ಧ್ಯಾನವು ನಿಮಗಾಗಿ - ಧ್ಯಾನದ ವಿಜ್ಞಾನ ಮತ್ತು ಕಲೆಗೆ ಒಂದು ಪರಿಚಯ (Dhyanavu Nimagagi - Dhyanada Vijnana Mattu Kalegge Ondu Parichaya) / Meditation for You - An Introduction to the Science and Art of Meditation

ದಿವ್ಯ ನೇತ್ರ ಧ್ಯಾನಕ್ಕೆ ಸೂಚನೆಗಳು:

ಈ ಧ್ಯಾನವು ಎರಡು ಬೇರೆ ಬೇರೆಯ ತಂತ್ರಗಳನ್ನು ಒಳಗೊಂಡಿದೆ. ಮೊದಲನೆಯದು ಆಜ್ಞಾಚಕ್ರವನ್ನು ಶುದ್ದಿಗೊಳಿಸುವಿಕೆ ಮತ್ತು ಮತ್ತೊಂದು ಎಂದರೆ ಚೈತನ್ಯ ಗೊಳಿಸುವಿಕೆ.

ನಮ್ಮ ಕೆಳಗಿನ ಚಕ್ರಗಳಿಗೆ, ಶುದ್ದಿಗೊಳಿಸುವುದು ಮತ್ತು ಪ್ರವಹಿಸಲು ಮಾರ್ಗ ನಿರ್ಮಿಸುವುದು ಇಷ್ಟು ಮಾತ್ರ ಸಾಕು. ಮೇಲಿನ ಚಕ್ರಗಳಿಗಾದರೋ ಚೈತನ್ಯಗೊಳಿಸುವಿಕೆಯ ಅವಶ್ಯಕತೆಯೂ ಇದೆ ಅಂದರೆ ಚಕ್ರಗಳಿಗೆ ಚೈತನ್ಯವನ್ನು ನುಗ್ಗಿಸಿ ತುಂಬುವ ಕೆಲಸವೂ ಇದೆ.

ಈ ಎರಡು ಹಂತಗಳಲ್ಲಿ, ನೀವು ಸರದಿಯ ಪ್ರಕಾರ, ಕಣ್ಣುಗಳನ್ನು ಮುಚ್ಚುವುದು ಹಾಗೂ ತೆರೆಯುವುದು, ಈ ರೀತಿ ಮಾಡಬೇಕಾಗುತದೆ.

ನಿಮ್ಮ ಕಣ್ಣುಗಳು ಮುಚ್ಚಲ್ಪಟ್ಟಾಗ, ನಿಮ್ಮ ''ಮೂರನೇ ಕಣ್ಣಿನ'' ಮೇಲೆ ಕೇಂದ್ರೀಕರಿಸಿರಿ. (ಭ್ರೂಮಧ್ಯ ಪ್ರದೇಶದಲ್ಲಿ ಕೇಂದ್ರೀಕರಿಸಿರಿ).

ಮುಂದಿನ ಹಂತದಲ್ಲಿ, ನೀವು ಕಣ್ಣುಗಳನ್ನು ತೆರೆದಿರುತ್ತೀರಿ - ಆದರೂ ನೀವು ಸಾಮಾನ್ಯವಾಗಿ ಎರಡು ಕಣ್ಣುಗಳಿಂದ ನೋಡುವಂತೆ ನೋಡದೆ, ನಿಮ್ಮ ಮೂರನೇ ಕಣ್ಣಿನಿಂದಲೇ ನೋಡಲು ಪ್ರಯತ್ನಿಸಿರಿ! ನಿಮ್ಮ ಮೂರನೇ ಕಣ್ಣಿನಿಂದ THE SUPREME PONTIFF OF HINDUISM BHAGAWAN SRI NITHYANANDA PARAMASHIVAM ರವರ ಮೂರನೇ ಕಣ್ಣನ್ನೇ ಗಾಢವಾಗಿ ವೀಕ್ಷಿಸಿರಿ.

