ಅಂತರ ಧ್ಯಾನ
ಆತ್ಸುರಣ
ತಂತ್ರದ ವಿಷಯವಾಗಿ:
ತಲತಲಾಂತರದಿಂದ ಹೇಳಿದೆ ಕಣ್ಣು ಮುಚ್ಚಿಕೊಂಡು, ನಿಮ್ಮ ನಿಜವಾದ ಸ್ವರೂಪವನ್ನು ಒಳಗೇ ಕಂಡುಕೊಳ್ಳಿ. ಪುರಾತನ ಕಾಲದ ಧ್ಯಾನ ತಂತ್ರಗಳ ನಿಧಿಯ ಸಂಗ್ರಹವಾಗಿದ್ದ ವಿಜ್ಞಾನ ಭೈರವ ತಂತ್ರದಲ್ಲಿ ತಿಳಿಸಿರುವುದು ಇದನ್ನೇ. ಇದನ್ನೇ ಶಿವನು ದೇವಿಗೆ ಉಪದೇಶಿಸಿದ್ದು.
ಕಣ್ಣುಗಳು ಎರಡು ಕೆಲಸಗಳನ್ನು ಮಾಡುತವೆ. ಅವು ತೆರೆಯಲ್ಪಟ್ಟಾಗ ಪ್ರಪಂಚಕ್ಕೆ ಸಂಬಂಧಿಸಿದ ಎಲ್ಲಾ ಸಮಾಚಾರಗಳನ್ನೂ ನಿಮಗೆ ಒದಗಿಸುವ ದೂತ. ನೀವು ಅವನ್ನು ಮುಚ್ಚಿಕೊಂಡಾಗ, ಅವು ನಿಮ್ಮ ಒಳ ಪ್ರಪಂಚದ ದರ್ಶನವನ್ನು ಮಾಡಿಸುತ್ತವೆ. ಆದರೆ ಕಣ್ಣುಗಳನ್ನು ಮುಚ್ಚುವುದು ಎಂದ ಮಾತ್ರಕ್ಕೆ ಸುಮ್ಮನೆ ಕಣ್ಣು ರೆಪ್ಪೆಗಳನ್ನು ಮುಚ್ಚುವುದಲ್ಲ. ನಿಮ್ಮ ಕಣ್ಣುಗಳನ್ನು ಮುಚ್ಚಿರಿ ಎಂದರೆ, ನಾವು ಸಾಮಾನ್ಯವಾಗಿ ರೆಪ್ಪೆಗಳನ್ನು ಮಾತ್ರ ಮುಚ್ಚುವವರು. ಮುಚ್ಚಿದ ಕಣ್ಣು ರೆಪ್ಪೆಗಳ ಹಿಂದೆ, ನಾವು ಹೊರ ಪ್ರಪಂಚದ ಚಿತ್ರಗಳನ್ನು ನೋಡುತ್ತಲೇ ಇರುತ್ತೇವೆ, ಅಂದರೆ ಒಳಗಿನ ಟಿ.ವಿ. ಸ್ವಿಚ್ಚನ್ನು ಹಾಕಿಯೇ ಇರುತ್ತೇವೆ! ನಮ್ಮ ಕಣ್ಣುಗಳನ್ನು ನಿಜವಾಗಿಯೂ ಮುಚ್ಚಿರುವುದೇ ಇಲ್ಲ. ಕಣ್ಣುಗಳು ಚಲಿಸದಂತೆ ಮಾಡಲು ಬಹಳ ಪರಿಣಾಮಕಾರಿಯಾದ ಒಂದು ದಾರಿ ಇದೆ. ನಿಮ್ಮ ಕಣ್ಣು ಗುಡ್ಡೆಗಳು ಕಲ್ಲುಗಳಾಗಿ ಬದಲಾಗಿವೆ ಎಂದು ಭಾವಿಸಿಕೊಳ್ಳಿರಿ ಅಷ್ಟೆ! ನಿಮ್ಮ ಕಣ್ಣು ಗುಡ್ಡೆಗಳ ಜಾಗದಲ್ಲಿ ಈಗ ನೀವು ನುಣುಪಾದ ದುಂಡಗಿನ ಕಲ್ಲುಗಳ ಗುಪ್ಪೆಗಳನ್ನು ಹೊಂದಿದ್ದೀರಿ! ಅದನ್ನು ಸ್ಪಷ್ಟವಾಗಿ ನಿಜವಾಗಿಯೂ ಕಾಣುತಿರುವಂತೆ ಕಲ್ಪಿಸಿ, ಮನಸ್ಸಿನಲ್ಲಿಯೇ ಅನಭವಿಸಿ ತಿಳಿಯಿರಿ. ನೀವು ಹಾಗೆ ಮಾಡಿದ ಕೂಡಲೇ, ಕೇವಲ ನಿಮ್ಮ ಕಣ್ಣುಗಳ ಚಲನೆ ನಿಲ್ಲುವುದು ಮಾತ್ರವಲ್ಲದೆ, ನಿಮ್ಮ ಆಲೋಚನೆಗಳೂ ಸಹ ನಿಂತೊಡನೆಯೇ, ನಿಮ್ಮ ಆಲೋಚನೆಗಳೂ ನಿಧಾನವಾಗಿ ಮಹತ್ತರವಾಗಿ ಕಡಿಮೆಯಾಗಿಬಿಡುತವೆ.
(ಸೂಚನೆಗಳು)
ಕಣ್ಣುಗಳನ್ನು ಮುಚ್ಚಿ, ನಿಮ್ಮ ಕಣ್ಣು ಗುಡ್ಡೆಗಳು ಕಲ್ಲುಗಳಾಗಿ ಮಾರ್ಪಟ್ಟಿದೆ ಎಂದು ಕಲಿಸಿಕೊಳ್ಳಿರಿ.
