94. நன்றியுணர்வோடு இருங்கள் ...
நண்பர்களோடு பிக்னிக் செல்ல நூறு டாலர் தர வேண்டுமென வெகு உருக்கத்தோடு ஜானி வேண்டிக் கொண்டான். மேலும், தன்னுடைய முகவரியைச் சப்தமாகக் கடவுளிடம் சொல்லி வீட்டுக்குப் பணம் அனுப்பும்படி உரிமையோடு சொன்னான்.
'இன்னும் ஏன் அனுப்பவில்லை?' என மறுநாள் ஆலயம் வந்தவன், கடவுளிடம் கோபித்துக் கொண்டான்.
ஜானியின் செயலை ரசித்த மதபோதகர் தன் பணத்திலிருந்து ஐம்பது டாலரை ஜானி வீட்டுக்கு "இப்படிக்கு - கடவுள்" என எழுதி மணியார்டர் செய்தார்.
அடுத்த நாள் மாலை, ஆலயத்திற்கு வந்த ஜானி கடுகடுப்போடு கடவுளிடம் சொன்னான், ''அடுத்த முறை பணம் அனுப்பும்போது மணியார்டர் மூலமாக அனுப்ப வேண்டாம். அந்த போஸ்ட் ஆபீஸில் ஐம்பது டாலரை லஞ்சமாக எடுத்துக் கொண்டு, ஐம்பது டாலர் மட்டுமே எனக்கு அனுப்பினார்கள்".
கிடைத்தவைகளுக்கு மனிதன் மதிப்பளிப்பதில்லை. அதோடு நில்லாமல், கொடுக்கப்பட்டதில் குறை சொல்லிக் கொடுத்தவரையே கொட்டுவதும், "இன்னும் கொடு" எனச் சொல்லி பெற்றுக் கொண்டதை அவமதிப்பதும் நன்றியுணர்வற்றவர்களின் குணாதிசயங்கள்.
95. இது சாத்தியமே!
சீன பல்கலைக்கழகமொன்றில் 'எது மாபெருஞ்செல்வம்?' என்ற தலைப்பில் நடந்த கருத்தரங்கிற்கு வந்திருந்த தாவோ சொற்பொழிவாளரைத் தீர்பளிக்கும்படி கேட்டுக்கொள்ளப்பட்ட போது, "தன்னிடம் இருப்பதைக் கொண்டு திருப்தியடையும் பக்குவத்தை விட பெரிய செல்வம் இவ்வுலகில் இல்லை. இப்படிப்பட்டவர், செல்வச்சீமானை விட பல மடங்கு திருப்தியோடிருப்பார்" என்றார். நன்றியுணர்வு மிக்கவனுக்கே இது சாத்தியம். நன்றியுணர்வு மிக்கவராக மாறுங்கள்..
96. காதில் சொன்ன கிசுகிசா
தாய் மகனிடம், "பிளம் கேக்கை திருடிச் சாப்பிட்டாயா?" என வெகு கோபத்தோடு கேட்டார்.
மகன் "ஆமாம். சாப்பிட்டேன்" என்றான் எந்த தடுமாற்றமும் இல்லாமல்,
"நீ அந்த கேக்கைத் திருடும்போது கூட, கடவுள் அங்கேதான் இருந்தார் என்ற விஷயம் உனக்குத் தெரியுமா?" எனக் கேட்டு, தன் மகன் குற்றம் செய்திருப்பதைச் சுட்டிக் காட்ட முயற்சித்தார்.
"ம்ம் .... தெரியும்" என்றான் மகன் வெகு இயல்பாக. தாய்க்கு மகனின் பதில்கள் மேலும் மேலும் எரிச்சலைத் தந்தது ...
"நீ என்ன செய்தாலும், உன்னைக் கடவுள் கவனிக்கிறார் என்பது தெரியுமா?''
"ம் ... ம் ... தெரியும்மா"
"நீ திருடும்போது உன் செயலைப் பார்த்து அவர் என்ன சொல்லிக் கொண்டிருந்தார் என்று உனக்குத் தெரியுமா" எனக் கேட்டதற்கு,
மகன் ''கிசுகிசுவென மெல்ல கடவுள் சொன்னார் ... சமையலறையில் நம் இருவர் மட்டும்தான் இருக்கிறோம். அதனால், பயப்படாதே. எனக்கும் சேர்த்து இரண்டு பிளம் கேக்காக எடுத்துக் கொள் என்றார்!" எனச் சொன்னான்.
பொய் சொன்னதால் வாய் அடைத்து நின்றார். எது மெய்? எது பொய்? என இங்கு தீர்ப்பிட முடியுமா ...
● யாரையும் எதையும் எப்போதும் தீர்ப்பிட முடியாது என்பது உண்மை - 'தீர்ப்பிடக் கூடாது' என்பது அறிவுரை. - 'தீர்ப்பிடாமல் இரு' என்பது தியானம்.
97. வியாய்ப்பா வொய்புலர்கள்
உலகின் எல்லா தீர்ப்புகளுக்கும் புத்தரின் வைரம் பாய்ந்த விளக்கம்: இ கொள்கைகளும் நிஐத்தைப் பற்றிய பொய்யான விரிவுரைகள்''.
98. அந்தரத்தில் தொங்கினாலும் ஆணந்தமாய் இருக்கலாம்
அந்த மனிதன் புலியிடமிருந்து தப்பிக்க மிக வேகமாக ஓடிக் கொண்டிருந்தான். ஓடி ஓடி மலையின் விளிம்புக்கே வந்து விட்டவன்... பதட்டத்தில் துடுமாறி விழுந்தான்!
மலையிலிருந்து கீழே விழுந்து கொண்டிருந்தவன் கையில் சிவப்புப் பழங்கள் நிறைந்த பெரிய புதர் அகப்பட்டது. அதைப் பற்றிய அந்த மனிதன் அந்தரத்தில் தெரங்கிக் கொண்டிருந்தரன்.
மேலே புலி, கீழே பள்ளதாக்கு! இதையெல்லாம் தாண்டி, பிடித்திருக்கும் புதரோ வலுவிழுந்து கொண்டிருந்தது.
அந்த ஊசலாடும் கணத்தில், அந்த மனிதனின் கண்களில் புதரில் பழுத்துத் தொங்கிய சிவப்புப் பழங்கள் தென்பட்டது. ஒரு கையால் சிவப்புப் பழுத்தை பறித்து வாயில் போட்டுக் கொண்டார். சுவைக்க ஆரம்பித்தார். 'என்ன ருசி! என்ன இனிமை!' அதுவரை அவரின் வாழ்வில் ஒரு சிவப்புப் பழம் அவ்வளவு இனிமையாக இருந்ததில்லை.
"ஐயோ கீழே விழுந்தால் என்னாவோம்". என்ற கற்பனைகள் அந்த மனிதனிடம் அந்த நிமிடத்தில் இல்லை. அதனால்தான் பயத்திலேயே சாக வேண்டிய குழலில் கூட ஒரு பழத்தின் இனிமையை இனிமையாக ருசிக்க முடிந்தது.
உங்களின் பயம், எரிச்சல், துக்கம் எல்லாமே யாரோ அல்லது ஏதோ ஒன்றைச் சுற்றி உருவான கற்பனைகளால் உருவாகுபவைதான்.
நடந்த அல்லது நடக்கப் போகிற ஒரு காரியத்தை நாம் கற்பனை செய்யும் கோணத்தைப் பொருத்து நிம்மதியும், நிம்மதியின்மையும் நிர்ணயமாகிறது.