51. துரத்துவதை துறந்து விடுங்கள்🔗

ஆண்ட்ரு கார்னகி மிகப் பெரிய சாதனையாளர். உலகத்தின் பெரிய செல்வந்தர்கள் பட்டியலில் இடம் பெற்றவர். இதற்கு மேல் சாதிக்க வேண்டும் என்ற அவசியமே இல்லாத அளவுக்கு இமாலய சாதனை படைத்தவர்.

ஒரு முறை பேட்டியளிக்கையில்,

அவர் சந்தித்த சிந்தனையைத் தூண்டும் கேள்வி,

"ஓய்வேயில்லாமல், சம்பாதித்துக் கொண்டிருப்பதிலிருந்து நீங்கள் எப்போது வேண்டுமானாலும் ஓய்வெடுத்திருக்கலாம். இளைப்பாறியிருக்கலாம். உங்களைச் சுற்றி எல்லாம் இருந்தும், ஏன் இன்னும் சாதிக்க வி ஓடிக் கொண்டே யிருக்கிறீர்கள் ? ' என கேட்கப்பட்டதற்கு,

கார்னகி சொன்னார், "சரியாகக் கேட்டீர்கள், நீங்கள் சொன்னது போல் ஓய்வெடுத்திருக்கலாம்தான். ஆனால், என்னால் அது முடியவில்லை.

'ஓடுவதை நிறுத்தி ஓய்வெடுப்பது எப்படி' என்பதை நான் மறந்து விட்டேன். இதன் விளைவு - ஓடிக்கொண்டேயிருக்கிறேன்''.

● ஒவ்வொருவரின் வாழ்க்கைச் சக்கரமும் ஒவ்வொரு விதமானது. அச்சக்கரத்தை ஒரு முறை மேட்டிலிருந்து கற்றி விட்டால், அச்சக்கரம் அதன் கட்டுப்பாட்டை இழந்து விடும். வேகமாய் ஓடும் சக்கரம் தானாய் நிற்க நினைத்தால் கூட நிற்க முடியாது. யாராவது தடுத்து நிறுத்த வேண்டும்.

52. உண்மையின் வெளிப்பாடு

பத்திரிக்கையொன்றில் வந்த வித்தியாசமான சம்பவக் குறிப்பு ... அவருடைய குடும்பம் பற்றி சொல்லச் சொல்லி மனநல மருத்துவர் கேட்கிறார்.

அவர், "என் மகன் ஒரு செயின் ஸ்மோக்கர், என் மகள் ஒரு ட்ரக் அடிக்ட். என் மனைவி ஒரு பெரிய குடிகாரி" என்றார்.

• மருத்துவர், "உங்கள் குடும்பத்தில் பாஸிட்டிவான ஆள் ஒருவர் கூட இல்லையா? எனக் கேட்டார்.

அவர், "என்ன அப்படி கேட்டுட்டீங்க! நான் ஒரு எச்.ஐ.வி. பாஸிட்டிவான ஆள் டாக்டா!" என்றாராம் உறுதியான குரலில்.

● அந்த மனநோயாளிக்கு, அவர் பேசுவது நியாயமான பேச்சாகவே தெரிந்தது. காரணம் மனத் தெளிவின்மை. நம் நியாயமான பேச்சுகளிலும் செயல்களிலும் நம் மனத் தெளிவின்மை வெளிப்பட்டுக் கொண்டேயிருக்கும். யார் கண்டுபிடிப்பது?

53. தவறை ஏன் தவறாக புரிந்துகொள்கிறீர்கள்

ஊர் வெளியே தபஸ்வி ஒருவர் வாழ்ந்து வந்தார். அவர் ஒரு கடுமையான ஒழுக்கவாதி. நீதிநெறிப்படி தவறாமல் வாழ முயற்சிப்பவர்.

ஒரு நாள் இரவு அவரின் குடிசைக்கு வெளியாள் ஒருவன் வந்தான். அவன், "ஐயா இன்று இரவு மட்டும் நான் இங்கு தங்க அனுமதிப்பீர்களா?" எனக் கேட்டான். தபஸ்வி அதற்கு அனுமதி கொடுத்ததோடு, இரவு உணவும் சேர்த்துக் கொடுத்தார்.

