ಧ್ಯಾನ ಮತ್ತು ಸೂಚನೆಗಳು🔗

ಈ ಧ್ಯಾನವು ನೀವು ಒತ್ತಡದಲ್ಲಿದ್ದಾಗ ಆಶ್ಚರ್ಯಕರವಾಗಿ ಕೆಲಸ ಮಾಡುತ್ತದೆ. ಆಳವಾಗಿ ಉಸಿರು ಬಿಡುವುದರಿಂದ ಪ್ರಾರಂಭಿಸಿರಿ.

ಯಾವಾಗಲೂ ಉಸಿರು ಬಿಡುವುದರಿಂದ ಪ್ರಾರಂಭಿಸಿರಿ. ನಿಶ್ಚಾಸದ ಮೇಲೆಯೇ ಕೇಂದ್ರೀಕರಿಸಿರಿ, ಆಳವಾಗಿ ಹಾಗೂ ಶಕ್ತಿಪೂರ್ವಕವಾಗಿ ನೀವು ಪೂರ್ಣವಾಗಿ ಉಸಿರು ಬಿಟ್ಟಾಗ, ಹೊಟ್ಟೆಯನ್ನು ಒಳಕ್ಕೆ ಸೆಳೆದುಕೊಂಡು, ಉಸಿರನ್ನು ಒಳಕ್ಕೆ ತೆಗೆದುಕೊಳ್ಳುವ ಮುಂಚಿತವಾಗಿ 3 ಸೆಕೆಂಡ್ ಗಳು ಹಾಗೆಯೇ ಕಾಯ್ದಿರಿ. ನಂತರ ಎಷ್ಟು ಸಾಧ್ಯವೋ ಅಷ್ಟು ಉಸಿರನ್ನು ಒಳಕ್ಕೆ ತೆಗೆದುಕೊಳ್ಳಿರಿ. 3 ಸೆಕೆಂಡ್‌ಗಳು ಹಾಗೇ ಕಾಯ್ದಿರಿ. ನಂತರ ಉಸಿರನ್ನು ಹೊರಗೆ ಬಿಡಿ. ಮತ್ತೆ ಉಸಿರಾಡಿ, ಹೊರಗೆ ಬಿಡಿ. ಲಯಬದ್ದವಾಗಿ ಉಸಿರಾಡುವ ಒಂದು ಕ್ರಮವನ್ನು ರಚಿಸಿಕೊಳ್ಳಿರಿ. ನಿಧಾನವಾಗಿ ಮಾಡಿರಿ, ಉಸಿರು ನಿಮ್ಮ ದೇಹದೊಳಕ್ಕೆ ಪೂರ್ಣವಾಗಿ ಹೋಗಿ ಹಾಗೆಯೇ ಪೂರ್ಣವಾಗಿ ಹೊರಬರಲಿ.

ನೀವು ಪೂರ್ಣವಾಗಿ ಉಸಿರನ್ನು ಹೊರಗೆ ಬಿಟ್ಟಾಗ, ನೀವು ನಿಮ್ಮ ದೇಹದೊಳಗಿನ ಟಾಕ್ಸಿನ್‌ಗಳನ್ನೂ ಹೊರಹಾಕುವಿರಿ. ನೀವು ನಿಮ್ಮ ಒತ್ತಡವನ್ನೂ ಹೊರಗೆ ಹಾಕುವಿರಿ. 10-12 ಆವರ್ತ ಉಸಿರಾಡಿದ ನಂತರ, ನಿಮ್ಮ ಒತ್ತಡವೆಲ್ಲಾ ಹೋಗಿರುವುದನ್ನೂ, ಬಿರುಸುತನವು ಬಿಡುಗಡೆಯಾಗಿರುವುದನ್ನೂ ನೀವು ತಿಳಿಯುತೀರಿ.

ಪಾಮಿಂಗ್

ಧ್ಯಾನದ ವಿಚಾರ

ಈ ತಂತ್ರವು, ನಿಮ್ಮ ಎರಡು ಹುಬ್ಬುಗಳ ಮಧ್ಯದಲ್ಲಿರುವ ಆಜ್ಞಾ ಚಕ್ರವನ್ನು ಶಕ್ತಿಯುತವನ್ನಾಗಿ ಮಾಡುವುದು. ಈ ಚಕ್ರದ ಹೆಸರು 'ಆಜ್ಞಾ'. ಅಕ್ಷರಶಃ ಆಜ್ಞೆ ಮಾಡು (ಆಜ್ಞಾಪಿಸು) (ಅಪ್ಪಣೆ ಮಾಡು) ಎಂದೇ ಅರ್ಥ.

