ಧ್ಯಾನವೂ ಸಹ ಮಾಡುವಂತಹ ಒಂದು ಕೆಲಸವಲ್ಲವೇ?🔗

ಪ್ರಾರಂಭದಲ್ಲಿ ಹೌದು. ಸುಮ್ಮನೆ ಕುಳಿತುಕೊಳ್ಳುವುದೂ ಸಹ ಒಂದು ಕೆಲಸವೇ. ನಿಮ್ಮ ಉಸಿರನ್ನು ಹೇಳುವುದಾದರೆ, ಧ್ಯಾನವೂ ಸಹ ಮೊದ ಮೊದಲು ಹೆಚ್ಚು ಕಡಿಮೆ ಮಾಡುವ ಕೆಲಸದಂತೆಯೇ ಅನ್ನಿಸಿಬಿಡುತ್ತದೆ - ಏಕೆಂದರೆ ನೀವು ನಿಮಗೆ ಸಹಜವಾದದ್ದನ್ನು ಮಾಡುತ್ತಿಲ್ಲವಾದ್ದರಿಂದ ಹಾಗೆ ಅನ್ನಿಸುತ್ತದೆ.

ನೀವು ಸಹಜವಾಗಿ ಚೆನ್ನಾಗಿ (ಸರಿಯಾಗಿ) ಏನನ್ನಾದರೂ ಮಾಡುತ್ತಿದ್ದರೂ ಸಹ ಅಂದರೆ ಸುಮ್ಮನೆ ಕುಳಿತುಕೊಳ್ಳುವುದು, ಅದನ್ನು ಮಾಡಬೇಕೆಂದು ವಿಧಿಸಿದಾಗ ಅದು ಒಂದು ಪ್ರಯತ್ನದ ಕೆಲಸವೆಂದೇ ಕಾಣುತ್ತದೆ.

ನಿಮಗೆ ಗೊತ್ತಾ? ಜ಼ಿನ್ ಧ್ಯಾನದ ತಂತ್ರದಲ್ಲಿ ಸುಮ್ಮನೆ ಕುಳಿತುಕೊಳ್ಳುವುದೇ ಒಂದಿದೆ. ಆದರೆ ಅಲ್ಲಿಯೂ ಸಹ, ಅದರಲ್ಲಿ ಭಾಗವಹಿಸುವವರು, ಅದನ್ನು ಸಾಧಿಸಲು ಕಷ್ಟಪಡುತ್ತಾರೆ! ಹೌದು, ಪ್ರಾರಂಭದಲ್ಲಿ ಆದು ಒಂದು ಪ್ರಯತ್ನವೇ ಆಗಿರುತ್ತದೆ. ಆದರೆ ಆಳವಾದ ಅರ್ಥದಲ್ಲಿ ಧ್ಯಾನವು ಒಂದು ಮಾಡುವ ಕೆಲಸವಲ್ಲ - ಏಕೆಂದರೆ ನೀವು ಸರಿಯಾದ ರೀತಿಯಲ್ಲಿ ಮಾಡಿದಾಗ ಮತ್ತು ಅದರಲ್ಲಿ ಜಯಗಳಿಸಿದಾಗ, ಎಲ್ಲಾ ಪ್ರಯತ್ನಗಳೂ ಮಾಯವಾಗಿಬಿಡುತ್ತವೆ. ನೀವು ಪೂರ್ಣವಾಗಿ ವಿಶ್ರಾಂತಿ ಪಡೆದಾಗ, ನೀವು ಫಲವನ್ನು ಪಡೆಯುವ ಪ್ರಯತ್ವವನ್ನು ನಿಲ್ಲಿಸಿದಾಗ, ನೀವು ಸುಮ್ಮನೇ ಧ್ಯಾನವನ್ನು ಸಂತೋಷದಿಂದ ಅನುಭವಿಸಿದಾಗ, ನೀವು ನಿಧಾನವಾಗಿ, ನೀವು ಧ್ಯಾನ ಮಾಡುತ್ತಿದ್ದೇವೆನ್ನುವುದನ್ನೇ ಮರೆತುಬಿಟ್ಟಿರುತ್ತೀರಿ. ಆಗ ಅದು ಮಾಡುವುದು ಎಂದು ಅನಿಸಿಕೊಳ್ಳುವುದಿಲ್ಲ.

ಮುಂದಿನ ಪುಟಗಳಲ್ಲಿ ತಿಳಿಸಲಾಗಿರುವ ಧ್ಯಾನದ ತಂತ್ರಗಳೆಲ್ಲವೂ ನನ್ನಿಂದಲೇ ಸೃಷ್ಟಿಸಲ್ಪಟ್ಟವುಗಳಲ್ಲ. ಅವೆಲ್ಲವನ್ನೂ ಪುರಾತನ ಗ್ರಂಥಗಳಿಂದ, ಹಾಗೂ ಆಧ್ಯಾತ್ಮಿಕ ಸಂಪ್ರದಾಯವನ್ನು ಪ್ರಪಂಚದಾದ್ಯಂತ ಸಾರಿರುವ ಆಧ್ಯಾತ್ಮಿಕ ಗುರುಗಳು ಪ್ರತಿಪಾದಿಸಿರುವ ಬೋಧನೆಗಳಿಂದ ತೆಗೆದುಕೊಳ್ಳಲಾಗಿದೆ.

