ಧ್ಯಾನ ಮತ್ತು ಅದರ ಸೂಚನೆಗಳು:🔗

ನಿಲ್ಲಿಸುವುದು ಎಂದರೆ ಕೇವಲ ಶಾರೀರಿಕ ಕೃತಿಗಳನ್ನು ನಿಲ್ಲಿಸುವುದು ಮಾತ್ರವಲ್ಲ, ನೀವು ಒಂದು ಆವೇಗ, ಒಂದು ಆಸೆ, ಒಂದು ಸ್ವಪ್ರಯತ್ನವಿಲ್ಲದ ಕೃತಿ ಅಥವಾ ಭಾವನೆಯನ್ನೂ ಹಾಗೆಯೇ ಸುಮ್ಮನೆ ನಿಲ್ಲಿಸಿಬಿಡಬಹು.

ಏನನ್ನೋ ಮಾಡಬೇಕೆಂಬ ಪ್ರಚೋದನೆ ಅಥವಾ ಆವೇಗ ಉಂಟಾದ ಕೂಡಲೇ ನಿಲ್ಲಿಸಿಬಿಡಿ. ಯಾವಾಗ ನೀವು ತೊಂದರೆಗೆ ಈಡಾಗುತ್ತೀರೋ (ಕಷ್ಟವನ್ನನುಭವಿಸುತಿದ್ದೀರೋ) ಆಗ, ನಿಮಗೆ ಅಳುವು ಬಂದಾಗ - ಮಧ್ಯದಲ್ಲೇ ನಿಮಗೆ ನೀವೇ (Stop!) ನಿಲ್ಲಿಸು! ಎಂಬ ಆಜ್ಞೆ ಮಾಡಿಕೊಳ್ಳಿ! ನೀವು ಎಷ್ಟು ಸುಲಭವಾಗಿ ಆಶ್ಚರ್ಯಚಕಿತರಾಗುತೀರಿ. ನೀವು ಸುಮ್ಮನೆ ನಿಲ್ಲಿಸಿಬಿಡುತ್ತೀರಿ ಅಷ್ಟೆ,

ತಡೆಯಲಾಗದ ಸೀನು ಬರುತ್ತಿದೆ ಎನ್ನುವಾಗಲೂ ಸಹ, ತಕ್ಷಣ ಅಷ್ಟರಲ್ಲೇ ಹಾಗೆಯೇ ನಿಲ್ಲಿಸಿಬಿಡಬಹುದು.

ಯಾವಾಗ ನಿಮಗೆ ಸಿಟ್ಟು ಉದ್ಯುಕರಾಗಿದ್ದರೂ ಸಹ, ಅಥವಾ ಏನನ್ನಾದರೂ ಒಡೆಯಲು ಸಿದ್ದರಿದ್ದಾಗ, ಸುಮ್ಮನೆ ನಿಲ್ಲಿಸಿಬಿಡಿ.

ಅಕಸ್ಮಾತ್ ನಿಮಗೆ ನಿಮ್ಮ ಮಗುವನ್ನೋ, ಹೆಂಡತಿಯನ್ನೋ, ಸ್ನೇಹಿತರನ್ನೋ ಕಂಡು ಕೂಡಲೇ ಅಪ್ಪಿಕೊಳ್ಳಬೇಕೆನಿಸಿದಾಗ - ಕೂಡಲೇ ನಿಲ್ಲಿಸಿಬಿಡಿ.