ಇದೇ ಮಾಸ್ಟರ್ ಚಕ್ರ (ಪ್ರಧಾನ ಚಕ್ರ) ಈ ಚಕ್ರವು ಇಚ್ಛಾಶಕ್ತಿಯ ನಿಲುವಿನ ಸ್ಥಾನ (ಆಸನ). ಇದು ಚೇತನಗೊಂಡಾಗ (ಕ್ರಿಯಾಶೀಲತೆಯನ್ನು ಹೊಂದಿದಾಗ) ತಿಳುವಳಿಕೆಯಲ್ಲಿ ಸ್ಪಷ್ಟತೆಯನ್ನು ಅನುಭವಿಸುತ್ತೀರಿ. ನಿಮ್ಮ ವಿವೇಚನಾಶಕ್ತಿ ಮತ್ತು ನಿರ್ಣಾಯಾತ್ಮಕ ಸಾಮರ್ಥ್ಯ ಇವುಗಳು ವರ್ಧಿಸುತ್ತವೆ.

ಇವೆಲ್ಲಕ್ಕಿಂತ ಹೆಚ್ಚಾಗಿ ಇದು ಮೂರನೇ ಕಣ್ಣು ಎಂದೇ ಪರಿಗಣಿಸಿದ್ದಾರೆ. ಇದರಿಂದಲೇ ನೀವು ಒಳನೋಟ ಹರಿಸಬಲ್ಲಿರಿ. ಮೊದಲ ಬಾರಿಗೆ ನೀವು ಇದರಿಂದ ಒಳನೋಡಲು ಪ್ರಾರಂಭಿಸುತ್ತೀರಿ.

ಸೂಚನೆಗಳು

ಕಣ್ಣುಗಳನ್ನು ಮುಚ್ಚಿಕೊಳ್ಳಿರಿ. ನಿಮ್ಮ ಎರಡೂ ಹಸ್ತಗಳನ್ನು ಕಣ್ಣುಗಳ ಹತ್ತಿರ ತಂದು, ಕಣ್ಣುಗುಡ್ಡೆಗಳ ಮೇಲೆ ಹಗುರವಾಗಿ ಇಟ್ಟುಕೊಳ್ಳಿರಿ. ನಿಮ್ಮ ಸ್ಪರ್ಶವು ಹಕ್ಕಿಯ ಪುಕ್ಕದೋಪಾದಿಯಲ್ಲಿ ಮೃದುವಾಗಿರಲಿ. ಯಾವ ತರಹದ ಒತ್ತಡವನ್ನೂ ಹಾಕಬೇಡಿರಿ. ಮೊದಮೊದಲು, ನಿಮಗೆ ತಿಳಿಯದೆ ಕಣ್ಣುಗಳನ್ನು ಒತ್ತಿ ಹಿಡಿಯಬಹುದು. ನಿಧಾನವಾಗಿ, ಆದಷ್ಟೂ ಹಗುರವಾಗಿ ಕಣ್ಣುಗುಡ್ಡೆಗಳನ್ನು ಮುಚ್ಚಿರಿ.

ಕಣ್ಣುಗಳ ಮೂಲಕ ಚೈತನ್ಯವು ಹೊರಗಡೆಗೆ ಹರಿಯುತಿದೆ. ಇದೊಂದು ಬಹಳ ಸೂಕ್ಷ್ಮವಾದ ಚೈತನ್ಯ. ಆ ಚೈತನ್ಯವು ಕಣ್ಣುಗಳಿಂದ ನಿಮ್ಮ ಒಳಕ್ಕೇ ಹರಿಯಲೆಂದು ನೀವು ನಿಮ್ಮ ಕಣ್ಣುಗುಡ್ಡೆಗಳನ್ನು ಕೈಗಳಿಂದ ಮುಚ್ಚಿಕೊಳ್ಳುತ್ತೀರಿ. ನೀವು ಕಣ್ಣುಗುಡ್ಡೆಗಳನ್ನು ಅದುಮಿದಾಗ (ಒತ್ತಿದಾಗ) ಕಣ್ಣುಗಳು ಅದನ್ನು ವಿರೋಧಿಸಲು ಯತ್ನಿಸುತ್ತದೆ. ಮುಟ್ಟಿದರೂ ಮುಟ್ಟದಂತೆ ( ಹಗುರವಾಗಿ) ಮುಚ್ಚಬೇಕು. ನೀವು ಹಗುರವಾಗಿ ಮುಟ್ಟಿದಾಗ, ನಿಮ್ಮ ಆಲೋಚನೆಗಳೂ ಸಹ ನಿಂತು ಬಿಡುತ್ತವೆ. ನಿಮ್ಮ ಕಣ್ಣುಗಳ ಆಲೋಚನೆಗಳೂ ಸಹ ಓಡುತ್ತಿರುತವೆ. ನಿಮ್ಮ ಕಣ್ಣುಗಳು ಸ್ಥಗಿತಗೊಂಡಾಗ ಆಲೋಚನೆಗಳೂ ಸಹ ಘನೀಭೂತವಾಗುತ್ತದೆ. ಇದನ್ನು ಗಮನಿಸಿದ್ದೀರಾ?

