ಧ್ಯಾನವನ್ನು ಕುರಿತು🔗

ಮಾತಿನಲ್ಲಿ ವಿವರಿಸಲಾಗದಂತಹ ಮಧುರವಾದ ಧ್ಯಾನ. ಇದನ್ನು ಧ್ಯಾನ ಎನ್ನುವುದಕ್ಕಿಂತ ಪ್ರಾರ್ಥನೆ ಎನ್ನಬಹುದು.

ಈ ಧ್ಯಾನವು ಅಸ್ತಿತ್ವದ ಸಂಪೂರ್ಣ ಚೈತನ್ಯದೊಂದಿಗೆ ನಿಮ್ಮನ್ನು ಸೇರಿಸಲು ನೇರವಾದ ದಾರಿಯಾಗಿದೆ. ಇದನ್ನು ನೀವು ರಾತ್ರಿ ಮಲಗುವ ಮುನ್ನ (ನಿದ್ರೆ ಹೋಗುವ ಮುನ್ನ) ಚೆನ್ನಾಗಿ ಅಭ್ಯಾಸ ಮಾಡಬಹುದು. ಇದನ್ನು ಹಗಲು ಹೊತ್ತು ನೀವು ಮಾಡಿದಲ್ಲಿ ಚೈತನ್ಯವನ್ನು ಹೀರಿಕೊಳ್ಳಲು, ಧ್ಯಾನಾನಂತರ ಹದಿನೈದು ನಿಮಿಷಗಳ ಕಾಲ ತಪ್ಪದೇ ವಿಶ್ರಾಂತಿಯನ್ನು ಪಡೆಯಲೇ ಬೇಕು. ಇಲ್ಲವಾದರೆ, ಕೆಲವು ಗಂಟೆಗಳ ಕಾಲ ನೀವು ಮಂಕು ಕವಿದಂತೆ ಇರುತ್ತೀರಿ! ( ನಿಮ್ಮಲ್ಲಿ ಚುರುಕುತನವು ಇರುವುದಿಲ್ಲಿ !

ಶಕ್ತಿಸಂಭವ

ಸೂಚನೆಗಳು:

ಧ್ಯಾನಕ್ಕೆ ತಂಪಾದ, ಕತ್ತಲೆಯ, ಸಾಕಷ್ಟು ಗಾಳಿ ಸಂಚಾರವಿರುವ ಒಂದು ಕೊಠಡಿಯನ್ನು ಆರಿಸಿಕೊಳ್ಳಿ. ಮನೆಯ ಹೊರಗಡೆ ಧ್ಯಾನವನ್ನು ಮಾಡಬೇಕೆನಿಸಿದರೆ, ಅದನ್ನು ಸ್ವಂತ ಅಥವಾ ಗೌಪ್ಯವಾದ ಸ್ಥಳದಲ್ಲಿ ಅಭ್ಯಾಸ ಮಾಡಬಹುದು. ಮಂಡಿಯೂರಿ ಕುಳಿತುಕೊಳ್ಳಿರಿ. ನಿಮಗೆ ಅನುಕೂಲ ವಾಗುವುದಾದರೆ ಕುಳಿತುಕೊಳ್ಳಲು ಒಂದು ಚಾಪೆಯನ್ನು ಉಪಯೋಗಿಸಿ ಕೊಳ್ಳಿರಿ. ನಿಮ್ಮ ಮಂಡಿಯೂರಿಕೊಂಡೇ ಹಾಗೆಯೇ ಎದ್ದು ನಿಲ್ಲಿ, ನಿಮ್ಮ