ಕಣ್ಣುಗಳನ್ನು ಮಿಟುಕಿಸದಂತೆ ಇರಲು ಪ್ರಯತ್ರಿಸಿರಿ. ಮೊದಮೊದಲು ಸ್ವಲ್ಪ ತೊಂದರೆಯಾಗಬಹುದು. ಕಣ್ಣುಗಳು ಉರಿಯಬಹುದು, ಕಣ್ಣಿನಲ್ಲಿ ನೀರು ಬರಬಹುದು. ಆಗಲಿ ಬಿಡಿ. ಇದೆಲ್ಲಾ ಶುದ್ದೀಕರಿಸುವ ಕ್ರಿಯೆಯ ಒಂದು ಭಾಗ. ಆ ಸಾಮಾನ್ಯವಾದ ಅನುಭವವನ್ನು ಈ ಧ್ಯಾನದ ವೇಳೆಯಲ್ಲಿ ಪಡೆಯಲು ಸಿದ್ದವಿರಿ. ಹಿಂದೆ ಇಲ್ಲಿನವರೆಗೂ ನಿಮ್ಮ ಆಜ್ಞಾಚಕ್ರವನ್ನು ಸಕ್ರಿಯ ಗೊಳಿಸಿರುವುದಿಲ್ಲ.ಆಜ್ಞಾಚಕ್ರವನ್ನು ತೆರೆಯುವುದು ಅಂದರೆ ನಿಮಗೆ ಒಂದು ಹೊಸ ಕ್ಷೇತ್ರದ ಅನುಭವವೇ ದೊರಕಿದಂತೆ. ನೀವು ನಿಮ್ಮ ಇಷ್ಟದೇವತೆಗನ್ನು, ಗುರುಗಳನ್ನು ಕಾಣಬಹುದು ಅಥವಾ THE SUPREME PONTIFF OF HINDUISM BHAGAWAN SRI NITHYANANDA PARAMASHIVAM ರವರ ರೂಪವು ಮಾಯವಾಗಿ ಒಂದು ಬೆಳಕಿನ ಕಿರಣವಾಗಿ, ಪ್ರಭೆಯಾಗಿ ಪರಿವರ್ತಿಸಬಹುದು. ಕೆಲವು ವೇಳೆ ಆ ರೂಪ ಅಥವಾ ಚಿತ್ರವಿರುವ ಸ್ಥಳದಲ್ಲಿ ಪೂರ್ಣವಾಗಿ ಏನೂ ಇಲ್ಲದಿರುವಿಕೆಯನ್ನು ನೋಡ ಬಹುದು.

ಈ ಸಂದರ್ಭದಲ್ಲಿ ಭಯಪಡಬೇಡಿ ಅಥವಾ ಸ್ಪಷ್ಟತೆಯನ್ನು ಕಳೆದುಕೊಳ್ಳಬೇಡಿ. ನೀವು ವಶೀಕರಿಸಲ್ಪಡುತಿಲ್ಲ! ಸರಿಯಾಗಿ ಹೇಳಬೇಕೆಂದರೆ, ಈಗ ನೀವು ವಶೀಕರಣದಿಂದ ವಿಮುಕ್ತರಾಗುತಿದ್ದೀರಿ. ಈಗ ನಿಮ್ಮ ದೈವೀಪ್ರಜ್ಞೆಯು ಎಚ್ಚರಗೊಂಡಿದೆ. ನೀವು ಕೇವಲ ಜ್ಯೋತಿಯನ್ನೋ, ಶೂನ್ಯತ್ವವನ್ನೋ ವೀಕ್ಷಿಸಿದ್ದರೆ, ಅದು, ನೀವು ಧ್ಯಾನವನ್ನು ಅತಿ ಪ್ರಾಮಾಣಿಕವಾಗಿ ಮಾಡಿದ್ದೀರೆಂಬ ಕುರುಹು. ಏಕೆಂದರೆ ಅದೇ ನಮ್ಮ ಸ್ವಾಭಾವಿಕ ಸತ್ಯ. ನಾವೆಲ್ಲರೂ ಚೈತನ್ಯವಲ್ಲದೆ ಮತ್ತೇನೂ ಅಲ್ಲ. ನಮ್ಮದೆಂದು ತಿಳಿದುಕೊಂಡಿರುವ ಅನುಭವಿಸುತ್ತಿರುವ ಈ ಭೌತಿಕ ದೇಹ ಮತ್ತು ನಮ್ಮ ಸುತ್ತಲೂ ಇರುವ ಭೌತಿಕ ಅಸ್ತಿತ್ವವೆಲ್ಲವೂ ಕೇವಲ ಮಾಯೆಯೇ ಆಗಿದೆ.