ಹೆಚ್ಚು ತಂತ್ರಗಳನ್ನು ನಾನು ನನ್ನ ಸ್ವಂತ ಅನುಭವದ ತಳಹದಿಯ ಮೇಲೆ ಮಾರ್ಪಾಟು ಮಾಡಿದ್ದೇನೆ. ಕೆಲವು ನನ್ನಿಂದ ಸೃಷ್ಟಿಸಲ್ಪಟ್ಟಿವೆ, ಮತ್ತೆ ಕೆಲವನ್ನು ಬೇರೆಯವರು ಪ್ರತಿಪಾದಿಸಿದಂತೆಯೇ ಅದನ್ನು ತಿಳಿಯಪಡಿಸಿದ್ದೇನೆ.

ಹೆಚ್ಚು ತಂತ್ರಗಳ ಮೂಲ ಸ್ವರೂಪವು ಪ್ರಸಿದ್ಧಿ ಪಡೆಯದೆ, ಅಸ್ಪಷ್ಟತೆಯಿಂದ ಕಳೆದು ಹೋಗಿವೆ. ಅವುಗಳು ಯಾರ ಸ್ವತ್ತೂ ಅಲ್ಲ, ಅವು ತನ್ನವೇ ಎಂದು ಯಾರೂ ಸ್ವಾಮ್ಯತ್ವವನ್ನು ಪ್ರತಿಪಾದಿಸಲಾಗುವುದಿಲ್ಲ.

ಸತ್ಯವೇನೆಂದರೆ, ಈ ತಂತ್ರಗಳ ಹೆಸರುಗಳ ಬಗ್ಗೆ ನಿಜವಾದ ಯಾವ ಗುರುಗಳೂ ಸಂಬಂಧಿಸಿಲ್ಲ. ಅವರಿಗೆ ಬೇಕಾದದ್ದು - ಇದು ನಿಮಗೆ ಸಹಾಯವಾಗುತ್ತೋ ಅಥವಾ ಇಲ್ಲವೋ ಎಂಬುದಷ್ಟೇ. ಆದ್ದರಿಂದ ಸುಮ್ಮನೆ ತಂತ್ರಗಳನ್ನು ಉಪಯೋಗಿಸಿ ಆನಂದಿಸಿರಿ, ಮತ್ತು ಅದನ್ನು ಬೇರೆ ಉಪಯೋಗಿಸಿ ಆನಂದ ಪಡುವುದಾದರೆ ಅವರಿಗೂ ಇದನ್ನು ತಲುಪಿಸಿರಿ.

ಧ್ಯಾನದ ಮಹತ್ವದ ಸುವಾಸನೆಯನ್ನು ಹರಡಿರಿ!

ಧ್ಯಾನದ ತಂತ್ರಗಳು

ಧ್ಯಾನದ ತಂತ್ರಗಳು

ಧ್ಯಾನದ ತಂತ್ರಗಳು

ಆನಂದ ನಟನ

ತಂತ್ರದ ಬಗ್ಗೆ

ನರ್ತಿಸುವುದು ಒಂದು ಪ್ರಭಾವಪೂರಿತ ವಾದ ಧ್ಯಾನ! ಕ್ರಮಬದ್ದ ಸಾಂಪ್ರದಾಯಿಕ ನರ್ತನ ಮತ್ತು ಸ್ವತಂತ್ರವಾದ ಸರಳ ನರ್ತನ ಇವೆರಡೂ ಸಹ ಧ್ಯಾನದ ತಂತ್ರಗಳಾಗಬಹುದು. ಸರಳ ನರ್ತನವೂ ಸಹ ಹೆಚ್ಚಿನ ವಿರೇಚಕವಾದ ತಂತ್ರ, ಇದರ ಉದ್ದೇಶವೇನೆಂದರೆ, ನೀವು ನಿಮ್ಮನ್ನೇ ಮರೆತುಬಿಡುವುದು. ನರ್ತನದಲ್ಲಿ ಚೆನ್ನಾಗಿ ಪಳಗಿದ ನರ್ತನಕಾರನು ಇದನ್ನು ತನ್ನ ಕ್ರಮಬದ್ದ ನರ್ತನದಲ್ಲಿಯೂ ಸಹ ಮಾಡಬಲ್ಲನು, ಏಕೆಂದರೆ ನಿಯಮಗಳ ಪರಿವೆಯೇ ಅವನಿಗಿರುವುದಿಲ್ಲ. ನಾವು ಹೇಗೆ ವ್ಯಾಕರಣದ ಬಗ್ಗೆ ಚಿಂತೆ ಮಾಡದೆ ಸರಿಯಾಗಿ ಮಾತನಾಡಬಲ್ಲೆವೋ ಹಾಗೆ, ಪಳಗಿದ ನರ್ತನಕಾರನು ಕ್ರಮಬದ್ಧ ನರ್ತನ ವನ್ನೂ ಸಹ ಸಹಜವಾಗಿ ನರ್ತಿಸುತ್ತಾನೆ. ಆದರೆ ನೀವು ಪಳಗಿದವರಲ್ಲವಾದರೆ (ಹವ್ಯಾಸಿ ನರ್ತನಕಾರನಾದರೆ) ಆಗ ಸರಳ ನರ್ತನವನ್ನು ನೀವು ಬಹಳವಾಗಿ ಸಂತೋಷಪೂರಿತವಾಗಿ ಮಾಡಬಲ್ಲಿರಿ, (ಇಲ್ಲವಾದರೆ ) ಸರಳ ನರ್ತನವನು ಮಾಡದೆ ಕ್ರಮಬದ್ದ ನರ್ತನವನ್ನು ಮಾಡ ಹೊರಟರೆ) ನೀವು ನಿಯಮಗಳಿಂದ ನಿರ್ಬಂಧಕ್ಕೊಳಗಾಗಿರುವಂತೆ ಅನಿಸುತ್ತದೆ.

