ಪ್ರತಿಬಿಂಬ ಧ್ಯಾನ🔗

ತಂತ್ರದ ಬಗ್ಗೆ

ನೀವು ಸದಾಕಾಲವೂ ಹೊರಗಡೆಯೇ ಮಗ್ನರಾಗಿರುತ್ತೀರಿ. ನಿಮ್ಮ ಚೈತನ್ಯವು ಯಾವಾಗಲೂ ಹೊರಗಿನ ಪ್ರಪಂಚದದತ್ತಲೇ ಕೇಂದ್ರೀಕೃತವಾಗಿರುತ್ತದೆ. ಏನನ್ನಾದರೂ ನೀವು ನೋಡಿದರೆಂದರೆ, ನಿಮ್ಮ ಅರಿವು (ಗಮನವು) ಆ ಕಡೆಗೆ ಹರಿಯುತ್ತದೆ. ನಿಮ್ಮ ಗಮನ ನಿಮ್ಮ ಮೇಲಿಲ್ಲದೆ, ಸದಾ ಹೊರಗಿನ ವಸ್ತುಗಳ ಮೇಲೆಯೇ ಇರುತ್ತದೆ. ಎಲ್ಲಾ ಸಮಯದಲ್ಲೂ ಸಹ ನಮ್ಮನ್ನು ಬಿಟ್ಟು ಬೇರೆ ಯಾವುದರ ಮೇಲಾದರೂ ನಮ್ಮ ಗಮನವಿರುತ್ತದೆ. ತೀವ್ರವಾಗಿ ಯಾವುದರ ಮೇಲಾದರೂ ನಮ್ಮ ಗಮನ ಹರಿದಾಗ (ಅಂದರೆ) ಸುಂದರವಾದ ಸೂರ್ಯ ಮುಳುಗುವ ದೃಶ್ಯ, ಸುಶ್ರಾವ್ಯವಾದ ಸಂಗೀತ (ಹೀಗೆ), ಆಗ ನಮ್ಮನ್ನೇ ನಾವು ಸಂಪೂರ್ಣವಾಗಿ ಮರೆತು ಅದರಲ್ಲಿಯೇ ತಲ್ಲೀನರಾಗಿರುತ್ತೇವೆ. ಇದೊಂದು ಅತಿಶಯದ ಅನುಭವ

ಮನೋಲಯದ ಸ್ಥಿತಿ. ಅರಿವು ಇರುವ ಸ್ಥಿತಿಯಲ್ಲಿ ಬೇರೆಯದರ ಪರಿಜ್ಞಾನ ಇರುವುದು ಮಾತ್ರವಲ್ಲ, ವಿಷಯದ ಅರಿವೂ ಇರುತ್ತದೆ. ಅಂದರೆ ನೀವು ಬೇರೆಯದನ್ನೆಲ್ಲಾ (ಕರ್ತೃವನ್ನೂ) ನಿಮ್ಮನ್ನೂ ನೋಡಬಲ್ಲವರಾಗುತ್ತೀರಿ. ಸಾಧಾರಣವಾಗಿ, ನಿಮ್ಮ ಶಕ್ತಿಯು (ಚೈತನ್ಯವು) ಯಾವಾಗಲೂ ಹೊರಮುಖವಾಗಿಯೇ, ಹೊರಗಿನ ಘಟನೆಗಳಲ್ಲಿಯೇ ಹರಿಯುತ್ತಿರುತ್ತದೆ. (ಟಾಯೋಯಿಸ್ ) Taoist ಅನುಭವದ ಪ್ರಕಾರ ಹೊರಕ್ಕೆ ಹರಿಯಗೊಡದೆ, ಈ ಚೈತನ್ಯವು ಹರಿಯುವುದನ್ನು ಹಿಂದಕ್ಕೆ ನಿಮ್ಮ ಒಳಕ್ಕೇ (ನಿಮ್ಮ ಕಡೆಗೇ) ತಿರುಗಿಸಿಕೊಂಡು ಬಿಡಬಹುದು.