அவர் எழும் முன்பே அவன் எழுந்து சொல்லிக் கொள்ளாமல் நழுவி விட்டான். விடிந்ததும் அங்கு காவலர்கள் வந்தார்கள். நேற்றிரவு இங்கு யாராவது வந்தார்களா என்பது பற்றி விலாவாரியாக விசாரித்தார்கள். விசாரணையின் முடிவில், தபஸ்வி, "அவன் யார்? எதற்காக இவ்வளவு விசாரிக்கறீர்கள்" எனக் கேட்டதற்கு, "திருடன்" என்றனர்.

"ஐயோ! திருடனுக்கு உதவியது பாவமாயிற்றே ... " என அந்த நீதிநெறியாளர் புலம்பிக் கொண்டிருக்கும்போது, அவரை விட சப்தமாக இன்னொருவர் புலம்பும் சப்தம் கேட்கவே, தான் புலம்புவதை நிறுத்திவிட்டு "யார் அது?" எனக் கேட்டார்.

"கடவுள்" எனப் பதில் வந்தது.

"கடவுளே! நீங்கள் ஏன் புலம்ப வேண்டும்?" எனக் கேட்டதற்கு, "ஒரு நாள் இரவு நீ அவனைப் பாதுகாத்து உதவியதே தவறென்றால், முப்பது வருடங்களாக அவனை காக்கும் நான்தானே பெரும் தவறு செய்தவன். நான்தானே பெரும்பாவி!?" எனக் கேட்டார்.

● தவறு பற்றிய தவறான அபிப்பிராயம், அந்த தபஸ்வி மனதிலிருந்து அன்றே உடைந்து போனது. உங்கள் மனதிலிருக்கும் தவறு பற்றிய தவறான அபிப்பிராயங்களை கண்டுபிடித்து உடைத்தெறியுங்கள்.

54. பிடித்ததும், பிடிக்காததும்

நிட்டியின் மனைவி கேட்டார், "என்னிடம் பிடித்தது எது?" "நீ செய்யும் தவறுகள்?" "என்னிடம் பிடிக்காதது எது?" "நீ திரும்பத் திரும்ப செய்யும் அதே தவறுகள்"

இனி தவறு செய்யும்போது அது திரும்ப செய்யும் தவறா என காணத் தவறாதீர்கள். வளர்வீர்கள். வாழ்விர்கள்.

55. நாகர்கமா? நரகமா?

கேள்விக்குப் பதிலாய் ஒரு கதை,

விலங்குகள் ஆராய்ச்சியாளன் ஒருவன் நரமாமிசம் உண்ணும் ஒரு கும்பலிடம் சிக்கிக் கொண்டான். பிடிப்பட்ட வெள்ளையனை உயிரோடு வறுத்துக் தின்பதற்காகக் காட்டுக்குள்ளே கூச்சலோடு அந்தக் கும்பல் இழுத்துச் சென்றது.

புது விருந்துக்கு ஆள் கிடைத்த குஷியில் கும்பல் வெள்ளையணை தங்கள் தலைவனிடம் இழுத்துச் சென்றது. தலைவனுக்கு அருகிலேயே தலைமுடி சரியாக வெட்டி, நாகரிக மனிதன் போன்று உடையணிந்த ஒரு காட்டுவாசி உட்கார்ந்திருக்க ... வெள்ளையனுக்குப் புது நம்பிக்கை பிறந்தது.

'ஒருவேளை அவனுக்கு ஆங்கிலம் தெரிந்திருந்தால் தப்பித்துவிடலாம் என்று நினைத்துக் கொண்டிருக்கும் போதே...

ஆக்ஸ்போர்டு பல்கலைக்கழகத்தில் படித்தவன் போல் அந்த மனிதன் ஆங்கிலத்தில் வெள்ளையனிடம் பேசினான்.

வெள்ளையனிடம், "உன் கடைசி ஆசை என்ன? சொல். முடிந்தால் நிறைவேற்றி வைக்கிறேன். இங்கே இருக்கிறவர்களுக்கு பார்மாலிட்டீஸ் எல்லாம் தெரியாது" என்றான்.