ಧ್ಯಾನದ ತಂತ್ರಗಳು

ಹಾಗೆ ನಿಲ್ಲಿಸಿದಾಗ ನಿಮಗೆ ಏನಾಗುತದೆ? ಆವಾಗ ನಿಮ್ಮಿಂದ ಒಂದು ಶಕ್ತಿಯು (ಚೈತನ್ಯವು) ನಿಮ್ಮ ಗಮನದಲ್ಲಿ ಇರುವ ಪದಾರ್ಥದ ಕಡೆ ಹೊರ ಹರಿಯುತ್ತದೆ. ನಾವು ಮಾತನಾಡುವಾಗ, ನಡೆಯುವಾಗ, ಆಗಲೂ ಸಹ ನಿಮ್ಮಿಂದ ಚೈತನ್ಯವು ಹೊರ ಪದಾರ್ಥ, ವ್ಯಕ್ತಿ ಕಡೆಗೆ ಹೋಗುತಿರುತದೆ. ನಿಮ್(ಗಮನವೇ) ನಿಮ್ಮ ಚೈತನ್ಯ. ನೀವು ಕೂಡಲೇ ಹೊರ ಹೋಗುವ ಚೈತನ್ಯವನ್ನು ನಿಲ್ಲಿಸಿದಾಗ, ಆ ಚೈತನ್ಯಕ್ಕೆ ಏನಾಗುತದೆ? ಅದು ನಿಮ್ಮ ಒಳಕ್ಕೇ ಹಿಂತಿರುಗುತ್ತದೆ. ನಿಮ್ಮ ಚೈತನ್ಯ ನಿಮ್ಮ ಗಮನ, ಕೂಡಲೇ ಒಳಕ್ಕೇ ಹರಿಯುತ್ತದೆ. ಮತ್ತೊಮ್ಮೆ ನೀವು ನಿಮ್ಮ ಶಾಂತಿಯ ಕೇಂದ್ರಕ್ಕೆ ಎಸೆಯಲ್ಪಡುತ್ತೀರಿ.

ಒಮ್ಮೆ ನಿಮಗೆ ಅದರ ಕ್ಷಣ ಕಾಲದ ಅನುಭವವು ಉಂಟಾದರೆ ನಿಮ್ಮ ಕೆಲಸಗಳಲ್ಲಿ ತೊಡಗಿ ನಿಮ್ಮನ್ನು ನೀವು ಕಳೆದುಕೊಳ್ಳುವುದಿಲ್ಲ. ನೀವು ಏನನ್ನಾದರೂ ಮಾಡುತಿರುವಾಗಲೂ ಸಹ ನೀವು ಇರುವಿಕೆಯ ಪ್ರಜ್ಞೆಯಲ್ಲಿಯೇ ಇರುತೀರಿ. ನೀವು ನಿಮ್ಮ ಆಂತರ್ಯದ ಶಾಂತಿಯನ್ನು ತಲುಪುತೀರಿ ಮತ್ತು ನಿಮ್ಮ ಪ್ರತಿಯೊಂದು ಕೆಲಸ ಕಾರ್ಯಗಳೂ ಸಹ ಕೇವಲ ಮೇಲಿನ ಸಣ್ಣ ಸಣ್ಣ ಅಲೆಗಳು ಎಂದು ಪರಿಗಣಿಸುತೀರಿ. ಇದೇ ಶಾಶ್ವತವಾದ ಧ್ಯಾನದ ಮನೋಭಾವ.

ಲುಕಾಮ ಹರಣ

ಧ್ಯಾನ ಮತ್ತು ಸೂಚನೆಗಳು:

ಇದೂ ಕೂಡ ಒಂದು "Stop'! (ನಿಲ್ಲಿಸು!) ತಂತ್ರ. ಆದರೆ, ಇದ್ದಕ್ಕಿದ್ದಂತೆ ಕೂಡಲೇ ನಿಲ್ಲಿಸುವ ಕಾರ್ಯವಾಗಲೀ, ಆವೇಶವಾಗಲೀ ಅಲ್ಲ. ಇಲ್ಲಿ ನೀವು ನಿಧಾನವಾಗಿ ನಿಮ್ಮ ಆಸೆಗಳನ್ನೂ, ಆವೇಶಗಳನ್ನೂ ನಿಯಂತ್ರಿಸಿ ನಿಲ್ಲಿಸುತ್ತೀರಿ.

ಏನಾದರೂ ಆಸೆಯು ಬಂದಾಗ, ಅದನ್ನು ಸರಿಯಾಗಿ ಪರ್ಯಾಲೋಚಿಸಿರಿ. ಬುದ್ದಿಪೂರ್ವಕವಾಗಿ ತೀರ್ಮಾನಿಸಿರಿ. ಆ ಆಸೆಯನ್ನು ಪೂರ್ಣ ಬಲವತರವಾಗಿ ಎದುರಿಸಿರಿ. ನೀವು ಈ ಆವೇಗವನ್ನು, ಈ ಆಸೆಯನ್ನು ಹೊಂದಿದ್ದೀರೆಂಬ