ಹಗುರ ಸ್ಪರ್ಶದಿಂದ, ಚೈತನ್ಯವು ಒಳಮುಖವಾಗಿ ನಿಮ್ಮ ಒಳಕ್ಕೇ ಹರಿಯಲು ಪ್ರಾರಂಭವಾಗುವುದನ್ನು ಅರಿಯುತ್ತೀರಿ. ಚೈತನ್ಯವು ಹಿಂದಕ್ಕೇ ಹೋದಾಗ, ನೀವು ಕೂಡಲೇ ನಿಮ್ಮಲ್ಲಿ ಉಲ್ಲಾಸವನ್ನೂ, ಹಗುರತೆಯನ್ನೂ ಕಾಣುವಿರಿ. ಅದು ನಿಮ್ಮ ಮುಖ ಮತ್ತು ತಲೆ ಹೀಗೆ ಎಲ್ಲಾ ಕಡೆಗೆ ಪಸರಿಸುವುದನ್ನೂ ತಿಳಿಯುವಿರಿ. ಆ ಚೈತನ್ಯವು ನಿಮ್ಮ ಆಜ್ಞಾಚಕ್ರವನ್ನು ಬಡಿಯುತ್ತದೆ. ಕೆಲವೇ ಘಳಿಗೆಯಲ್ಲಿ ನೀವು ಸ್ಪಷ್ಟ ಮತ್ತು ಪುನಃಶ್ಚೇತನ ಪಡೆದವರಾಗುತ್ತೀರಿ.

ಇದೇ ಧ್ಯಾನವನ್ನು ಅರ್ಧ ಗಂಟೆಯವರೆಗೆ ಮುಂದುವರಿಸಿದಾಗ, ಆ ಚೈತನ್ಯವು ಕೆಳಗಡೆ ನಿಮ್ಮ ಹೃದಯಕ್ಕೆ ಹರಿಯುತ್ತದೆ. ನಿಮ್ಮ ಹೃದಯದ ಬಡಿತವು ನಿಧಾನ ವಾಗುವುದು. ನಿಮ್ಮ ಪೂರ್ಣ ಶರೀರವೇ ವಿಶ್ರಾಂತಿಯನ್ನು ಅನುಭವಿಸುವುದು. ಇದೊಂದು ತಕ್ಷಣವೇ ವಿಶ್ರಾಂತಿ ಪಡೆಯಲು ಅತ್ಯುತ್ತಮವಾದ ತಂತ್ರ. ನೀವು ಧ್ಯಾನಕ್ಕೆ ಪ್ರವೇಶಿಸಲೂ ಸಹ ಬೇಕಿಲ್ಲ. ಸುಮ್ಮನೆ ನಿಮ್ಮ ಹಸ್ತಗಳನ್ನು ಹಗುರವಾಗಿ ಕಣ್ಣುಗುಡ್ಡೆಗಳ ದೊರಕಿಸಿಕೊಡಬಹುದು. ನಿಮ್ಮ ಕಣ್ಣುಗಳು ಆಯಾಸಗೊಂಡಂತಿದ್ದರೆ, ನೀವು

ಧ್ಯಾನದ ತಂತ್ರಗಳು

ಕಂಪ್ಯೂಟರ್, ಟಿ.ವಿ.ಗಳ ಮುಂದೆ ಗಂಟೆಗಳ ಕಾಲ ಕಳೆದಿದ್ದರೆ, ಈ ತಂತ್ರವನ್ನು ಮಾಡಿ ನೋಡಿ.