ಸೂಚನೆಗಳು:

ಸರಳ ನರ್ತನ (ಫ್ರೀ ಡಾನ್ಸ್) ಎಂದರೆ ಅದರಲ್ಲಿ ಹೆಜ್ಜೆ ಹಾಕುವ, ವಿಧಿ ನಿಯಮಗಳು ಏನೂ ಇಲ್ಲ. ನಿಮ್ಮ ಶರೀರ ಹೇಗೆ ಬೇಕಾದರೂ ಚಲಿಸಲಿ. ನರ್ತನವು ಸುಲಭವಾಗಿ ಸರಳವಾಗಿ ಸಾಗಲಿ. ಕ್ರೀಡೆಯ ಭಾವದಿಂದಿರಿ. ನಿಮಗೆ ನೀವೇ ಆನಂದಿಸಿರಿ. ನರ್ತನದ ಪ್ರಚಂಡ ಶಕ್ತಿಯ ಒಂದು ಭಾಗವಾಗಿರಿ.

ಮುಕ್ತ ನರ್ತನದಲ್ಲಿ ಎರಡು ವಿಭಾಗಗಳಿವೆ.

(21 ನಿಮಿಷಗಳ ನರ್ತನ)

ಕಣ್ಣು ಮುಚ್ಚಿಕೊಂಡು ನರ್ತಿಸಿ, ಹೆಜ್ಜೆ ಹಾಕುವುದರ ಬಗ್ಗೆ ಚಿಂತಿಸಬೇಡಿ, ಶರೀರವನ್ನು ಸಡಿಲಗೊಳಿಸಿರಿ.

ನಿಮ್ಮ ಸುಪ್ತಮನಸು ನರ್ತಿಸಲು ಆದೇಶ ಕೊಡಲಿ! ನೀವು ಹೇಗೆ ಕಾಣಿಸುತ್ತಿದ್ದೀರಿ ನಿಮ್ಮ ಬಟ್ಟೆ, ನೋಟ, ಎಂಬವುಗಳ ಬಗ್ಗೆ ಗಮನ ಹರಿಸಬೇಡಿ. ಯಾರೂ ನಿಮ್ಮನ್ನು ಗಮನಿಸುತ್ತಿಲ್ಲ, ಅದೊಂದು ಪ್ರದರ್ಶನವಲ್ಲ.

ನೀವು ನರ್ತಿಸುತ್ತಾ ಇದ್ದರೆ ನಿಮಗೆ ಆಯಾಸವೇ ಆಗುವುದಿಲ್ಲ. ಹೆಚ್ಚು ಶಕ್ತಿಯು ನಿಮ್ಮೊಳಗೇ ಉಕ್ಕಿ ಬರುತ್ತಿರುತೆ, ಹಾಗೆಯೇ ನರ್ತಿಸುವಂತೆ ಮಾಡುತ್ತದೆ. ನೀವು ನರ್ತಿಸಿದಷ್ಟೂ ಹೆಚ್ಚು ಚೈತನ್ಯ ಯುಕ್ತರಾಗುತ್ತೀರಿ!

ಬೇರೆ ಧ್ಯಾನಗಳ ತರಹ ಧ್ಯಾನದ ವಿಷಯವಾಗಿ ನರ್ತಿಸುವುದಕ್ಕಾಗಲೀ, ನರ್ತನ ಮಾಡುತಿರುವವರ ವಿಚಾರಕ್ಕಾಗಲಿ ಗಮನ ಕೊಡಬೇಡಿರಿ. ಸಾಧ್ಯವಾದಷ್ಟೂ ವೇಗವಾಗಿ ಸ್ವತಂತ್ರವಾಗಿ ನರ್ತಿಸಿರಿ. ನಿಮ್ಮನ್ನು ನೀವು ಪೂರ್ಣವಾಗಿ ಮರೆತುಬಿಡಿ ನೀವೇ ನರ್ತನವಾಗಿಬಿಡಿ! ನರ್ತನವೇ ನೀವಾಗಲು ಬಿಡಿ.