ಭಾವನೆಯ ಬಗ್ಗೆ ತಿಳಿದುಕೊಂಡಿರಿ. ಆಗ ಕೂಡಲೇ ಬಿಟ್ಟುಬಿಡಿ, ಸುಮ್ಮನೆ ಕೈಬಿಡಿ. ನೀವು ಒಂದು ಸುಂದರವಾದ ಹೆಣ್ಣನ್ನು ನೋಡಿದಿರೆಂದು ಇಟ್ಟುಕೊಳ್ಳೋಣ. ಆಗ ಆಸೆ ನಿಮ್ಮಲ್ಲಿ ಉಂಟಾಗುತ್ತದೆ, ಆಗ ನಿಮ್ಮ ಆಸೆಯನ್ನು ಪರೀಕ್ಷಿಸಿರಿ. ಆ ಘಳಿಗೆಯಲ್ಲಿ ನಿಮಗೆ ಏನಾಗುತಿದೆ ಎಂಬುದರ ವಿಷಯವಾಗಿ ಗಮನವಿಡಿ. ನಿಮ್ಮ ಶರೀರವು ಹೇಗೆ ಜ್ವರ ಬಂದಂತೆ, ನಡುಕ ಬರುತಿರುವಂತೆ ಆಗುತಿದೆ ಎಂಬುದನ್ನೂ ಗಮನಿಸಿ. ನಿಮ್ಮ ನಾಡಿ ಮಿಡಿತ ಜೋರಾಗುತಿರುವುದನ್ನು ನೀವು ಸರಿಯಾಗಿ ಆಲೋಚಿಸಲಾರಿರೆಂಬುದನ್ನೂ ಗಮನಿಸಿರಿ. ಆ ಆಸೆಯು ನಿಮ್ಮನ್ನೇ ಹೇಗೆ ನಿಯಂತ್ರಿಸುತಿದೆ ಎಂಬುದನ್ನೂ ಅವಲೋಕಿಸಿರಿ.

ನೀವು ನಿಮ್ಮನ್ನೇ ಆಗಲಿ ನಿಮ್ಮ ಆಸೆಯ ಬಗ್ಗೇ ಆಗಲಿ ತೀರ್ಮಾನಿಸಬೇಡಿ. ನಿಮಗೆ ನೀವೇ ಇದೊಂದು ಕೆಟ್ಟ ಆಸೆ ಎಂದು ಹೇಳಿಕೊಳ್ಳಬೇಡಿ. ಯಾವ ಅಭಿಪ್ರಾಯವನ್ನೂ ತಾಳಬೇಡಿರಿ, ಸುಮ್ಮನೆ ಸಾಕ್ಷಿಯಾಗಿ ಅದನ್ನು ನೋಡಿ. ಆಗ ಕೂಡಲೇ ಆಸೆಯನ್ನು ಬಿಟ್ಟುಬಿಡಿ.

ಇದು ಸಾಧ್ಯ!

ನೀವು ಸುಮ್ಮನೇ ಬಿಟ್ಟುಬಿಡಬಹುದು.

ಸ್ಪಷ್ಟವಾಗಿರಿ: ನೀವು ಆಸೆಯನ್ನು ಬಲವಂತವಾಗಿ ತಡೆಹಿಡಿಯುತಿಲ್ಲ ಆ ರೀತಿ ತಡೆಯಬೇಡಿ. ಆ ತಡೆಯುವಿಕೆಯೇ ನಮ್ಮ ಮನೋ ವೈಜ್ಞಾನಿಕವಾದ ಸಮಸ್ಯೆಗಳಿಗೆ ಮೂಲ ಕಾರಣವಾಗಿಬಿಡುತ್ತದೆ.

ಅದನ್ನು ನಾನು ಹೇಗೆ ಬಿಡಲಿ? ಎಂದು ಯೋಚಿಸಬೇಡಿ.

ಯಾವಾಗ ನೀವು ಮನಸಿನ ಆವೇಗದೊಡನೆ ಹೋರಾಡುತ್ತೀರೋ, ತಡೆಹಿಡಿಯುತೀರೋ ಆಗ ಅದು ಹೆಚ್ಚು ಬಲಗೊಳ್ಳುತ್ತದೆ.