ನೀವು ಈ ಧ್ಯಾನವನ್ನು ತಿಂಗಳುಗಟ್ಟಲೆ ಅಭ್ಯಾಸ ಮಾಡಿದರೆ ನಿಮ್ಮ ಆಜ್ಞಾ ಮತ್ತು ಹೃದಯದ ಮೊದಮೊದಲು ಒಂದು ಹನಿಯಷ್ಟು ಚೈತನ್ಯವು ಬಂದಂತಾದರೂ, ಒಂದು ವರ್ಷದಲ್ಲಿ ಆ ಚೈತನ್ಯದ ಪ್ರವಾಹವೇ ನಿಮ್ಮಲ್ಲೇ ಯಾವಾಗಲೂ ಹರಿಯುವದನ್ನು ಕಾಣುವಿರಿ (ಅನುಭವಿಸುವಿರಿ).

ಆಜ್ಞಾ ಚಕ್ರವು ಎಚ್ಚರಗೊಂಡಾಗ, ನೀವು ನಿಮ್ಮ ಉದ್ದಿಶ್ಯಗಳ ಸ್ಪಷ್ಟತೆಯನ್ನು ಅನುಭವಿಸುತ್ತೀರಿ. ನೀವು ನಿಮ್ಮ ಸ್ವಂತ ಅಸ್ತಿತ್ವವನ್ನು (ಸತ್ಯಸ್ಥಿತಿಯನ್ನು) ಕಾಣಲು ತೊಡಗಿರುತ್ತೀರಿ ಕಾರ್ಯೋನ್ಮುಖವಾಗುವುದರಿಂದ, ನಿಮ್ಮಿಂದ ಹರಿಯುವುದನ್ನು ಅನುಭವಿಸುತ್ತೀರಿ. ನೀವು ಅಸ್ತಿತ್ವದೊಡನೆ ಸೇರಿಹೋದ (ಸಂಬಂಧ ಪಡೆದ) ಅನುಭವವು ಉಂಟಾಗುತ್ತದೆ.

ಅಂಗಾಂಗಗಳ ವಿಶ್ರಾಂತಿ

(ಸೂಚನೆಗಳು)

ಇದು ಬಹಳ ಬೇಗ, ವೇಗವಾಗಿ ಮಾಡುವ ಮತ್ತು ಬಹಳ ಪ್ರಸಿದ್ಧಿ ಪಡೆದಿರುವ ಶೀಘ್ರ, ವಿಶ್ರಾಂತಿ ಪಡೆಯಲು ಮಾಡುವ ತಂತ್ರಗಳಲ್ಲೆಲ್ಲಾ ಪ್ರಮುಖವಾದ ತಂತ್ರ. ನಿಮಗೆ, ನಿಮ್ಮದೇ ಆದ ಸ್ವಂತ ಸ್ಥಳ ಧ್ಯಾನಕ್ಕಾಗಿ ಇರುವುದಾದರೆ, ಮಲಗಿಕೊಂಡು ಈ ತಂತ್ರವನ್ನು ಅಭ್ಯಾಸ ಮಾಡಿರಿ.

ಕಣುಗಳನ್ನು ಮುಚ್ಚಿರಿ.

ನಿಮ್ಮ ಹೊಟ್ಟೆಯಿಂದ (ನಾಭಿಯಿಂದ) ಆಳವಾದ ಉಸಿರನ್ನು ತೆಗೆದುಕೊಳ್ಳಿರಿ. ಅದನ್ನು ಒಳಗಡೆಯೇ ಹಿಡಿದಿಟ್ಟುಕೊಂಡಿರಬೇಕಾಗುತ್ತದೆ, ಆದ್ದರಿಂದ ಎಷ್ಟು ಸಾಧ್ಯವೋ ಅಷ್ಟು ಆಳವಾಗಿ ಉಸಿರನ್ನು ಒಳಗೆ ತೆಗೆದುಕೊಳ್ಳಿರಿ. ಉಸಿರನ್ನು — ಒಳಗಡೆಯೇ ಹಿಡಿದಿಟ್ಟು ನಿಮ್ಮ ಕೈಕಾಲು (ಅಂಗಾಂಗ) ಗಳನ್ನು ಒಂದೊಂದಾಗಿ ಒತ್ತಿ ಭದ್ರವಾಗಿ ಗಟ್ಟಿಮಾಡಿಕೊಳ್ಳಿರಿ.

