இ). எதிர்மறை உணர்வுகளை மாற்றக் கற்றுக் கொள்ளுங்கள்:
''தினசரி உணர்வுகளுக்கு என்ன செய்வது ?, '' என்று நீங்கள் என்னிடம் கேட்கலாம். அவ்வப்போது சில சுகமான நேர்மறை உணர்வுகளை அனுபவித்தாலும், எதிர்மறை உணர்வுகள் உங்களுக்கு உள்ளேயேதான் இருக்கும்! அவை ஒன்று திரண்டு கொண்டே இருக்கும்.
தியானத்தின் மூலம், பழைய அடைப்புகளையெல்லாம் உங்களால் கரைக்க முடிந்தாலும்கூட, புதிய அடைப்புகள் ஏற்பட்டுவிடாமல் நீங்கள் கவனமாக இருக்க வேண்டும் ! ஒவ்வொரு வினாடியும் அதற்கான புதிய சூழல் ஏற்பட்டுக் கொண்டே இருக்கும்.
சான்றாக சிலர் உங்கள் சினத்தை மேலும் மேலும் கிளறிவிட்டுக் கொண்டே இருப்பார்கள். நமது உடலில் அதிகப்படியாகச் கழன்று கொண்டிருக்கும் சக்தியை என்ன செய்யப்போகிறீர்கள் ? அந்த எதிர்மறை உணர்வுகளை, நேர்மறை உணர்வுகளாக மாற்றுக் கற்றுக்கொள்ளுங்கள்.
மறந்து விடாதீர்கள், சக்தி, நடுநிலையானது.
தியானம் உங்களுக்காக
சினம் நல்லதுமன்று; தீயதுமன்று.
காமம் நல்லதுமன்று; தீயதுமன்று. இவை எல்லாம் சக்தியின் வெவ்வேறு வடிவங்கள்.
அதை ஆக்கத்திற்கோ, அழிவிற்கோ பயன்படுத்துவது உங்களைப் பொறுத்தது.
ஒரு குழந்தையின் கையில் கிடைத்த கத்தி கேடுகல் செய்வதுபோலவும், அறுவை மருத்துவரின் கையில் உள்ள கத்தி நன்மை செய்வதுபோலவும் ஒரே கத்தியை முற்றிலும் மாறுபட்ட விளைவு தரும்படியாக நீங்கள் பயன்படுத்தலாம்.
உங்கள் ஆற்றலைச் சரியான வழியில் செலுத்த நீங்கள் கற்றுக்கொண்டால், உங்கள் சினத்தைப் படைப்பாற்றலாக நீங்கள் மாற்றிவிட முடியும், உங்கள் ஆற்றல்களையெல்லாம், கலை, இசை, விளையாட்டுத் துறைகளில் திருப்பி விடுங்கள்.
ஓவியம் வரையக் கற்றுக்கொள்ளுங்கள்.
ஒரு விளையாட்டைத் தேர்ந்தெடுத்துக் கொள்ளுங்கள்.
ஒரு பொழுதுபோக்கை வளர்த்துக் கொள்ளுங்கள்.
நடனமாடுங்கள்.
இவையெல்லாம் சக்தியின் பாதைகள், தியானத்தைப்போலவே !
ஒரே வித்தியாசம், இவையெல்லாம் படைப்பாற்றல் வழிகள். இவற்றைத் திருப்பிவிடுங்கள். உங்கள் சாதாரண வாழ்வை உயர்த்துங்கள்.
இந்த வகையில், உங்களிடமிருக்கும் அழிக்கும் ஆற்றல்களை எல்லாம் படைப்பாற்றல்மிக்க, நேர்மறை ஆற்றல்களாக மாற்றி விடலாம். முழுப் பயனைப் பெறலாம்.
நேர்மறை உணர்வுகள் மீது கவனம் செலுத்த செலுத்த, உங்களுடைய வாழ்வு தானாகவே நல்வழியில் மாறிவிடுவதை நீங்கள் காணலாம்.
நீங்கள் அன்பை உணரும்போது, நீங்கள் அன்பையே வழங்குவீர்கள். உங்களுக்குக் கிடைப்பதும் அன்பாகவே இருக்கும். அது ஓர் அழகான வட்டச் சுழற்சி.
நீங்கள் அதை அனுபவித்தால் தவிர, அதை உங்களால் நம்ப முடியாது. ஆனால் அது மெய்யாகவே நிகழக் கூடியதுதான்.
இந்த நீங்கள் பிறந்திருப்பதாக நினைத்துக் கொள்ளாதீர்கள். "ஆஹா, அவர் எவ்வளவு அதிர்ஷ்டமானவர்! எப்போதும் எப்படி மலர்ந்த முகத்துடன், புன்முறுவலுடன் நடந்துபோகிறார்! நான்தான் இப்படி மன இறுக்கத்துடன் அல்லல் படுகிறேன், '' என்றெல்லாம் சொல்லாதீர்கள்.
வாழ்வை எதிர்கொள்ளும் மனப்பக்குவத்தை அடையலாம். நீங்கள் மகிழ்ச்சியில் நிறைந்து திளைத்துக் கொண்டிருக்கும்போது, கவலை உங்களைக் கண்டு அஞ்சும் !
தியானம் உங்களுக்காக
சினத்தால் உங்களைத் தொடவும் முடியாது. உங்களுக்குள் ஒரு பரவச நிலையை உருவாக்கிக் கொண்டால்தான், தியானத்தில் எந்த முன்னேற்றத்தையும் காண முடியும்.
உங்கள் வாழ்வை, அன்பாலும், சிரிப்பாலும், நன்றி உணர்வாலும் மாற்றியமைத்துக் கொள்ளுங்கள்.
வாழ்க்கையையே ஒரு கொண்டாட்டமாக மாற்றிக் கொள்ளுங்கள்.
அப்போதுதான், வாழ்க்கையே தியானமாகும்.
வாழ்வே கொண்டாட்டமாக மாறும்.