ಯಾವುದನ್ನೂ ನೀವು ಸರಿಯಾಗಿ ಪೂರ್ಣವಾಗಿ ಸಮಾಲೋಚಿಸಿದಾಗ ಅದನ್ನು ಬಿಡಲು ಸುಲಭವಾಗುತದೆ.

ಯಾವ ಘಳಿಗೆಯಲ್ಲಿ ನಾನು ಬಿಟ್ಟೆ, ಎಂದು ಹೇಳುತೀರೋ ಆಗಲೇ ನೀವು ಬೇರೆಯಾಗಿಬಿಡುತೀರಿ, ನೀವು ನೋಡುವವರಾಗುತ್ತೀರಿ. ನೀವು ನಿಮ್ಮ ಶರೀರವು ಆಸೆಗಳಿಂದ ತುಂಬಿರುವುದನ್ನು ನೋಡುತೀರಿ, ನಿಮ್ಮ ಮನಸು ಆಸೆಗಳಿಂದ ತುಂಬಿರುವುದನ್ನು ನೋಡುತೀರಿ - ಆದರೆ ಅವು ನೀವಲ್ಲ. ಆ ಕ್ಷಣದಲ್ಲಿ, ನೀವು ಅವುಗಳಲ್ಲಿ ಯಾವುವೂ ನೀವಲ್ಲವೆಂಬುದನ್ನು ಮನಗಾಣುತ್ತೀರಿ (ಅರ್ಥ ಮಾಡಿಕೊಳ್ಳುತೀರಿ) ಆಗಲೂ ಕೂಡ, ನೀವು ಮಗದೊಮ್ಮೆ ನಿಮ್ಮ ಇರುವಿಕೆಯಲ್ಲಿಗೇ ಹೋಗಿ ಸೇರುತ್ತೀರಿ.

ಈ ಧ್ಯಾನವು ವ್ಯಸನಾಸಕಿಗಳಿಗೆ ಅಂಟಿಕೊಂಡಿರುವ ಪ್ರವೃತಿಯಿಂದ ಹೊರಗೆ ಬರಲು (ದುಶ್ಚಟಗಳನ್ನು ಬಿಡಲು) ಅತಿ ಉತ್ತಮವಾದ ಧ್ಯಾನ. ನಾವು ಚೈನ್ ಸ್ಮೋಕರ್, ಆಲ್ಕೋಹಾಲಿಕ್, ವುಮನೈಸರ್, (ನಿರಂತರ ಧೂಮಪಾನ ಮಾಡುವವರು, ಮದ್ಯಪಾನ ಮಾಡುವವರು, ಸ್ತ್ರೀಲೋಲರು) ಇವರುಗಳು ಇದ್ದಕ್ಕಿದ್ದಂತೆ ಒಂದು ದಿನ ಅವರ ದುರಭ್ಯಾಸಗಳನ್ನು ಬಿಟ್ಟು ಪುನಃ ಅವುಗಳ ಕಡೆಗೆ ತಿರುಗದೇ ಇರುವವರ ವಿಷಯವಾಗಿ ತಿಳಿದಿದ್ದೇವೆ. ಅವುಗಳೆಲ್ಲರೂ ಅದನ್ನು ಬಿಡಲು ಪ್ರಯತ್ನಿಸಿದವರಲ್ಲ - ಸುಮ್ಮನೆ ಬಿಟ್ಟವರು, ಅಷ್ಟೆ! ಈ ಧ್ಯಾನದಿಂದ ಕೇವಲ ಅವರ ಆ ನಡತೆ ಬಿಟ್ಟು ಹೋಗುವುದ್ ಮಾತ್ರವಲ್ಲ, ಆ ಸೆಳೆತವೂ (ಪ್ರವೃತಿಯೂ) ಬಿಟ್ಟು ಹೋಗುತ್ತದೆ. ನೀವು ನಿಮ್ಮ ದುರಭ್ಯಾಸಗಳ ಜೊತೆ ಹೋರಾಡಬೇಕಿಲ್ಲ, ಏಕೆಂದರೆ ಅದರ ಆಸಕ್ತಿಯೇ ಬಿಟ್ಟು ಹೋಗಿರುತ್ತದೆ.