ ಕಾಲ ನಾನು ಧ್ಯಾನ ಮಾಡಬೇಕು?

ಎಷ್ಟು ಗಂಟೆಗಳು ಅನ್ನುವ ಪ್ರಶ್ನೆಯೇ ಇಲ್ಲ!

ನಾನು ತಿಳಿಸಿದಂತೆ ಧ್ಯಾನ ಎನ್ನುವುದನ್ನು ನಿಮ್ಮ ಜೀವನದಲ್ಲಿ (ಹೊಸದಾಗಿ) ಸೇರಿಸಿಕೊಳ್ಳುವುದು ಎಂದಲ್ಲ. ಇದು ಪ್ರತಿನಿತ್ಯ ನಾನು ಎಷ್ಟು ಸಾರಿ ಉಸಿರಾಡಬೇಕು? ಎಂದು ಕೇಳಿದ ಹಾಗಾಗುತ್ತದೆ.

ನಾನು ಪ್ರತಿನಿತ್ಯ ಇಷ್ಟು ಗಂಟೆಗಳ ಕಾಲ ಧ್ಯಾನ ಮಾಡುತ್ತೇನೆ, ಮಿಕ್ಕ ಸಮಯದಲ್ಲಿ ಈಗ ಏನೇನು ಮಾಡುತಿದ್ದೀನೋ ಅದನ್ನು ಮುಂದುವರಿಸಿಕೊಂಡು ಹೋಗುತೇನೆ ಎಂದು ನೀವು ಹೇಳಲಾಗುವುದಿಲ್ಲ.

ಧ್ಯಾನಕ್ಕೆ ಬೇಕಾಗಿರುವುದು ನಿಮ್ಮ ಒಳಗೇ ಮಹತ್ತರವಾದ ಬದಲಾವಣೆ.

ಧ್ಯಾನವೆನ್ನುವುದು ನಿಮ್ಮ ಜೀವನಪಥದ ಸಂಪೂರ್ಣ ಪರಿವರ್ತನೆ.

ನಿಮ್ಮೊಳಗೆ ಮೊದಲೇ ಬೀಜವು ಇದ್ದು ಬಿಟ್ಟಿದೆ, ಆದರೆ, ಅದು ಮೊಳೆತು, ಮರವಾಗಿ ಬೆಳೆದು ಫಲ ಕೊಡಲು ಮೊದಲು ಆ ಬೀಜವು ಒಡೆಯಬೇಕು.

ನೀವು ನಿಮ್ಮನ್ನು ಬಿರಿದುಕೊಂಡು ಅವಕಾಶ ಮಾಡಿಕೊಳ್ಳಬೇಕು! ಯಾವಾಗ ನೀವು ಧ್ಯಾನವನ್ನು ಪ್ರಾಮಾಣಿಕವಾಗಿ ಅಭ್ಯಾಸ ಮಾಡುತ್ತೀರೋ, ಆಗ ಇದು ತನಗೆ ತಾನೇ ಆಗುತ್ತದೆ. ಆದರೆ, ಅದು ಮೊಳೆತು, ಬೆಳೆದು, ಪೂರ್ಣವಾಗಿ ಬದಲಾವಣೆಯನ್ನು ಹೊಂದಬೇಕೆಂಬ ಒಲವು ಒಪ್ಪಿಗೆ ನಿಮ್ಮೊಳಗೆ ಇರಬೇಕು.

ಧ್ಯಾನವು ಪುನರ್ಜನ್ಮಕ್ಕಿಂತ ಕಡಿಮೆಯೇನಲ್ಲ! ನಿಮಗೆ ಸಾವನ್ನು ಎದುರಿಸುವ, ನಿಮ್ಮ ಸ್ವಂತ ಸಾವನ್ನೇ ಎದುರಿಸುವ ಸಾಹಸ, ಧೈರ್ಯ ನಿಮ್ಮಲ್ಲಿರಬೇಕು ಹಾಗೂ ಪುನಃ ಹೊಸಬರಾಗಿ ಹುಟ್ಟಲು ಸಿದ್ದರಿರಬೇಕು.

ಹೊಸಿಲಿನಲ್ಲಿಯೇ ಪ್ರಶ್ನೆಗಳು (ಪ್ರವೇಶದ್ವಾರದಲ್ಲಿಯೇ ಪ್ರಶ್ನೆಗಳು)

ಧ್ಯಾನದಿಂದ ಆಗುವ ಪ್ರಯೋಜನಗಳೇನು?

ಧ್ಯಾನವು ನಿಮ್ಮನ್ನು ದೈಹಿಕವಾಗಿಯೂ, ಮಾನಸಿಕವಾಗಿಯೂ, ಭಾವನಾತ್ಮಕ ವಾಗಿಯೂ ಹಾಗೂ ಆಧ್ಯಾತ್ಮಿಕವಾಗಿಯೂ ಪರಿವರ್ತಿಸುವ ಶಕ್ತಿಯುಳ್ಳದ್ದಾಗಿದೆ.

