சத்தியங்கள் எள்மையானவையே!
கேள்வி: ஸ்வாமிஜி, புருஷ், ப்ரக்ரு தி என்பதைப் பற்றி படித்தபொழுது நான் குழம்பிவிட்டேன். நீங்கள் புருஷ் என்பது கடலின் தண்ணீர் என்றும் ப்ரக்ரு தி என்பது அலைகள் என்றும் சொன்னீர்கள். இது புரிந்துகொள்வதற்கு மிகவும் எளிதாக உள்ளது. ஆனால் மற்ற விளக்கங்கள் ஏன் அவ்வளவு குழப்பமாக இருக்கின்றன ?
எல்லா சத்தியங்களுமே மிக எளிமையானதுதான். நாம் சத்தியங்களைப் புரிந்துகொள்ளவில்லையாதலால், அவற்றை சிக்கலாக்கிவிடுகிறோம், நாம் முழுவதுமாக சுய-சந்தேகத்தால் நிரப்பி இருப்பதனால், எல்லா சாத்தியக் கூறுகளையும் வைத்து, அவற்றை மறைக்க விரும்புகிறோம்.
நாம் படிப்பவரையும் கேட்பவரையும் குழப்பவே விரும்புகிறோம். அவர்கள், குழப்பத்தில் இருந்தால்தான், மேலும் கேள்விகளைக் கேட்கமாட்டார்கள். தத்துவவாதிகளின் நோக்கமே மற்றவர்களைக் குழப்பிவிடுவதுதான்! அப்படியானால்தான், அவர்களே எந்தளவிற்கு குழப்பத்திலிருக்கிறார்கள் என்பதை மற்றவர்களால் கண்டுபிடிக்க இயலாது !
இந்த வார்த்தைகளைப் புரிந்துகொள்வதற்கு மிகவும் சிரமப்படாதீர்கள். அதற்கு அவசியமேயில்லை! தத்துவவாதிகளும் அதைப் பற்றிக் கவலைப்படட்டும்.
நீங்கள் அறிய வேண்டியதெல்லாம், ஒரு ஆதார சக்தி இருக்கிறது, இந்த ஆதார சக்திதான் இந்த முழுப் பிரபஞ்சத்தையும் நம் ஒவ்வொருவரையும் இயக்குகிறது. இந்த விழிப்பு இல்லாததுதான் நம் எல்லாப் பிரச்சினைகளுக்கும், துன்பங்களுக்கும் காரணம்.
இந்த ஆதார சக்தியைத்தான் கிருஷ்ணர், பரமாத்மன் என்று அழைக்கிறார். அதை எளிமையாக மொழிபெயர்க்க வேண்டுமானால், மேலான ஆத்மா என்று சொல்லலாம்.
பிர்பஞ்சம் அனைத்தும் புருஷனின் வெளிப்பாடே என்பதைப் புரிந்துகொள்வதே 'தன்னை அறிதல்' !
இதை, 'கடவுள்' அல்லது உங்கள் விருப்பப்படி வேறு அழைத்துக்கொள்ளுங்கள். இது எல்லாவற்றுள்ளும், ஊடுருவியுள்ளது. இந்தச் சக்தியில்லாமல் எதுவும் இயங்க முடியாது. இந்தச் சக்திதான் புத்திசாலித்தனம். இதுவே புத்தி மற்றும் சக்தி, அல்லது சக்தியுள்ள புத்தி.
சாங்கிய தத்துவஞானிகள், போன்றவர்கள் இந்தக் கருத்தை இன்னும்
பிரித்தார்கள். இயங்காமல் இருக்கும், அசையாமல் இருக்கும் புத்தியின் சக்தியை, அவர்கள் புருஷ் என்று குறிப்பிட்டார்கள். இதுவே அடிப்படையான, ஆதாரமான, பார்க்க முடியாத, வெளிப்படாத சக்தி. உருவகமாகச் சொன்னால், இதுதான் 'வெளி'யில் உள்ள ஆகாசம், கடலின் நீர், பூமியின் மண்.
புருஷ என்பது தூய சக்தி. இந்தத் தூய சக்தியின் வெளிப்பாடே ப்ரக்ரு தி. ப்ரக்ரு தி என்பது இந்த உள்ளடங்கிய சக்தியின் வெளிப்பாடு. புருஷ் சக்தி, பருப்பொருளாக வெளிப்படுவதைத்தான் ப்ரக்ரு தி எனச் சொல்கிறோம். உருவகமாகச் சொல்ல வேண்டுமானால், ப்ரக்ரு தி என்பது கடலில் உள்ள அலைகள்; மண்ணில் உள்ள தாவரங்கள்.
இவையனைத்துமே வேறுபடுத்த முடியாத புருஷனின் வெளிப்பாடுகளே என்பதைப் புரிந்துகொள்வதே 'தன்னை அறிதலே' தவிர, வேறு ஏதோ ஒன்று அல்ல.
ஞானமடைதல் புத்திசாலித்தனமான சக்தியும் ஒன்றுதான் என்பதை நேரிடையாக அனுபவமாகப் பெறுவதுதான். அதனால்தான் ஞானத்தை அடைய வேண்டிய அவசியமில்லை என்று சொல்கிறேன். நீங்கள் அறிய வேண்டியதெல்லாம், ஒன்றே ஒன்றுதான், 'நீங்கள் அதுவே' என்பதுதான்.
நீங்கள் அந்தப் பெருங்கடலின் தண்ணீரைக் காட்டிலும் வேறான ஒரு தனி அலை என்று நினைத்துக்கொள்ளக்கூடாது. நீங்கள் உணர வேண்டியது இதுவே: நீங்கள்தான் அந்தப் பெருங்கடல்! அலையும் கடலும் நீங்கள்தான்!
தத்துவவாகிகளே அதுபோன்றவற்றைப் பற்றியும் கவலைப்பட்டுக் கொண்டிருக்கட்டும். நீங்கள் தளர்வாக இருங்கள்!