ತೋಳುಗಳನ್ನು ಆಕಾಶದತ್ತ ಮೇಲಕ್ಕೆ ಎತ್ತಿರಿ. ನಿಮ್ಮ ಮುಖವನ್ನು ಆಕಾಶದ ಕಡೆಗೆ ಎತ್ತುತ್ತಾ ಸ್ಥಿರ ಹೊತ್ತು ಹಾಗೆಯೇ ಇರಿ. ಕೆಲವು ಕ್ಷಣದಲ್ಲೇ ಅಸ್ತಿತ್ವದ ಚೈತನ್ಯವು ನಿಮ್ಮ ಮೈಯೊಳಕ್ಕೆ ಹರಿಯುವುದನ್ನು ಅನುಭವಿಸುತ್ತೀರಿ. ಅದನ್ನು ತಡೆಯಬೇಡಿರಿ. ಆ ಚೈತನ್ಯವು ನಿಮ್ಮೊಳಗೆ ಪ್ರವೇಶಿಸಲು ಬಿಡಿ. ನಿಮ್ಮ ಕೈಗಳು ನಡುಗುತ್ತಿರುವುದನ್ನು ಕಾಣುವಿರಿ; ಹಾಗೆಯೇ ನಿಮ್ಮ ಪೂರ್ತಿ ಶರೀರವೂ ಚೈತನ್ಯದಿಂದ ನಡುಗುವುದು ಮತ್ತು ತೂಗಾಡುವುದನ್ನು ಅನುಭವಿಸುತ್ತೀರಿ. ಹಾಗೆ ದೇಹವು ಚಲಿಸಲು ಅವಕಾಶವನ್ನು ಕೊಡಿ.

ನೀವು ಈ ಚೈತನ್ಯವನ್ನು ಕುಡಿದು (ಮೈಗೂಡಿಸಿಕೊಂಡ ಮೇಲೆ) ಭೂಮಿ ಮತ್ತು ಸ್ವರ್ಗವು ಸೇರಿ ಒಂದಾಗುವ ಸ್ಥಳವೇ ನೀವಾಗಿಬಿಡುತ್ತೀರಿ. ಆಗ ನೀವು ತೇಲುತಿರುವಿರಿ, ನಿಮಗೆ ಶರೀರವೇ ಇಲ್ಲ ಎನ್ನುವ ಅನುಭವವನ್ನು ಹೊಂದುತೀರಿ.

ನೀವು ಪೂರ್ಣವಾಗಿ - (ಚೈತನ್ಯದಿಂದ) - ತುಂಬಿ ತುಳುಕಿದಂತಾದಾಗ, ಬಗ್ಗಿ ಭೂಮಿಯನ್ನು ಚುಂಬಿಸಿರಿ. ಕೈಗಳನ್ನು ಕೆಳಗೆ ಮಾಡಿ ಹಸ್ತಗಳನ್ನು ಭೂಮಿಯ ಮೇಲಿಡಿ (ಹಸ್ತಗಳಿಂದ ಭೂಮಿಯನ್ನು ಸ್ಪರ್ಶಿಸಿರಿ). ನಿಮ್ಮ ಎಲ್ಲಾ ಪ್ರೀತಿಯನ್ನೂ ಭೂಮಿಗೆ ಸಮರ್ಪಿಸಿರಿ. ಆ ಪ್ರೀತಿಯು ನಿಮ್ಮ ತುಟಿಗಳಿಂದಲೂ, ಹಸ್ತಗಳಿಂದಲೂ ಹರಿಯುತ್ತಿರುವಂತೆ ಭಾವಿಸಿರಿ. ದಿವ್ಯ ಚೈತನ್ಯವನ್ನು ಭೂಮಿಗೆ ತಲುಪಿಸುವ ಒಂದು ಉಪಕರಣ ಮಾತ್ರವಾಗಿ ಬಿಡಿರಿ.