ಕಾಲ್ಬೆರಳುಗಳಿಂದ ಪ್ರಾರಂಭಿಸಿರಿ. ಕಾಲುಬೆರಳುಗಳನ್ನು ಸಾಧ್ಯವಾದಷ್ಟೂ ಗಟ್ಟಿಯಾಗಿ (ಮಾಂಸಖಂಡಗಳನ್ನು ಬಿಗಿ ಮಾಡಿಕೊಳ್ಳಿರಿ) ಅದಕ್ಕೆ ವಿಶ್ರಾಂತಿ ಯನ್ನು ಕೊಡಬೇಡಿ. ಹಾಗೆಯೇ ಹೆಜ್ಜೆಯವರೆಗೂ ಬನ್ನಿ, ಹೆಜ್ಜೆಯ ಕೀಲುಭಾಗಕ್ಕೆ ಬನ್ನಿ, ಹಾಗೆಯೇ ಮೇಲಕ್ಕೆ ಮೀನಖಂಡಗಳು, ಮಂಡಿ, ಪೃಷ್ಣಭಾಗ, ಹೀಗೇ ಬೇಗಬೇಗ ಮೇಲಕ್ಕೆ ಬನ್ನಿ. ಏಕೆಂದರೆ ನೀವು ಉಸಿರನ್ನು ಕಡೆಯ ಪಕ್ಷ ಒಂದು ನಿಮಿಷಕ್ಕಿಂತ ಹೆಚ್ಚು ಹೊತ್ತು ಹಿಡಿದಿಟ್ಟುಕೊಳ್ಳಲು ಸಾಧ್ಯವಾಗುವುದಿಲ್ಲ.

ಹಾಗೆಯೇ ಸೊಂಟಕ್ಕೆ ಬನ್ನಿ, ಹೊಟ್ಟಿಗೆ ಬನ್ನಿ. ನಿಮ್ಮ ಹೊಟ್ಟೆಯ ಮಾಂಸಖಂಡಗಳನ್ನು ಬಿಗಿಮಾಡಿ, ಸಾಧ್ಯವಾದಷ್ಟೂ ಗಟ್ಟಿಯಾಗಿ ಮಾಡಿ. ತನಗೆ ತಾನೇ ನಿಮ್ಮ ತೊಡೆಯ ಸಂದಿನ ಮಾಂಸಖಂಡಗಳೂ ಸಹ ಬಿಗಿಯಾಗುತ್ತವೆ.

ಹಾಗೆಯೇ ಪ್ರತಿಯೊಂದು ಭಾಗಕ್ಕೂ ಬನ್ನಿ. ನಿಮ್ಮ ತೋಳುಗಳನ್ನು ಬಿಗಿಮಾಡಿ, ಬೆರಳು ಗಳಿಂದ ಹಿಡಿದು ಮೇಲಿನವರೆಗೂ, ಮೊಣಕೈ ಮೇಲ್ಬಾಗದವರೆಗೂ ಬನ್ನಿ, ನಿಮ್ಮ ತೋಳುಗಳ ಮೂಳೆಗಳು, ಕುತ್ತಿಗೆ, ಗಂಟಲು ಇವುಗಳನ್ನೂ ಬಿಗಿ ಮಾಡಿರಿ, ವಿಶೇಷವಾಗಿ ಕುತ್ತಿಗೆಯ ಮಾಂಸಖಂಡಗಳನ್ನು ಬಿಗಿ ಹಿಡಿಯಲು ಯತ್ನಿಸಿರಿ.

ಮುಖಕ್ಕೂ ಬನ್ನಿ.

ನಿಮ್ಮ ಮುಖದಲ್ಲಿ ನೀವು ತಿಳಿದಿರುವುದಕ್ಕಿಂತ (ಹೆಚ್ಚು) ಮಾಂಸಖಂಡಗಳಿವೆ.

