உணவுப் பட்டியல் அட்டவணையோடு நின்றுவிடாதீர்கள்
கிருஷ்ணர் சொல்கிற இந்த ஒரு ஸ்லோகத்தில், அனைத்து மதங்கள் மற்றும் ஆன்மிகத்தின் சாரமும் உள்ளடங்கிவிட்டது. எல்லாப் பூட்டுக்களையும் திறக்கும் மிகச்சிறந்த சாவியை இந்த அத்தியாயத்தில் தருகிறார்.
கிருஷ்ணர் தரும் அந்தப் பிரதான சாவி ... ஸாக்ஷியாகயிருந்துகவனிப்பதே ! உங்கள் உடலையும் மனத்தையும் ஸாக்ஷியாகயிருந்து கவனிப்பது; உங்கள் இருப்பை ஸாக்ஷியாகயிருந்து கவனிப்பது.
ஸாக்ஷியாகயிருந்து கவனிக்கும் நுட்பத்தில் நுழைந்து, ஸாக்ஷி நிலையை ஒருசில நிமிடங்களுக்கு அனுபவிக்க முடிந்தால், நாம் அதன் ருசியைப் பெறுவோம். நாம், ஸாக்ஷியாகயிருந்து கவனிக்கும் கலையைப் பற்றி எவ்வளவுதான் கேட்டாலும், எவ்வளவுதான் பேசினாலும் அல்லது எவ்வளவுதான் பகுத்து ஆராய்ந்தாலும், அதை நாமாக அனுபவித்து உணரவில்லையென்றால், அதனால் நமக்கு எந்தப் பயனும் இல்லை.
ஒரு சின்ன கதை :
ஒருவர், மது அருந்திவிட்டு வண்டி ஓட்டிக் கொண்டிருந்தார். ஒரு காவலர் அவரை நிறுத்திக் கேட்டார், ''ஐயா, நீங்கள் குடித்திருக்கின்றீர்கள் என்று நான் நினைக்கிறேன். நான் சொல்லுவது சரியா ? ''
"ஆம், நான் இப்பொழுதுதான் ஆறுவகை மதுபானங்கள் குடித்தேன். அவற்றின் பெயர்களைச் சொல்லட்டுமா? கொஞ்சம் பீர், கொஞ்சம் பிராந்தி ..., '' என ஒரு பட்டியலை வாசிக்க ஆரம்பித்தார்.
அந்தக் காவலர், 'நிறுத்துங்கள், உங்களிடம் மூச்சு பரிசோதனை மேற்கொள்ள வேண்டும். தயவுசெய்து, காரை விட்டு வெளியே வாருங்கள்,''என்றார்.
அதற்கு அந்தக் காரோட்டி, ''சோதனை ஏன்? நான் சொல்லுவதை நீங்கள் நம்ப மாட்டீர்களா ?'' என்றார்.
நான் சொல்வதைப் பயிற்சி செய்து பார்க்காமல், வெறுமனே கேட்டுவிட்டுச் செல்வது என்பது, உணவுப் பட்டியலை மட்டும் படித்து விட்டு, எதுவுமே சாப்பிடாமல் அந்த உணவகத்தை விட்டுச் செல்வதுபோன்றதே!
அந்தக் காவலர், அந்தக் காரோட்டி சொல்வதை நம்பினாலும்கூட. அவர் அந்தச் சோதனையைச் செய்தாக வேண்டும்.
அதைப் போலவே, நீங்கள் என்னுடைய வார்த்தைகளை அப்படியேஎடுத்துக்கொள்ள முடியாது. நீங்களே அதனைச் சோதனை செய்தாக வேண்டும். அதை உங்கள் மீதே நீங்கள் சோதனை செய்தாக வேண்டும். உங்கள் இருப்பைக்கொண்டு சோதனை செய்தாக வேண்டும்.