ಇದನ್ನು ನೀವು ಏಳುಸಾರಿ ಮಾಡಿರಿ. ಪ್ರತಿಸಲವೂ, ಪ್ರತಿ ಏಳು ಪ್ರಮುಖ ಚಕ್ರಗಳೂ ಸಹ ಚೈತನ್ಯಭರಿತವಾಗುತ್ತವೆ. ಇದನ್ನು ಏಳು ಸಾರಿಗಿಂತಲೂ ಹೆಚ್ಚು ಮಾಡಿದರೆ, ನೀವು ಎಲ್ಲೆ ಮೀರಿದಷ್ಟು ಶಕ್ತಿಯುತರಾಗಿ ಆಯಾಸಗೊಳ್ಳಬಹುದು. ನೀವು ನಿಮ್ಮ ಪ್ರಾರ್ಥನೆಯು ಮುಗಿದ ಕೂಡಲೇ ಅದೇ ಪ್ರಾರ್ಥನಾ ಸ್ಥಿತಿಯಲ್ಲಿಯೇ ನಿದ್ರೆ ಹೋಗಿರಿ. ಆ ಚೈತನ್ಯದೊಳಕ್ಕೇ ಸೇರಿಬಿಡಿ, ಅದರಲ್ಲೇ ನಿದ್ರಿಸಿರಿ. ನೀವು ಎಚ್ಚರಗೊಂಡಾಗ, ಬಹಳ ಉಲ್ಲಾಸಗೊಂಡವರಾಗಿಯೂ, ಪುನಶ್ಚೇತನಗೊಂಡವರಾಗಿಯೂ ಆಗುತ್ತೀರಿ.

ಧ್ಯಾನದ ತಂತ್ರಗಳು

ತಂತ್ರದ ವಿಚಾರ:

ಒಂದು ಪುರಾತನವಾದ ಮತ್ತು ಶಕ್ತಿಯುತವಾದ, ಇಸ್ಲಾಂ ಧರ್ಮದ ಒಂದು ಭಾಗವಾದ ಸೂಫಿಯಿಸಮ್‌ನಿಂದ ತೆಗೆದುಕೊಂಡಿರುವ ತಂತ್ರವಿದು.

ಇದು ತಂತ್ರಗಳಲ್ಲೆಲ್ಲಾ ಬಹಳ ಸರಳವಾದದ್ದು. ನೀವು ಮಾಡಬೇಕಾದ್ದು ಎಂದರೆ ನಿಮ್ಮ ಸುತ್ತ ನೀವೇ ಮಕ್ಕಳು ಸುತ್ತುತ್ತಾರಲ್ಲ ಹಾಗೆ ಸುತ್ತುವುದು (ಅಪ್ಪಾಲೆ ಸುತ್ತುವುದು).

ಈ ಸುತ್ತುವುದು ಕೇಂದ್ರೀಕರಿಸಲು ಬಹಳ ಪ್ರಭಾವಶಾಲಿ ತಂತ್ರ.

ಇದರ ಒಂದು ಸುಂದರವಾದ ಮತ್ತು ವಿಶಿಷ್ಟವಾದ ಸಂಗತಿ ಏನೆಂದರೆ, ನಿಮ್ಮ ಶರೀರವು ಮತ್ತೆ ಮತ್ತೆ ಮತ್ತೆ ವೃತ್ತಾಕಾರವಾಗಿ ತನ್ನ ಸುತ್ತುತ್ತಿದ್ದರೂ, ನಿಮ್ಮ ಇರುವಿಕೆಯು ಮಾತ್ರ ಕೇಂದ್ರದಲ್ಲಿ ಅಚಲವಾಗಿ ಚಲಿಸುವ ಚಕ್ರದ ಮಧ್ಯದ, ಚಲಿಸದ ಚಕ್ರನಾಭಿ ಇದ್ದಂತೆ ಸ್ಥಿರವಾಗಿ ಇರುತ್ತದೆ.

ಸೂಚನೆಗಳು:

ನೀವು ಗಂಟೆಗಳಿಗೂ ಮೊದಲೇ ಸೇವಿಸಿರಬೇಕು (ಆಹಾರ ಪಾನೀಯಗಳನ್ನು ಸೇವಿಸಿ, ಮೂರು ಗಂಟೆಗಳು ಕಳೆದಾದ ಮೇಲೆಯೇ ಈ ಧ್ಯಾನವನ್ನು ಮಾಡಬೇಕು) ಈ ಧ್ಯಾನವು ಎರಡು ಮೆಟ್ಟಿಲು ಅಥವಾ ಭಾಗಗಳಾಗಿ ತಿಳಿಸಲ್ಪಟ್ಟಿದೆ. ಅವು ಸುತ್ತುವುದು ಮತ್ತು ವಿಶ್ರಮಿಸುವುದು.