ದೈಹಿಕ ಮಟ್ಟದಲ್ಲಿ ಉಪಯೋಗವು ಚೆನ್ನಾಗಿ ಗೊತ್ತಿರುವುದೇ ಆಗಿದೆ.

ಧ್ಯಾನದ ಮೂಲಕ, ನಿಮ್ಮ ರಕ್ತದ ಸಕ್ರಮಗೊಳಿಸಬಹುದು. ನಿಮ್ಮ ಶರೀರದಲ್ಲಿ ಖಾಯಿಲೆಯನ್ನು ನಿರೋಧಿಸುವ ಶಕ್ತಿಯನ್ನು ಹೆಚ್ಚಿಸಬಹುದು. ಧ್ಯಾನದ ಮೂಲಕ ದೀರ್ಘ ಕಾಲದ ತೀವ್ರ ಸಮಸ್ಯೆಗಳನ್ನು ಅಂದರೆ ಚರ್ಮರೋಗ, ಆಸ್ತಮಾ, ಕೀಲುನೋವು ಇವುಗಳನ್ನೂ ವಾಸಿಮಾಡಲು ಸಾಧ್ಯ. ಯಾವ ಖಾಯಿಲೆಯೂ ಧ್ಯಾನದ ಶಕ್ತಿಯಿಂದ ತಪ್ಪಿಸಿಕೊಳ್ಳಲಾಗುವುದಿಲ್ಲ! ಧ್ಯಾನವು ಔಷಧೋಪಚಾರಕ್ಕೆ ಪ್ರೋತ್ಸಾಹಕಾರಿ ಹೊರತು ಅದಕ್ಕೆ ಪರ್ಯಾಯವಲ್ಲ.

ಮಾನಸಿಕ ಸರದಲ್ಲಿ ಆಲೋಚನೆಗಳಲ್ಲಿ ಸ್ಪಷ್ಟತೆಯನ್ನೂ, ವಿಮರ್ಶಾತ್ಮಕತೆಯನ್ನೂ ಹೆಚ್ಚಿಸುತ್ತದೆ. ಆಲೋಚನೆಗಳ ಮಧ್ಯದ ಅಂತರವು ಜಾಸ್ತಿಯಾಗುತ್ತೆ, ಏಕಾಗ್ರತೆ ಮತ್ತು ಜ್ಞಾಪಕ ಶಕ್ತಿಯನ್ನು ಸುಧಾರಿಸುವುದಕ್ಕೆ ಧ್ಯಾನವು ಒಂದು ನಿಶ್ಚಿತ ಮಾರ್ಗವಾಗಿದೆ. ಎಲ್ಲಕ್ಕಿಂತ ಹೆಚ್ಚಾಗಿ ಧ್ಯಾನವು ನಿಮ್ಮನ್ನು ಬುದ್ಧಿಮತ್ತೆಯಿಂದ ಪ್ರಜ್ಞಾಶಕ್ತಿಯತ್ತ ಮಾರ್ಗದರ್ಶನವನ್ನು ಮಾಡುತ್ತದೆ. ಪ್ರಜ್ಞಾಶಕ್ತಿಯು ಯಾವ ಸಂದರ್ಭವೇ ಆಗಲಿ ಅದಕ್ಕೆ ತಕ್ಕಂತೆ ಹೆಚ್ಚು ಸೃಜನಾತ್ಮಕ ಹಾಗೂ ರಚನಾತ್ಮಕ ಸಾಮರ್ಥ್ಯದೊಂದಿಗೆ ಪ್ರತಿಕ್ರಿಯಿಸಲು ಸಾಮರ್ಥ್ಯವನ್ನು ನೀಡುತ್ತದೆ. ಈ ಕಲೆಯನ್ನು ನೀವು ಕಲಿಯಲಾರಿರಿ. ಆದರೆ ಧ್ಯಾನದಿಂದ ಇದು ತಾನಾಗಿಯೇ ಸಹಜವಾಗಿ ಅರಳುತ್ತದೆ.

ಆಧ್ಯಾತ್ಮಿಕವಾದ ಉಪಯೋಗಗಳು ಅಂದರೆ ಅದನ್ನು ಪಟ್ಟಿ ಮಾಡಲಾರದಷ್ಟಿವೆ. ಧ್ಯಾನವು ವಿಶ್ವಶಕ್ತಿಯ ಅನಂತ ಚೈತನ್ಯದೊಂದಿಗೆ ನೇರ ಸಂಪರ್ಕವನ್ನು ಪಡೆಯುವಂತೆ ನಿಮ್ಮನ್ನು ಮಾಡಿಬಿಡುತ್ತದೆ. ನಿಮ್ಮೊಳಗೇ ಪ್ರತಿಯೋರ್ವರಲ್ಲೂ