ಅದಕ್ಕಾಗಿಯೇ ಈ ಈ ಆಜ್ಞಾಚಕ್ರವು ''ಮಾಯಾಹರಣ'' ಎನಿಸಿಕೊಂಡಿದೆ (ಮಾಯಾ ಲಯಕಾರಕ).

ದಿನ 7

ಸಹಸ್ರಾರ ಧ್ಯಾನ (ಪ್ರಾರ್ಥನಾ ರೂಪದಲ್ಲಿ ಕೃತಜ್ಞತೆ)

ಗುಣಪಡಿಸುವ ಚಕ್ರ : ಸಹಸ್ರಾರ ಚಕ್ರವಿರುವ ಸ್ಥಳ : ತಲೆಯ ಮೇಲ್ಬಾಗ (ನೆತ್ತಿ) ಚಕ್ರವು ಬಂಧಿಸಲ್ಪಡುವುದು : ಅತೃಪ್ತಿಯಿಂದ ಚಕ್ರದ ಬಂಧನ ಬಿಡುಗಡೆ : ಕೃತಜ್ಞತೆ ಮತ್ತು ಆನಂದ ಧ್ಯಾನ ತಂತ್ರ ಬಂದಿರುವುದು : ಸೂಫಿಇಸಮ್ ಕಾಲಾವಧಿ : 30 ನಿಮಿಷಗಳು

ಸಹಸ್ರಾರ ಚಕ್ರಧ್ಯಾನವು ಅತ್ಯಂತ ಸುಲಭಸಾಧ್ಯವಾದ ಧ್ಯಾನತಂತ್ರ.

ಜೀವನದಲ್ಲಿ ನಾವು ಪಡೆದಿರುವ ಸರ್ವಸ್ವಕ್ಕೂ ಮತ್ತು ಪ್ರಕೃತಿಯ ಸಕಲ ಸೌಲಭ್ಯಗಳು ಇರುವುದು ನಮಗಾಗಿಯೇ ಎಂಬ ಧೋರಣೆಯಿಂದ ಇಲ್ಲಿನವರೆಗೂ ಏನೇನನ್ನು ಪಡೆದಿದ್ದೇವೆಯೋ, ಇವೆಲ್ಲಾ ಕಾರಣಕ್ಕಾಗಿ ನಾವು ಈ ಅಸ್ತಿತ್ವಕ್ಕೆ ಕೃತಜ್ಞತೆಯನ್ನು ಅರ್ಪಿಸುವ, ಪರಿಶ್ರಮವೇ ಇಲ್ಲದ ಸುಲಭ ಪ್ರಕ್ರಿಯೆಯನ್ನು ಒಳಗೊಂಡಿರುವ ಈ ತಂತ್ರವೇ ಸಹಸ್ರಾರ ಧ್ಯಾನ ತಂತ್ರ. ಈ ತಂತ್ರವು ಕೃತ್ರಿಮವಾಗಿ, ಸರಳವಾಗಿ ಕಂಡರೂ ಸಹ ಇದು ನಮ್ಮ ಎಚ್ಚರದ ಹಾಗೂ ಆಂತರಿಕ ಸುಪ್ತ ಪ್ರಜ್ಞೆಯ ಮೇಲೆ ಅಗಾಧವಾದ ಪರಿಣಾಮವನ್ನುಂಟು ಮಾಡುತದೆ.