செயலும் செய்பவரும்🔗

• 18.1 அர்ஜுனன் கேட்கிறார், வலிமைமிகு தோள்களை உடையவரே! அந்தர்யாமியே! கேசியை வதைத்தவரே! சந்நியாசம், தியாகம் இவற்றின் சாரம்சத்தை அறிந்துகொள்ள விரும்புகின்றேன்.
• கிருஷ்ணர் 18.2 செய்யப்படும் எல்லாத் தன்னலமுள்ள செயல்களையும் விட்டுவிடுவது 'துறவு' என்றும், செயல்களினால் விளையும் பலன்களின் மீது வைக்கப்படும் பற்றுகளிலிருந்து விடுதலை அடைவது தியாகம் என்றும் அறிஞர்கள் பகர்கின்றனர்.
• 18.3 பலனை எதிர்பார்த்துச் செய்யப்படும் எல்லாச் செயல்களுமே குற்றமுடையனவாதலால், அவை துறத்தலுக்குரியனவென்று சில கற்றறிந்தோர் பகர்கின்றனர். ஆனால், சில ஞானிகள், தொண்டு, தர்மம், ஒழுக்கம் எனப்படும் செயல்களை விட்டுவிடக்கூடாது என்கின்றனர்.
• 18.4 பரதகுலத்தோருள் சிறந்தவனே, சந்நியாசம், தியாகம் இவை இரண்டனுள், முதலில், தியாகத்தைப் பற்றிய என்னுடைய கொள்கையைக் கூறப்பட்டுள்ளது.
• 18.5 தொண்டு, தர்மம், ஒழுக்கம் இவற்றை விட்டுவிடக்கூடாது. அவற்றை செய்தே ஆக வேண்டும்; முனிவர்களும்கூட யாகம், தர்மம் மற்றும் தவத்தால் புனிதமடைகிறார்கள்.
• 18.6 அர்ஜுனா, எல்லாக் கடமைகளும் பலனை எதிர்பாராது, நிறைவேற்றப்பட்டே ஆகவேண்டும் என்பதே என்னுடைய கருத்து.

நீண்டநேர மௌனத்திற்குப் பிறகு இப்போதுதான் பேசுகிறார். பேசுவதை நிறுத்தப்போகிறார்!

ஒருசில சந்தேகங்களையே வெளிப்படுத்துகிறார். இருப்பிலிருந்த கர்வமும் வன்முறையும் மறைந்துவிட்டன.

கிருஷ்ணர், மழையைப் பொழிந்தபின், அவர் ஒரு பூவைப்போல மலர்ந்துவிட்டார். அந்த வார்த்தைகளை 'சந்தேகங்கள்' என்றுகூட என்னால் சொல்ல முடியவில்லை.