பகுதி 2: தியானம் உங்களுக்காக🔗

வயிற்றுக்குச் சிரமம் கொடுக்கிறோம்.

அதனால்தான், உண்ட பிறகு உற்சாகம் தோன்றுவதே இல்லை. இதில் அதிசயம் என்ன இருக்கிறது? அளவு கடந்து உண்டால், உடற்பயிற்சியும் இல்லை என்றால் - அது உடலின் மந்தத் தன்மைக்குத்தான் இட்டுச் செல்லும்.

மந்தமான உடல், தியானத்திற்குத் தகுதியற்றது.

அதுமட்டுமல்ல, நமது சக்தி நிலைகள் கீழே போய் விடுவதால், நோய்கள் நம்மை எளிதில் தாக்குகின்றன.

உடற்பயிற்சி உங்களை விரிவுபடுத்தும். உடற்பயிற்சி செய்யும்போது, உங்களது உடலின் ஒவ்வொரு உயிருள்ள 'செல்' லும் விரிவடையும்.

உங்கள் நுரையீரல் முழுவதும் பிராணவாயுவால் நிரப்பப்படும்போது, விஷ வாயுவோடு, வெளியேற்றப்பட்டுவிடும்.

நமது வாழ்க்கை செய்வதற்கோ, ஓய்வெடுப்பதற்கோ நமக்கு நேரமில்லை. நாம் எதை ஓய்வு என்று நினைக்கிறோமோ, அது ஓய்வே அன்று.

நம்மில் எத்தனை பேர் மகிழ்ச்சியாகவும் காலையில் கண் விழிக்கிறோம் ?

நீங்கள் சரியாக ஓய்வெடுத்திருந்தால், காலையில் நடனமாடிக் கொண்டல்லவா குளியலறைக்குப் போவோம்!

அதற்கு மாறாக, காலையில் அலாரம் அடித்தால், நாம் என்ன செய்கிறோம் ? அதை அழுத்தி விட்டு, மறுபடியும் தூங்கப் போகிறோம்!

உண்மையான உறக்கம் என்பது உடல் பூரணமாக ஒய்வெடுப்பதுதான். உடலின் இறுக்கமெல்லாம் வெளியேறி விட வேண்டும்.

உறக்கத்தின் போது, நமது உடல் பழுதுகளையும் சரிபார்த்து, ஒழுங்குபடுத்திவிட வேண்டும்.

இடையூறற்ற, கனவுகளற்ற, ஆழமான உறக்கம் நமக்கு அடிக்கடி கிடைக்கிறதா என்ன ?

அப்படி கிடைத்தால் அது அபூர்வம்! அப்படி கிடைக்கிற நாள்தான், நாம் உண்மையாகத் தூங்கிய நாள்!

இவற்றிற்கும் தியானத்திற்கும் என்ன தொடர்பு என்று நீங்கள் வியப்படையலாம். இதை ஆராய்வதற்கு, நமக்கு இரண்டு காரணங்கள் இருக்கின்றன.

முதலாவதாக - உடல் நிலை சரியாக இருப்பது, தியானத்தில் ஆழ்ந்து செல்வதற்குத் துணை புரியும்.

அதேசமயம், தியானப் பயிற்சி, நன்றாக ஒய்வு எடுக்கவும் உதவும்.

தியானம் உங்களுக்காக

உங்கள் உறக்கத்தைச் செம்மைப்படுத்துவதற்கான தியான முறைகள் உள்ளன. உறக்கத்தின் தரம் மேம்படும்போது, நீங்கள் விழித்திருக்கும் காலத்தின் உற்பத்தித் திறனும் இயல்பாகவே வளர்ச்சி அடைந்துவிடும்.

இரண்டாவது படி - எண்ணங்களின் மீதான செயல்பாடு:

எண்ணங்கள், நமது வாழ்வில் சபலங்களைக் கிளறி விடும் தன்மை வாய்ந்தவை.