ನಿಮ್ಮ ಬಾಯೊಳಗಿನ ಮಾಂಸಖಂಡ, ಮೂಗಿನ ಹೊಳ್ಳೆಗಳು, ಕಣ್ಣುಗಳು, ಹುಬ್ಬುಗಳು, ಹಣೆ ಮತ್ತು ಕೆನ್ನೆಗಳು. ನಿಮ್ಮ ಕಣ್ಣುಗುಡ್ಡೆಗಳನ್ನು ಹಿಂಡಿದಂತೆ ಮಾಡಿ ರೆಪ್ಪೆಗಳನ್ನು ಮುಚ್ಚಿರಿ. ಹಲ್ಲುಗಳನ್ನು ಕಚ್ಚಿ ಬಿಗಿಹಿಡಿಯಿರಿ. ನಿಮ್ಮ ಮುಖವನ್ನು ಒಂದು ಬಿಗಿಯಾದ ಚೆಂಡಿನ ಒಳಕ್ಕೆ ತುರುಕುವಂತೆ ಬಿಗಿ ಮಾಡಿಕೊಳ್ಳಿ. ಈ ಸಮಯದಲ್ಲಿ ನಿಮ್ಮ ಯಾವುದೇ ಭಾಗವನ್ನು ವಿಶ್ರಾಂತಿಗೆ ಒಳಪಡಿಸಬೇಡಿ.

ಇದೇ ಬಿಗುವಿನ ಸ್ಥಿತಿಯಲ್ಲಿ ಸಾಧ್ಯವಾದಷ್ಟು ಕಾಲ ಹಾಗೆಯೇ ಇರಿ. ಯಾವಾಗ ಇನ್ನು ಮುಂದೆ ಉಸಿರನ್ನು ಹಿಡಿದಿಟ್ಟುಕೊಳ್ಳಲು ಸಾಧ್ಯವಾಗುವುದಿಲ್ಲ ಎನಿಸಿದಾಗ, ಉಸಿರನ್ನು ಒಮ್ಮೆಲೇ ರಭಸದಿಂದ ಹೊರಕ್ಕೆ ಬಿಡಿ, ಅದರ ಜೊತೆಯಲ್ಲಿಯೇ ನಿಮ್ಮ ವಿಶ್ರಾಂತಿಯನ್ನು ಹೊಂದಲು ಬಿಡಿ. ಈ ಸ್ಥಿತಿಯಲ್ಲಿ ಅಂದರೆ ದೈಹಿಕ ಹಾಗೂ ಮಾನಸಿಕ ವಿಶ್ರಾಂತಿಯಲ್ಲಿ ಒಂದು ನಿಮಿಷದವರೆಗೂ ಹಾಗೆಯೇ ಇರಿ.

ಈ ತಂತ್ರವು ದೇಹ ಹಾಗೂ ಮನಸ್ಸು ಎರಡಕ್ಕೂ ವಿಶ್ರಾಂತಿಯನ್ನು ದೊರಕಿಸಿ ಕೊಟ್ಟು ಮತ್ತು ಈ ಎರಡೇ ನಿಮಿಷಗಳಲ್ಲಿ ನಿಮ್ಮನ್ನು ಉತ್ಸಾಹಿತರನ್ನಾಗಿಸುವುದು. ನಿಮಗೆ ಸಾಕಷ್ಟು ಸಮಯಾವಕಾಶವಿದ್ದಲ್ಲಿ, ಈ ಪ್ರಕ್ರಿಯೆಯನ್ನು ಮೂರಾವರ್ತಿ ಪುನಃ ಮಾಡಿರಿ.

ಚಕ್ರಗಳು ಎಂದರೆ ಏನು?