படிப்பதோ அல்லது கேட்பதோ உங்களை உணர்வுமாற்றம் பெறச் செய்யாது. படிப்பதும் கேட்பதும், ஒரு உணவகத்தில் உணவுவகைகளின் அட்டவணையைப் படித்துப்பார்த்து விட்டு, பின் ஒன்றும் சாப்பிட்டுப் பார்க்காமலேயே, அந்த இடத்தை விட்டு வெளியேறிச் செல்வதைப் போன்றது. நான் சொல்வதைப் பயிற்சி செய்து பார்க்காமல், வெறுமனே கேட்டுவிட்டுச் செல்வது என்பது, உணவுப் பட்டியலை மட்டும் படித்துவிட்டு, எதுவுமே சாப்பிடாமல் அந்த உணவகத்தை விட்டுச் செல்வது போன்றதே!
அதனால், இப்பொழுது நீங்கள் அந்த அட்டவணையைப் படித்துப் பார்த்து விட்டதனால், உணவை ருசிப்பதற்கான நேரம் இது.
கிருஷ்ணர் இன்னும் ஒரு படி மேலே செல்கிறார். இதுவரை உள்வெளியைத் தூய்மைப்படுத்துவது எப்படி, நமக்குள் இருக்கும் தெய்விக விழிப்புணர்வை எப்படித் தூண்டுவது என்பதைச் சொல்லிக்கொண்டு வந்தார். இப்பொழுது, இந்தக் கடைசி ஸ்லோகத்தில், அவர் இன்னும் ஒருபடி மேலை சென்று, இப்படிச் செய்பவர்கள், இப்பொழுது எந்த நிலையிலிருந்தாலும் முக்தி அடைவார்கள் என்று சொல்லுகிறார்.
ஒவ்வொரு இருப்பும் தெய்விகத்தை நோக்கித்தான் சென்று கொண்டிருக்கிறது. அதை அந்த இருப்பு அறிந்திருக்கிறதோ, இல்லையோ, அது, அதை நோக்கித்தான் சென்று கொண்டிருக்கிறது.
சில ஆசைகளைப் பூர்த்திசெய்து கொள்வதற்காக, நாம் இந்த உடலை எடுத்து வந்திருக்கிறோம். நாம் உண்மையிலேயே, நம் சக்திகளையெல்லாம் இந்த ஆசைகளைக் குறைப்பதற்கென்றே பயன்படுத்திக்கொண்டால், இதே ஆசைகளை நிறைவேற்றுவதற்கென்று, நாம் இன்னொரு பிறவி எடுப்பதற்கான காரணமே இருக்காது.
நாம் இன்னொருவருடைய வாழ்க்கையை வாழ ஆரம்பிக்கும்பொழுதும், நம்முடைய ஆசைகளைத்தான் வாழவந்தோமே தவிர, மற்றவர்களின் ஆசைகளை அல்ல என்பதை மறந்துவிடும்பொழுதும்தான் பிரச்சினைகள் உருவாகின்றன. நாம் தொடர்ந்து மற்றவர்களின் ஆசைகளைக் கடன் வாங்கி, நமக்குள்ளே மலைபோல் சேர்த்து வைத்துக்கொள்கிறோம்.
பின், நம்முடைய உண்மையான இயல்பை உணர்ந்துகொள்வதற்கு முன்பாகவே, இந்த மரணம் வந்துவிடுகிறது; பூர்த்தியாகாத எல்லா ஆசைகளையும் மூட்டைக் கட்டி எடுத்துச்சென்று, அடுத்த உடலை எடுத்துக் கொள்கிறோம்.
இந்தப் பிரபஞ்சம், நமது ஆசைகளைக் கரைத்து, நாம் இந்தப் பிறவிச் சக்கரத்திலிருந்து விடுபட, நமக்கு உதவுவதற்கு மீண்டும் மீண்டும் முயற்சிக்கிறது. ஆனால், நமக்குள்ளும் நம்மைச் சுற்றியும் நடப்பவற்றை, நாம் ஏற்க மறுக்கிறோம்.