பெரும்பாலான சமயங்களில் நமது எண்ணங்களின் மீது நமக்குக் கட்டுப்பாடே இல்லை.

நமது எண்ணங்கள், நம்மை அவற்றின் விருப்பப்படி இழுத்துச் செல்கின்றன. உங்கள் மனத்தில் தோன்றும் ஒழுங்கற்ற எண்ணங்களை உரக்கச் சொன்னால், உங்களுக்கே வெட்கமாகவும், அவமானமாகவும் தோன்றும்!

காரணம், நமது எண்ணங்கள் ஒன்றுக்கொன்று தொடர்பே இல்லாதவை !

நிகழ்காலத்தோடு எந்தச் சம்பந்தமும் அற்றவை ;

அர்த்தமற்றவை! வாழ்வில் அவற்றைத்தான் நாம் நம்பியிருக்கிறோம். அப்படிப்பட்ட எண்ணங்களாலேயே நாம் வாழ்ந்து கொண்டும் இருக்கிறோம் !

ஒரு சின்ன கதை:

ஒரு நாட்டில், தீர்க்கதரிசனம் சொல்லக்கூடிய மனிதர் ஒருவர் இருந்தார்.

அவரைப் பற்றிக் கேள்விப்பட்ட அந்த நாட்டு மன்னர், அவரைச் சோதித்துப் பார்க்க விரும்பினார்.

அவர், அவரைப் பரபரப்பான துறைமுகத்திற்கு அழைத்துச் சென்றார். அங்கே, தினத்திற்கு நூற்றுக்கணக்கான கப்பல்கள் வருவதும் போவதுமாக இருக்கும்.

"இன்று எத்தனைக் கப்பல்கள் இங்கிருந்து பயணம் புறப்படப் போகின்றன என்பதை உங்களால் சொல்ல முடியுமா?" என்று கேட்டார் மன்னர்.

"மூன்று கப்பல்கள் அரசே," என்றார் அந்தத் தீர்க்கதரிசி.

தொடர்ந்து அவர், "இன்று மட்டுமல்ல, ஒவ்வொரு நாளும், மூன்று கப்பல்களே இந்தத் துறைக்கு வருகின்றன ; மூன்று மட்டுமே புறப்பட்டுப் போகின்றன, " என்றார்.

மன்னன் வியப்படைந்து, ''என்ன சொல்கிறீர்கள்! எந்தக் கப்பல்கள் அவை ?'' என்றார்.

"பணக் கப்பல், அதிகாரக் கப்பல்,

காமக் கப்பல்... அரசே!

எல்லா மக்களும், உங்களையும் சேர்த்துத்தான், இந்த மூன்று கப்பல்களில் பயணம் செய்துதான் வாழ்வைக் கழிக்கிறீர்கள், '' என்றார் தீர்க்கதரிசி.

தியானம் உங்களுக்காக

இதுதான் உண்மை.

பெரும்பாலான நேரங்களில் நாம் பணம், அதிகாரம், காமம் பற்றியே நினைத்துக் கொண்டிருக்கிறோம்.

நமது எண்ணங்களுக்கு நாம் வேறு பெயர் சூட்டினாலும், கடைசியில் அவை இந்த மூன்றில் ஒன்றில்தான் அடங்கும். இங்கே காமம் என்பது எல்லாவித ஆசைகளையும் குறிப்பது.

யோசித்துப் பாருங்கள்.

எல்லா நேரத்திலும் நீங்கள் என்ன நினைக்கிறீர்கள் ?

மேலே குறிப்பிட்ட மூன்றில் ஒன்றைத்தான்!

நீங்கள் அலுவலகத்தில் பணியாற்றுவது, பணத்திற்காகவும், பதவிக்காகவும்.

வாழ்வில் எவ்வளவு முறை உங்களது எண்ணம் சத்தியம், அழகு, நன்மையைப் பிரதிபலிக்கிறது?