ಏಳು ದಿವಸದ ಚಕ್ರ ಪ್ರಕ್ರಿಯೆ

ಆನಂದ ಸ್ಪುರಣ ಧ್ಯಾನಗಳು

ಚಕ್ರಗಳು ಎಂದರೆ ನಮ್ಮ ಶರೀರದ ಸೂಕ್ಷ್ಮ ಚೈತನ್ಯದ ಚಕ್ರನಾಭಿಯಂತಿರುವ ಕೇಂದ್ರಗಳು. ಏಳು ಪ್ರಮುಖ ಚಕ್ರಗಳು ಯಾವುವೆಂದರೆ: ಮೂಲಾಧಾರ, ಸ್ವಾಧಿಷ್ಠಾನ, ಮಣಿಪೂರಕ, ಅನಾಹತ, ವಿಶುದ್ಧಿ, ಆಜ್ಞಾ ಮತ್ತು ಸಹಸ್ರಾರ. ಅವುಗಳಿಗೆ ಭೌತಿಕವಾದ ನಿರ್ದಿಷ್ಟ ಸ್ಥಾನಗಳಿಲ್ಲದಿದ್ದರೂ ನಮ್ಮ ಶರೀರದುದ್ದಕ್ಕೂ ಈ ಚೈತನ್ಯ ಕೇಂದ್ರಗಳು ಇವೆ. ಹೆಚ್ಚುಕಡಿಮೆ ನಮ್ಮ ಶರೀರದಲ್ಲಿರುವ ಜೀವಕಣಗಳ ಗ್ರಂಥಿಗಳಿಗೆ (glands) ಅನುಗುಣವಾಗಿ ಮತ್ತು ಆ ಗ್ರಂಥಿಗಳ ಎಲ್ಲಾ ಚಟುವಟಿಕೆಗಳಿಗೆ ಪ್ರೋತ್ಸಾಹಿಸಿ ಪ್ರಭಾವ ಬೀರುವ ಕೆಲಸವನ್ನು ಈ ಚಕ್ರಗಳು ನಿರ್ವಹಿಸುತ್ತಿವೆ. ಈ ಚಕ್ರಗಳು ನಮ್ಮ ಭೌತಿಕ ಹಾಗೂ ಮಾನಸಿಕ ಆರೋಗ್ಯದ ಮೇಲೆ ಆಳವಾಗಿ ಪ್ರಭಾವ ಬೀರುತ್ತವೆ ಹಾಗೂ ಆ ಚಕ್ರಗಳು ನಮ್ಮ ಆಲೋಚನೆಗಳು ಮತ್ತು ಭಾವನೆಗಳಿಂದ ತೊಂದರೆಗೊಳಗಾಗುತ್ತವೆ.

ಈ ಚಕ್ರಗಳು ಅಪಾರವಾದ ವಿಶ್ವಶಕ್ತಿಯ ನೇರವಾದ ಕಾಲುವೆಗಳಿದ್ದಂತೆ ನಮ್ಮ ಶರೀರದಲ್ಲಿವೆ. ಆದರೆ ನಮ್ಮ ಅತಿರೇಕದ ಜೀವನಶೈಲಿಗಳೂ, ಒತ್ತಡ ಮತ್ತು ನಕಾರಾತ್ಮಕ ಭಾವನೆಗಳು ಈ ಚಕ್ರಗಳನ್ನು ಬಂಧಿಸಿಬಿಡುತ್ತವೆ ಅಥವಾ ಆ ಚಕ್ರಗಳು ಸಮರ್ಪಕವಾಗಿ ಕೆಲಸ ಮಾಡುವುದಕ್ಕೆ ಕಾರಣವಾಗಿ ಬಿಡುತ್ತದೆ.

ನಮಗೆ ಇದರ ವಿಚಾರವಾಗಿ ತಿಳುವಳಕೆ ಇಲ್ಲದಿರುವುದರಿಂದ, ನಾವು ಚೈತನ್ಯಕ್ಕೆ ಪ್ರಮುಖ ಉಗಮಸ್ಥಾನವಾದ ಈ ಚಕ್ರಗಳನ್ನು ಬಂಧಿಸುತ್ತಿದ್ದೇವೆ (ಚಕ್ರಗಳಿಗೆ ಪ್ರತಿಬಂಧಕಗಳನ್ನು ಅಥವಾ ಅಡ್ಡಿಗಳನ್ನು ಉಂಟುಮಾಡುತಿದ್ದೇವೆ). ಚೈತನ್ಯವೇ ಆರೋಗ್ಯ. ಅದಕ್ಕಾಗಿಯೇ ಹೆಚ್ಚುಕಡಿಮೆ ಎಲ್ಲಾ ದೈಹಿಕ ಹಾಗೂ ಮಾನಸಿಕ ಕುಂದುಕೊರತೆಗಳನ್ನೂ, ಖಾಯಿಲೆಗಳನ್ನೂ ಅಂಶತಃ ಅಥವಾ ಪೂರ್ಣವಾಗಿ ಸಂಬಂಧಪಟ್ಟ ಈ ಚಕ್ರಗಳನ್ನು ಕೇವಲ ಶುದ್ಧಿಗೊಳಿಸಿ, ಶಕ್ತಿಯುತವನ್ನಾಗಿ ಮಾಡುವುದರಿಂದ ಗುಣಪಡಿಸಬಹುದು.

ಏಳು ದಿವಸದ ಚಕ್ರ ಪ್ರಕ್ರಿಯೆ