ಶಕ್ತಿಧಾರಣ

ಇದೇ ಏಕಾಗ್ರತೆ

ಸೂಚನೆಗಳು:

ಒಂದು ದೊಡ್ಡ ನಿಲುವುಗನ್ನಡಿಯ ಮುಂದೆ ನಿಂತು ನಿಮ್ಮನ್ನೇ ನೋಡಿಕೊಳ್ಳಿರಿ. ಹೊರಗಿನಿಂದಲೂ ನಿಮ್ಮನ್ನು ನೀವು ಒಮ್ಮೆ ಚೆನ್ನಾಗಿ ನೋಡಿಕೊಳ್ಳಿರಿ.

ಹೊರಗಿನ ನೀವು ಕರ್ತೃ; ಕನ್ನಡಿಯ ಒಳಗಿನ ಪ್ರತಿಬಿಂಬವು ನೀವು ಗಮನಿಸುತ್ತಿರುವ ಹೊರಗಿನ ವಸ್ತು. ನಿಮ್ಮ ಚೈತನ್ಯವು ಆ ಹೊರಗಿನ ವಸ್ತುವಿನ ಕಡೆ ಹರಿಯುತ್ತಿರುವುದನ್ನು ಕಾಣುವಿರಿ. ನಿಮ್ಮ ಕಣ್ಣುಗಳನ್ನು ಹೊರಗಿನಿಂದಲೇ ನೋಡಿರಿ. ನೀವು ನೋಡುತ್ತಿದ್ದೀರಿ, ಮತ್ತು ಆ ಪ್ರತಿಬಿಂಬವು ನೋಡಲ್ಪಡುತ್ತಿದೆ.

ಈಗ ಇದು ಅದಲು ಬದಲಾದಂತೆ ಕಲ್ಪಿಸಿಕೊಳ್ಳಿರಿ! (ಅಂದರೆ) ಪ್ರತಿಬಿಂಬವು ಎದ್ದು ನಿಮ್ಮನ್ನು ನೋಡುತ್ತಿದೆ ಎಂದು ಕಲ್ಪಿಸಿಕೊಳ್ಳಿರಿ. ಇದು ಮೊದಲು ನಿಮಗೆ ಭಯವನ್ನು ಕಲ್ಪಿಸಿಕೊಳ್ಳುವುದು ಅಂದರೆ ಅದೇ ನಿಮ್ಮನ್ನು ಗಮನಿಸುತ್ತಿದೆ ಎನ್ನುವುದು ನಿಮಗೆ ಅಭ್ಯಾಸವಿಲ್ಲ.

ಈ ಕಲ್ಪನೆಯ ಅನುಭವವು (ಹೊಸದಾಗಿಯೂ, ವಿಲಕ್ಷಣವಾಗಿಯೂ, ಭಯಾನಕ ವಾಗಿಯೂ)ಕಂಡರೂ ಅದನ್ನೇ ಮುಂದುವರಿಸಿರಿ. ಕೆಲವೇ ಕ್ಷಣಗಳಲ್ಲಿ, ಒಂದು