அதைப் பற்றி என்ன தேவை வந்தது இப்போது ? என்று நீங்கள் நினைக்கலாம்...

என் வாழ்வு சத்தியத்தைப் பொறுத்ததா? இல்லை உலக கவர்ச்சிகளைப் பொறுத்ததா?

எவ்வளவு பணம் சம்பாதிக்கலாம் ? எவ்வளவு பதவி பலத்தை அதிகரிக்கலாம்?

THE SUPREME PONTIFF OF HINDUISM BHAGAWAN SRI NITHYANANDA PARAMASHIVAM

என்பவை சுற்றியே என் வாழ்வு அமைந்திருக்கிறதா ?

இவற்றையெல்லாம் தாண்டிய ஒரு உண்மை இருக்கிறது. வாழ்வையே மாற்றியமைக்கும் வல்லமை பெற்றவை நம் எண்ணங்கள்.

நீங்கள் ஏதாவது ஒன்றின் மீதே கவனம் செலுத்திக் கொண்டிருந்தால், அது உங்களது மனநிலையை மட்டுமல்ல, வாழ்வையே மாற்றிவிடும்.

நீங்கள் எப்பேதும் அழகைப் பற்றியே நினைத்துக் கொண்டிருந்தால், உங்களது வாழ்க்கை அதிக அழகு உடையதாக மாறிவிடும்.

மேற்சொன்ன எல்லாவற்றிற்கும் மேலாக ...

உங்கள் மனத்திற்குள் எத்தகைய எண்ணங்கள் வருகின்றன. விழிப்புணர்வோடு இருங்கள்.

இப்போது உங்கள் மனம், யார் வேண்டுமானாலும், எப்போது வேண்டுமானாலும் நுழையும், திறந்து கிடக்கும் வீடு போலிருக்கிறது.

அதனால் யார் வேண்டுமானாலும் நுழையலாம். அவை ஏற்கனவே இருக்கும் எண்ணங்களோடு சண்டையிட்டு மனத்தின் பெரும்பகுதியை ஆக்கிரமித்து, அவை விரும்பும் காலம் வரை மனத்தை அலைக்கழிக்கலாம்.

பிறகு அவை எப்போது வேண்டுமானாலும் மனத்தை விட்டுவிட்டு இறங்கி விடலாம். அவற்றின் விருப்பம்போல் தியானம் உங்களுக்காக

உங்களுக்குள் பிரவேசித்து, உங்களது வாழ்வைப் பாதித்து, மனத்தையும் பாதிக்கும் எண்ணங்களின் மீது, உங்களுக்கு கட்டுப்பாடு இல்லை.

உங்களது எண்ணங்களை, சும்மா பார்த்துக் கொண்டிருங்கள்.

ஒருவகையான எண்ணம் உங்களுக்குள் நுழையும் போது. உள்ளே என்ன நடக்கிறது என்பதைக் கவனியுங்கள்.

கோபம், காமம், பேராசை போன்ற எண்ணங்கள் மனத்தில் புகும்போது, உங்களது உள் கட்டமைப்பில் சில அசௌகரியங்களை அவை ஏற்படுத்தி விடுகின்றன.

எப்போதெல்லாம் அகங்காரம் மேலெழுகிறதோ, அப்போதெல்லாம் ஒருவித அசௌகரியத்தை உணர்வீர்கள்.

மகிழ்ச்சியும், நிம்மதியும் தரவல்ல எண்ணங்களை மட்டும் கவனமாகப் பாருங்கள். இவற்றை மட்டுமே பற்றிக் கொண்டு, மற்றவற்றைத் தூக்கி வெளியே வீசிவிடுங்கள்.

உங்கள் மனத்தின் காவலனாக மாறிவிடுங்கள்.

உங்கள் எண்ணங்களைக் கவனியுங்கள்.

உங்கள் எண்ணங்களோடு எவ்வளவு அழுத்தமாக உங்கள் அடையாளம் அமைந்துவிடுகிறது என்பதைப் பாருங்கள்.

