ஆ). நேர்மறை உணர்வுகளின் மீது கவனம் செலுத்துங்கள்:
உங்களது ஒரு சாதாரண நாள் எப்படி இருக்கிறது ? சற்றே நினைத்துப் பாருங்கள். நாள் முழுவதும் நமக்குள் எத்தனையோ உணர்வுகள் பாய்கின்றன. காலையில் கண் விழிக்கும்போது மகிழ்ச்சியாகவோ அல்லது சாதாரணமாகவோதான் கண் விழிக்கிறீர்கள்.
பிறகு மனைவி காப்பிக் கொண்டு வருகிறார். அதை மேசை மேல் வைக்கும்போது, கொஞ்சம் சிந்திவிடுகிறது - சட்டென உங்களுக்குக் கோபம் வந்து விடுகிறது.
சிற்றுண்டி முடித்தவுடன் பழையபடி நல்ல மன நிலைக்கு வழியில் வாகன நெரிசலில் சிக்கிக் கொள்ள - யாரையாவது கொன்றுவிட வேண்டும் என்பதுபோல கோபம்!
அலுவலகத்தில், வேலை முடிவதில்லை - மறுபடியும் மன இறுக்கம்.
இப்படியே .... ஒவ்வொரு நிமிடமும் வெவ்வேறு விதமான உணர்வுகள் உங்களைத் தாக்குகின்றன. நீங்கள் வாழ்வது, தலைகீழாகப் பறக்கும் சக்கரக் குடைராட்டினத்தில் பறப்பதுபோல, எவ்வளவு நேரந்தான் ஒத்துப்போவது ?
நல்லவேளையாக, நாம் அனுபவிக்கும் உணர்வுகள் எல்லாம் மோசமானவை அல்ல. ஒவ்வொரு நாளிலும் நாம் சில தருணங்களில், அமைதியாகவோ, மகிழ்ச்சியாகவோ, தியானநிலையிலோ இருக்கத்தான் செய்கிறோம்.
சாதாரணமாகத் தினசரி செய்யக் கூடியவை:
உங்கள் கொஞ்சமாகத் தேநீர் அருந்துவது.
குளிப்பது.
இசை கேட்பது.
குழந்தைகளோடு விளையாடுவது.
ஒவ்வொரு நாளும், நம் ஒவ்வொருவருக்கும் இந்தத் தருணங்கள் வாய்க்கின்றன.
ஆனால் நம்மில் எத்தனைபேர் இவற்றின் மீது கவனம் செலுத்துகிறோம்.
"இன்றைய நாள் எப்படி கழிந்தது ?'' என்று யாராவது நம்மைக் கேட்கும்போது, உடனே நமக்கு நினைவிற்கு வருவது, வாகன நெரிசலும், சிந்திய காப்பியும், கேங்கிப்போன வேலையும்தான்.
ஒரு மாறுதலுக்காக நாம் நல்லவற்றையே நினைத்து, சுகமான அனுபவங்களிலேயே ஏன் தினசரி கவனம் செலுத்தக் கூடாது ?
இந்தச் சோதனையைச் செய்து பாருங்கள்:
ஒரு நாளில், 24 மணி நேரத்தில் நடைபெற்ற நல்லவைகளை மட்டும் நினைத்துப் பாருங்கள்.
சின்னச் சின்ன விஷயங்களுக்கு நன்றி பாராட்டுங்கள்:
வேலைக்குப் புறப்படும்போது மழை பெய்யவில்லை என்பதற்காக : நமது வீட்டுத் தோட்டத்தில் பக்கிருக்கும் மஞ்சள் மலர்களுக்காக; இன்று வீட்டு வேலைக்காரர் விடுமுறை எடுத்துக் கொள்ளவில்லை என்பதற்காக, பாருங்களேன்! இவற்றையெல்லாம் நாம் மறந்து விடுகிறோம்.
வேலைக்காரர் ஒரு நாள் வராமல் போனாலும், அதை நாம் என்றும் மறப்பதில்லை - அவர் வருவதை நாம் நினைவு கூர்கிறோமா ? நம் மனதளவிலாவது, அவருக்கு நன்றி சொல்கிறோமா ?
''ஒவ்வொரு சுகமான அனுபவத்தையும் நினைவு கூறுங்கள், '' என்று நான் சொல்லும்போது, அதை நிச்சயம் செய்து பார்க்க வேண்டும். உண்மையான ஈடுபாட்டுடன் செய்ய வேண்டும்.
24 மணி நேரமாவது செய்து பாருங்களேன்! அப்போது, உங்களுடைய வாழ்வு எவ்வாறு உருமாற்றம் அடைகிறது என்பதை நீங்கள் பார்க்கலாம். சுகமான அனுபவத்தை விட்டால், மறுபடியும் உங்களை என்றும் சலிப்பில் ஆழ்த்திக் கொள்ளவே மாட்டீர்கள்.
இந்தப் பயிற்சி விளையாட்டுக்கல்ல. இது நாம் வாழ்வதற்கான ஒரு சிறந்த தியானமுறை.
வாழ்வின் மீது நீங்கள் கல்லெறிந்தால், அது உங்கள் மீதும் கல்லெறியும். வாழ்வை மலர் கொண்டு வரவேற்றால், உங்களுக்கு மலர்களே கிடைக்கும். பிறகு, வாழ்வை நன்றியோடு வரவேற்பதற்கான தியான முறைகளை நீங்கள் பெறப்போகிறீர்கள்.