99. கலையாத கனவுகள்🔗

டி.வி. நிகழ்ச்சியொன்றில் முகுந்த் மனைவியிடம், "உங்களுக்கு எத்தனை பிள்ளைகள்" எனக் கேட்டதற்கு, "என் இரண்டு மகன்களும் நல்ல வேலையிலிருக்கிறார்கள்" எனச் சொன்னார். நிரூபர், "மகன்களின் வயது என்ன?" 'டாக்டருக்கு வயது ஆறும், இன்ஜினியருக்கு வயது மூன்றும் ஆகிறது' எனச் சொன்னார் கலையாத கற்பனைகளோடு! கற்பனை வலைக்குள் சிக்கிக்கொண்ட மின்மினிப் பூச்சிதான் மனம். தப்புவிக்கப்பட வேண்டும்.

100. மோசத்தை - மோட்சமாக்க

தியான சிகிச்சையின்போது, "நானொரு பாவி. முரடன். ஒரு காலத்தில் திருடன்! நானெல்லாம் புனிதமான தியானத்தை செய்யலாமா?'' என ஒரு நபர் என்னிடம் கேட்டார்.

அவரிடம், "நீங்கள் கேட்பது…. 'ஒரு மருத்துவரிடம் சென்ற நோயாளி, என் உடல் மோசமாயிருக்கிறது. உங்களின் புனிதமான மருந்துகளை நானெல்லாம் எடுத்துக் கொள்ளலாமா?' எனக் கேட்பது போலுள்ளது" என்றேன். அந்த நபரின் கண்களில் சந்தோஷம் பொங்கியது!

101. பகிர்தலும் பாடமாகும்

இளம் எழுத்தாளராக வளர்ந்து கொண்டிருந்த சமயத்தில், தனக்கு நேர்ந்த ஒரு சம்பவத்தை அந்த எழுத்தாளர் பகிர்ந்து கொண்டார்.

"சாமி, அது நான் எழுதிய முதல் புத்தகம். அந்தப் புத்ததம் பற்றி மற்றவரின் விமர்சனங்களைக் கேட்பேன். என் பக்கத்து வீட்டுக்காரரிடம் ஏதோ பேச்சுவாக்கில் இப்படிச் செரன்னேன்...

கதை எழுதுவதற்குப் பெரிய புத்திசாலித்தனுமெல்லாம் தேவை இல்லை', எனப் பேசியதற்கு அவர் தந்த பதில் -

'ஆமாம் சார்! உங்களுடைய கதைப் புத்ததத்தைப் படித்தவுடன் நானும் அதே முடிவுக்குதான் வந்தேன்' என்றார்.

இந்தப் பதிலால் நான் ஆடிப்போனாலும், அதைப் பாடமாக்கிக் கொண்டேன்" என்றார்.

● பகிர்தல் உங்களின் வாழ்க்கைப் பாடத்தில் புதுப்புது பக்கங்களை திருப்பிக் காட்டவும் வல்லது! பகிர்தல் ஒருவித வளர்ச்சி.

102. பண்படப் பகிர்ந்து கொள்ளுங்கள்

90 வயது முதாட்டியிடம் முதியோர் தினத்தன்று, டி.வி. நிகழ்ச்சியில் பின்வருமாறு கேட்கப்பட்டது.

"இந்த வயதிலும் உங்களை சந்தோஷப்படுத்துவது எது?" என்ற கேள்விக்கு, "என் தொழில்!" எனச் சொன்னார்.

ஆச்சரியமடைந்த நிரூபா், "என்ன தொழில் அது?" என்று கேட்க, "என்னை விட வயதில் மூத்த இரு மூதாட்டிகளைக் கவனித்துக் கொள்கிறேன். அவர்களுக்கு உதவும்போது நான் பகிர்ந்துக்கொள்ளும் நிமிடங்கள் மகத்தானவை. மகிழ்ச்சியானவை" என்றார் மூதாட்டி.

பகிர்தல் கியானம். பகிர்தல் பண்பு. 0 பகிர்தல் ஆனந்தம். பகிர்தல் அன்பு.