எண்ணங்கள் உங்களது உணர்வற்ற மனத்தின் ஆடியாழத்திலிருந்து பிறப்பதை நீங்கள் கண்டுகொள்வீர்கள்.

உணர்வற்ற மனத்தில் பிறக்கும் எண்ணங்களை உங்களால் விழிப்புணர்வுப்பூர்வமான உங்களால் மாற்றிவிட முடியும்!

இப்படி முயற்சி செய்து பாருங்கள்: உங்களது விழிப்புணர்வு வாழ்வின் சில அம்சங்களை நீங்கள் மாற்ற விரும்பினால், உங்களது கோபம் அல்லது பொறாமையை ஒழிக்க விரும்பினால் உறங்கப் போகுமுன், அவற்றை மாற்றும்படியாக சொல்லுங்கள்.

அவ்வாறு தொடர்ந்து ஆலோசனை சொல்லிக் கொண்டே வர, உங்களது நிதர்சன வாழ்வு அந்தத் திசையில் மாறிச் செல்வதைக் கண்டு நீங்களே வியப்படைவீர்கள்!

மூன்றாவது படி - உங்கள் உணர்வுகளின் மீதான செயல்பாடு:

உங்கள் உணர்ச்சிகளே உங்களது உலகைத் தீர்மானிக்கின்றன.

நம்புகிறீர்களோ இல்லையோ, நீங்கள் எல்லோருமே கடவுள்தான் !

உங்களது உணர்ச்சிகள், உணர்வுகள் கொண்டே உங்களது உலகை நீங்கள் படைத்துக் கொள்கிறீர்கள்.

மிகவும் தெளிவாக இருங்கள்: விழிப்புணர்வின் தரம் என்னவோ, உங்களது வாழ்வும் அதே தரத்தைக் கொண்டதாகத்தான் இருக்கும் !

உங்களது எண்ணங்கள் தெளிவாகவும், நேர்மறையாகவும் இருக்குமானால், இந்த முழு உலகமுமே அழகானதாகத் தோன்றும். இயற்கை ஆசிகளைப் பொழியும்.

உங்களிடம் அன்பு நிறைந்திருந்தால், நீங்கள் எங்கும் அன்பையே காண்பீர்கள்.

உங்களிடம் வெறுப்பே நிறைந்திருந்தால், நீங்கள் வெறுப்பையே எங்கும் எதிர்கொள்ள வேண்டி வரும்.

இது ஒன்றும் நீதிக் கதையல்ல; உண்மைக் கதை.

வரையறைக்குட்பட்ட குறைவான புரிந்து கொள்ளும் திறன் இருப்பதால், நம்மால் இதை உணர முடிவதில்லை.

நாம் காரணங்களை தேடிக்கொண்டிருக்கிறோம். என்னவென்றால், நமது வாழ்வின் இன்றையத் தரத்திற்கு 100% நாமே பொறுப்பு.

உங்கள் உணர்ச்சிகள் மீது நீங்கள் செயல்பட ஆரம்பித்துவிட்டால், மேலே சொன்னது எவ்வளவு உண்மை என்பது உங்களுக்குப் புரியவரும்.

நமது உணர்ச்சிகள் நம்மை எவ்வளவு ஆழமாகப் பாதிக்கின்றன என்பதை நாம் உணர்வதே இல்லை.

நமது செயல்களை எல்லாம் கட்டுப்படுத்துவது நமது மனம்தான். நாம் முடிவுகள் எடுப்பதெல்லாம் நமது புத்திசாலித்தனத்தால்தான் என்று நினைக்கிறோம். உண்மையில், நமது வாழ்வின் பெரும்பகுதியைத் தீர்மானிப்பது நமது உணர்ச்சிகளே.

உங்கள் உணர்ச்சிகளைக் கையாள்வதில் மூன்று படிகள் இருக்கின்றன.