கிருஷ்ண வேண
தியானமும் அதற்கான செயல்முறைகளும் :
இது ஒர் அழகிய 'வெறுமைத் தியானம்'. பிரபஞ்ச சக்தியை நீங்கள், உங்களுக்குள் வரப் பெறுவதற்காக, உங்களுக்குள் இருக்கிற எல்லாவற்றையும், காலி செய்துவிடும் முறைதான் இந்தத் தியானம்.
அசையாமல், நிம்மதியாக, அமைதியான இடத்தில் அமர்ந்துகொள்ளுங்கள். உங்கள் உடல் பற்றிய உணர்வு இருக்கட்டும். உங்கள் உடல் நிம்மதியாக இருக்கும்படியாக உணருங்கள்.
இனி, உங்கள் உடலை ஒரு மூங்கிலாகக் கற்பனை செய்துகொள்ளுங்கள்! உஉள்ளீடற்ற மூங்கிலாக மாறி விடுங்கள்.
சுத்தமான ஓய்வு நிலையில் இருங்கள்.
உங்கள் முழு உடலும், உங்கள் தசையும், உங்கள் எலும்புகளும், எல்லாமே முங்கிலின் பகுதிகளாக மாறி விடட்டும்.
இந்த மூங்கிலுக்குள், வெற்றிடம் தவிர வேறெதுவும் இல்லை; உள்ளீடு அற்றதும், மௌனம் பொலிவதுமான பிரதேசம். உங்கள் மனமும் சிந்தனையும் அடங்கி இருக்கட்டும். எந்த அனுபவத்திற்காகவும் காத்திருக்க வேண்டாம்.
சும்மா இருந்தால் போதும்.
சட்டென, காண்பீர்கள். இவை சிலருக்கான அந்தரங்கக் கருத்துகள் அல்ல! இவை நடைமுறைக்குச் சாத்தியமான தியான முறைகள். இதுவரை இப்படிப்பட்ட அனுபவப் பரிமாணம் உங்களுக்கு எற்படாததால், இது வினோதமாகத் தோன்றும். முயற்சி செய்து பார்த்து நீங்களே தெரிந்துகொள்ளுள்கள்.
நீங்கள் உள்ளீடற்றுப் போய்விடும்போது, நீங்கள் எதையும் தடுக்க முயலாதபோது தெய்விகச் சக்தி உங்களுக்குள் பாயும். தெய்விக இசைக்கானதொரு புல்லாங்குழலாக நீங்கள் ஆகிவிடுவீர்கள்.
நீங்கள் உள்ளீடற்றவராக மாறினால்போதும், இது எளிதன்று.
நீங்கள் யாராவதொன்றாக இருந்தே பழக்கப்பட்டவர்கள். உள்ளீடற்று மாற, மாபெரும் நேசம் வேண்டும்; மாபெரும் நம்பிக்கை வேண்டும்.
நீங்கள் ஒரு மேற்கொள்ளும்போது, நீங்கள் வெற்றுப் புல்லாங்குழலாக மாறினால், உங்கள் குரு அதை எடுத்து வாசிப்பார். மாமமான ஆற்றலுக்கு உங்களைக் கொடுப்பதை விட, அன்பிற்கு உங்களை வழங்கிவிடுவது எளிது.
முதலில் வெற்று மூங்கிலாக வேண்டும். பிறகு அந்த மூங்கிலே காணமற்போகும் தருணம் வரும். பிறகு நான் என்ற உணர்வு உங்களில் இருந்து காணாமல் போகும். (நீங்கள் உங்களை இழந்து விடுவீர்கள்).
இந்தச் செயல்முறைக்குக் கொஞ்சம் காலம் பிடிக்கும். ஆனால் பயன்கள் அற்புதமானவை. உங்களை நீங்கள் இழந்துவிட நேர்ந்தாலும்கூட, எல்லாவற்றிகுள்ளும் பரவி நிறைந்த ஒர் ஆக்மாவாய் நீங்கள் உணரலாம்.
பிராண ஸ்தம்ப தியானம்