33. எப்படிப் பேசினாலும் உண்மை உண்மையே🔗

ஏரிக்கரைக்குச் சென்ற நான்கு பேரின் வாக்குவாதம் முற்றி சண்டையானது.

முதல் நபர் ...

ஹிந்தி கலந்த தமிழில் சொன்னார், "வாருங்கள்! ஏரிக்குள் இருக்கும் பானியை குடித்து தாகம் தீர்க்கலாம்''.

இரண்டாம் நபர் ...

செந்தமிழில் சொன்னார், ''தாகத்தை தீர்க்க தண்ணீரால் மட்டும்தானே முடியும். அங்கிருக்கும் பானி, தோணியெல்லாம் எப்படி தாகம் தீர்க்கும் ".

மூன்றாம் நபரான ஆங்கிலேயர் ...

ஆங்கிலம் கலந்த தமிழில் சொன்னார், "உள்ளாதீர்கள். 1920ல் இந்த ஏரியைத் தோண்டியது என் தாத்தா வாட்சன் பிரபுதான்.

அவர் 'இந்த ஏரி முழுவதுமிருக்கும் வாட்டர் (Water) ஏழு கிராமத்தின் தாகம் தீர்க்கும்' என்று சொல்லியிருக்கிறார். எனவே வாட்டர் மட்டும்தான் தாகம் தீர்க்கும்" என்றார்.

நான்காம் நபர் ...

பெங்காலி கலந்த தமிழில் சொன்னார், "என்ன மடத்தனம்! மூவருமே பொய் பேசுகிறீர்கள்.

கடந்த பத்து வருடமாக என் அப்பாதான் இந்த ஏரியை காண்ட்ராக்ட் எடுத்திருக்கிறார். அவர் சொன்னார். 'இந்த ஏரியில் இருக்கும் ஜல்தான் நம்மைக் கோடைக்காலத்தில் காக்கிறது. தாகம் தணிக்கிறது என்றார்.

எனவே ஜல்தான் தாகம் தீர்க்கும்" என்றார்.

வாக்குவாதம், "பானிதான் ... தண்ணீர்தான் ... வாட்டர் தான் ... ஜல்தான்…'' என மீண்டும் பேசப் பேச பேச்சு சண்டையானது. யாரும் ஏரிக்குச் செல்லவில்லை.

வாக்குவாதமில்லாமல் ஏரி சென்றிருந்தால், நான்கு பேருக்கும் உண்மை புரிந்திருக்கும். நான்கு பேரும் பேசுவது ஒரே உண்மையைப் பற்றியே என்பது புரிந்திருக்கும்.

வார்த்தைக் கலகங்களைத் தாண்டி, மதம் என்னும் ஏரிக்குள் குதியுங்கள். உண்மை விளங்கும்.

34. எங்கிருக்கிறார் குரு?

கபீரின் குரனகவி வரிகள் ... "கேள் நண்பா! கேள்! என் நேசத்திற்குரிய குரு என் உள்ளே வாழ்கிறார்' - கபீர்

இது கபீருக்கு மட்டுமல்ல உங்களுக்கும் உண்மையானதே!

35. யார் சொல்வார்கள்? மனம் ஒரு குரங்கென்று

அறுபது வயது தாத்தாவுக்கும், ஆறு வயது பேரனுக்கும் நடந்த சுவையான உரையாடல் ...

பேரன், "தாத்தா, மனம் ஒரு குரங்காமே! என் டீச்சர் சொன்னார்கள். மனதை அடக்கிவிட்டால் நல்லா படிக்கலாமாம். மனதை ஜெயிப்பவன் உலகையே ஜெயிப்பானாம். முயன்றால் இது முடியுமாம். மனதைக் கட்டுப்படுத்த எவ்வளவு நாள் ஆகும் தாத்தா?" எனக் கேட்டதற்கு,

கோபப்பட்ட தாத்தா, 'எவ்வளவு நாள் என்றா கேட்டாய்? உன் டீச்சர் உங்களுக்கெல்லாம் தவறான செய்திகளையே கற்றுத் தருகிறார். அவரை நம்பாகு.

நாட்களில்லை .... அறுபது வருடங்களானாலும் ஒருவனால் மனதைக் கட்டுப்படுத்த முடியாது" எனச் சொன்ன விதத்தை வினோதமாக பார்த்தான் ஆறு வயது பேரன்.

● இது விசித்திரமான பிரயாணம். பிரயாண வேகம் அதிகமானால், எண்ணங்களின் வேகம் குறையும்.

36. ஆனந்தம் நிலைக்க ...

தியானம் செய்ய ஆரம்பித்தக் கொஞ்ச நாளிலேயே மிகவும் சந்தோஷமாயிருப்பதாகச் சொன்ன நிட்டியின் வார்த்தைகள்... "தேடித் தேடிப் பார்த்தேன் என்னுள், கவலைப்பட ஒரு காரணங்கூட இல்லை. இதை விடப் பெரிய சந்தோஷம் என்ன இருக்கிறது''. தியானப் பாதையின் வெளிப்பாடுகள் இவை: முதலில், கவலைகள் கலையும். அடுத்து, சந்தோஷம் பொங்கும். கடைசியாக, ஆனந்தம் நிலைக்கும்.

37. ரசவாதம் நிகழ அனுமதியுங்கள்

நவீன காலத்து ஜென் ஞானியிடம், "பரிணாம வளர்ச்சி பற்றிய உங்களின் கருத்து என்ன?'' என நிருபர் ஒருவர் கேட்டதற்கு, உடனடியாக பதிலேதும் சொல்லாமல் சிரித்தவர், அங்கிருந்த பக்தர்களிடம் சொன்னார்,

"ஆனந்தத்தை அழிப்பவன் மிருகம் ஆனந்தமாக இல்லாதவன் மனிதன் ஆனந்தமாக இருப்பவர் ஞானி ஆனந்தத்தை அளிப்பவர் குரு அந்த ஆனந்த நிலை கடவுள்

என்னைப் பொருத்த அளவிற்கு இதுதான் பரிணாம வளர்ச்சி' என்றார்.

இந்தப் பட்டியல்படி அடுத்த நிலைகளுக்கு நீங்களும் செல்ல முடியும். ஆனால், ரஸவாதம் நிகழ நீங்கள் அனுமதிக்க வேண்டுமே! உடலின் ஒவ்வொரு செல்லும் தித்திக்குமளவுக்கு ஆனந்தத்தில் திளைப்பதிருப்பதே ஞானம், தியானம், ஆனந்தம்.