ದೊಡ್ಡ ಬದಲಾವಣೆಯನ್ನು ನೀವು ಕಾಣುವಿರಿ. ಆ ಪ್ರತಿಬಿಂಬದಿಂದ ಚೈತನ್ಯವು ನಿಮ್ಮ ಕಡೆಗೆ ಹರಿಯಲು ಪ್ರಾರಂಭಿಸಿರುವುದನ್ನು ಗಮನಿಸುತ್ತೀರಿ! ಇದು ನಿಜವಾಗಿಯೂ ಭಯಾನಕವಾದುದು. ಗಾಬರಿ ಹಿಡಿಸುವಂತಹದು. ನಿಮ್ಮ ಜೀವನದಲ್ಲೆಲ್ಲಾ ಹೊರಮುಖವಾಗಿಯೇ ನೋಡುತ್ತಾ, ನಿಮ್ಮ ಚೈತನ್ಯವೂ ಸಹ ಹೊರಗಡೆಗೇ ಹರಿಯುವುದನ್ನು ನೋಡಿ ಅಭ್ಯಾಸವಾಗಿಬಿಟ್ಟಿದೆ. ಇದ್ದಕ್ಕಿದ್ದಂತೆ ಈ ಅನುಭವವು ಆಘಾತಗೊಳಿಸಿದಂತಾಗಬಹುದು. ಆದರೆ ಖಂಡಿತವಾಗಿಯೂ ಈಗ ಆ ಚೈತನ್ಯದ ಹರಿಯುವಿಕೆಯು ನಿಮಗೆ ಅನುಭವಕ್ಕೆ ಬರುತ್ತದೆ, ಕಾರಣ, ಈಗ ಆ ಚಲಿಸುವ ಮಾರ್ಗವನ್ನೇ ನೀವು ಮುಚ್ಚಿಬಿಟ್ಟಿದ್ದೀರಿ. ಈ ರೀತಿ ಚೈತನ್ಯವು ಹರಿಯುವ ಮಾರ್ಗವನ್ನೇ ಮುಚ್ಚಿದಾಗ, ಆ ಚೈತನ್ಯವು ವ್ಯರ್ಥವಾಗದಂತೆ ಜಾಗರೂಕತೆ ವಹಿಸಿದ್ದೀರಿ ಎಂದರ್ಥ. ಆದ್ದರಿಂದ ಅದು ಹಿಂದಕ್ಕೆ ತಿರುಗಿ ನಿಮ್ಮ ಕಡೆಗೇ ಹರಿದು ಬರುತ್ತದೆ. ನಿಮ್ಮ ಆ ಚೈತನ್ಯವನ್ನು ನಿಮಗಾಗಿಯೇ ಕಾಯ್ದು ಶೇಖರಿಸಿಕೊಳ್ಳುತ್ತೀರಿ.

ಈ ತಂತ್ರವನ್ನು ಕೆಲವು ದಿವಸಗಳವರೆಗೆ ಅಭ್ಯಾಸ ಮಾಡಿರಿ, ತಪ್ಪದೇ ನೀವು ಬದಲಾವಣೆಯನ್ನು ಕಾಣುತ್ತೀರಿ. ನೀವು ಹೆಚ್ಚು ಕೇಂದ್ರೀಕೃತರಾಗಿ, ಶಕ್ತಿಯುತರಾಗಿ, ಮಹತ್ತರವಾದ ಶಾಂತಿಯನ್ನು ಅನುಭವಿಸುತ್ತೀರಿ.

ಇದನ್ನು ಕೇಂದ್ರೀಕರಿಸುವದಷ್ಟೇ ಅಲ್ಲ. ಯಾವುದರ ಕುರಿತು ಬೇಕಾದರೂ ಕೇಂದ್ರೀಕರಿಸಬಹುದು. ನೀವು ನಿಮ್ಮ ಚೈತನ್ಯವನ್ನು ಯಾವುದರ ಮೇಲಾದರೂ ಹರಿಸಿದರೆ, ಅದು ಪುನಃ ಹಿಂದಿರುಗಿ ನಿಮಗೇ ಬರುತ್ತಿದೆ ಎಂದು ಕಲ್ಪಿಸಿಕೊಳ್ಳಿರಿ. ಅದು ನಿರ್ಜೀವ ವಸ್ತು ಬೇಕಾದರೂ ಆಗಿರಬಹುದು. ಪರವಾಗಿಲ್ಲ (ಅದಕ್ಕೆ ಚಿಂತಿಸಬೇಕಾಗಿಲ್ಲ) - ಆ ಚೈತನ್ಯವು ನಿಮಗೇ ಹರಿದು ಬಂದು ನಿಮ್ಮನ್ನು ನವೋತ್ಸಾಹಭರಿತರನ್ನಾಗಿಯೂ, ಪುನಶ್ಚೇತನ ಪಡೆದವರನ್ನಾಗಿಯೂ ಮಾಡಿದ ಆ ಅನುಭವವನ್ನು ನೀವು ಹೊಂದುತ್ತೀರಿ.

ಧ್ಯಾನದ ತಂತ್ರಗಳು