வெள்ளையன், "ஆக்ஸ்போர்டு பல்கலைக்கழகத்தில் படித்திருக்கிறாய், நாகரீக உலகில் வாழ்ந்திருக்கிறாய் இதெல்லாம் உன்னிடம் எந்த ஒரு மாற்றத்தையும் செய்யவே இல்லையா?" என்று வெகுண்டு கேட்டான்.

அதற்கு அவன் உடலை உலுக்கிக் கொண்டு, "என்ன அப்படி கேட்டு விட்டீர்கள். நான் எவ்வளவு மாறிவிட்டேன் தெரியுமா? இவர்கள் போன்று அநாகரிகமாக நான் நடந்துக் கொள்வதில்லை.

இப்பக் கூட உன்னை வறுத்தப் பின்பு, நான் உன்னை ஸ்பூன், கத்தி, போர்க்கோடுதான் சாப்பிடுவேன்! விரல்களைப் பயன்படுத்தவே மாட்டேன். நான் நிறைய மாறிவிட்டேன்" என்றானாம்.

நாகரீகம் என்ற பெயரால் வெளிவேஷம் வேண்டுமானால் மாறலாம். மனிதன் மாறுவதற்கும் நாகரீகப் பூச்சுக்கும் சம்பந்தமில்லை. இதை உணர்த்தத்தான் இந்தக் கதை.

56. மனிதர்கள் மறக்கக் கூடாதது

புலவர் ஒருவரும் சாக்கிய முனியும் பேசிக்கொண்டது ...

"நீங்கள் மகாத்மாவா" "இல்லை" "நீங்கள் ஞானியா?" ''இல்லை'' "நீங்கள் அவதாரமா?" ''இல்லை'' "பின்னே நீங்கள் யார்? கடவுளா?" "மனிதனாய் வாழும் மனிதன்" மனிதர்கள் மனிதர்களாய் வாழ மறந்ததே, உலக வேதனையின் மூலவேர். பிடுங்கப்பட வேண்டியது இது!.

57. உடல் சொல்வதைக் கேளுங்கள்

காளையால் இழுக்க முடியாத அளவுக்கு அதிகச் சுமையை வைத்து, "இழு!" என ஏவும்போது அது தடுமாறினால் அது தவறு செய்வதாக ஆகுமா?

உடலின் தகுதிக்கும் தேவைக்கும் அதிகமான அளவு உணவை உள்ளே தள்ளிவிட்டு .... "எனக்கு ஜீரணக்கோளாறு!" என உடல் மேல் பழிபோட்டால் என்ன அர்த்தம்! ? யார் பொறுப்பு ... சொல்லுங்கள்.

"YOU ARE FOOD" என ஜே.கிருஷ்ணமூர்த்தி சொல்கிறார். YOUR EATING HABIT TELLS 'WHO YOU ARE' எனச் சொல்கிறது தாவோ தத்துவம்.

"உணவுக்கும் மனித குணத்துக்கும் நேரடித் தொடர்புண்டு. நாவைக் கட்டுப்படுத்தியவன், நவ குணத்தையும் கட்டுப் படுத்தியவன்' எனச் சொல்கிறது வேதாந்தம்.

● உண்ணும்போது சாந்தமாய், நிதானமாய் உண்ண முடிகிறதா ... "'போதும்'' என்ற உணர்வு வந்ததும், காரை பிரேக் போட்டு நிறுத்துவது போல உண்ணுவதை நிறுத்த முடிகிறதா ... . நாக்கிற்கு மட்டும் மதிப்பளிக்காமல் "என் உடலுக்கு இந்த உணவு, இவ்வளவு உணவு பொருந்துமா" என உடலை மதித்து உணவருந்துகிறீர்களா ...

உடல் கோயில். உணவு பிரசாதம். நீங்கள்தான் அர்ச்சகர். உங்களின் இரைப்பை என்னும் கற்பகிரகத்திற்குச் செல்லும் பிரசாதங்கள், பிரசாதங்கள்தானா ... ஒரு நாளின் மூன்று வேளையும் பூஜை புனிதமாக நடைபெறுகிறதா ....

கோயிலுக்குள் அராஜகமோ, துஷ்பிரயோகமோ கூடாது. கோயிலின் புனிதம் காக்கப்பட்டால், அங்கு தெய்வ சக்தி விழித்துக் கொள்ளும். எல்லாம் சுபமாகும்.