ಮತ್ತೇನನ್ನೂ ಮಾಡಬೇಡಿರಿ. ಸುಮ್ಮನೆ ಅದೇ ಸ್ಥಿತಿಯಲ್ಲಿರಲು ಯತ್ನಿಸಿ. ಅದು ಅಷ್ಟು ಸುಲಭವೂ ಆಗುಲ್ಲ. ಕೆಲವು ಕ್ಷಣಗಳ ಕಾಲ ನೀವು ಆ ಸ್ಥಿತಿಯಲ್ಲಿ ನಿಲ್ಲಬೇಕಾದರೂ ನೀವು ವಾರಗಟ್ಟಲೆ ಅಭ್ಯಾಸ ಮಾಡಬೇಕಾಗಬಹುದು. ಆದರೆ ಅದಕ್ಕಾಗಿ ಪ್ರಯತ್ತಿಸುವುದು ಸಾರ್ಥಕವೇ ಸರಿ. ಏಕೆಂದರೆ, ಮೊದಲ ಸಾರಿ ನೀವು ನಿಮ್ಮೊಳಗೇ ಹುಡುಕುತಿದ್ದೀರಿ (ವೀಕ್ಷಿಸುತ್ತಿದ್ದೀರಿ).
ನೀವು ನಿಮ್ಮ ಶರೀರವನ್ನು ಆಂತರ್ಯದಿಂದ ನೋಡಿರಲಿಲ್ಲ. ಈಗ, ನೀವು ನಿಮ್ಮ ಅಂಗಾಂಗಗಳನ್ನು ಒಳಗಿನಿಂದಲೇ ನೋಡಲು ಯತ್ತಿಸಿರಿ. ನೀವು ನಿಮ್ಮ ತೋಳನ್ನು ಚಲಿಸಿದಾಗ, ನೀವು ಅದನ್ನು ಹೊರಗಿನಿಂದ ಮಾತ್ರ ಗಮನಿಸುತ್ತಿದ್ದಿರಿ. ಈಗ ಅದನ್ನು ಒಳಗಿನಿಂದಲೇ ಗಮನಿಸಿರಿ. ನಿಮ್ಮ ಶರೀರದಲ್ಲೆಲ್ಲಾ ಒಳಗಿನಿಂದಲೇ ಸಂಚರಿಸಿರಿ.
ನಿಮ್ಮ ಒಂದು ಬೆರಳಿನ ತುದಿಯಿಂದ ಪ್ರಾರಂಭಿಸಿರಿ. ತೀವ್ರವಾಗಿ ಅದನ್ನು ಅರಿತುಕೊಳ್ಳಿರಿ. ಬೆರಳಿನ ತುದಿಯನ್ನು ಹೊರತು ಮತ್ತೇನನ್ನೂ ಗಮನಿಸದಿರಿ!
ನಂತರ ನಿಧಾನವಾಗಿ, ಮೇಲಕ್ಕೆ ಚಲಿಸಿರಿ, ತೋಳಿನವರೆಗೂ, ಕೈಕಾಲುಗಳಿಗೆ ನಿಮ್ಮ ಗಮನ ಹೋಗಲಿ, ಪ್ರತಿ ಭಾಗಕ್ಕೂ ಪೂರ್ಣವಾಗಿ ಹೋಗಿ. ತೀವ್ರವಾದ ಮನಸಿನ ಸೂಕ್ಷತೆಯಿಂದ ಶರೀರದ ಪ,ತಿ ಭಾಗವನ್ನೂ ಗಮನಿಸಿದ ಅನುಭವವು ನಿಮ್ಮಲ್ಲಿ ಉಂಟಾಗುತ್ತದೆ.
ಒಳಗಿನಿಂದಲೇ ನಿಮ್ಮ ಶರೀರವನ್ನು ಅನುಭವಿಸಿದ ಮೇಲೆ, ನಿಮಗೇ ತಿಳಿಯದಂತೆ ನೀವು ನಿಮ್ಮ ಶರೀರವು ಅಲ್ಲವೆನ್ನುವೆಂಬುದನ್ನು ಮಾಡಿಕೊಳ್ಳುವಿರಿ. ನೀವು ನಿಮ್ಮ ಶರೀರವನ್ನು ಸಾಕ್ಷಿಯಾಗಿ ನೋಡುತ್ತೀರಿ, ಆಗ ನಿಮ್ಮ ಶರೀರವೇ ನೀವಾಗಲು ಹೇಗೆ ಸಾಧ್ಯ? ನೀವು ನಿಮ್ಮ ಶರೀರ ಎನ್ನುವ ಭ್ರಮೆಯಿಂದ ದೂರಾಗುತ್ತೀರಿ. ನಿಮ್ಮನ್ನು ಶರೀರದೊಂದಿಗೆ ಗುರುತಿಸುವುದನ್ನು ಬಿಟ್ಟುಬಿಡುತೀರಿ.
ಈಗ ನೀವು ಆಳವಾಗಿ ಒಳಹೋಗಲು ಅಂತರಾಳಕ್ಕಿಳಿಯಲು ಸ್ವತಂತ್ರರಿದ್ದೀರಿ. ನಿಮ್ಮ ಮನಸ್ಸನ್ನು ಒಳಗಿನಿಂದ ನೋಡಲು ತೊಡಗುತೀರಿ. ಇದು ಸುಲಭವಲ್ಲ. ಪ್ರಾರಂಭದಲ್ಲಿ ನೀವೆಲ್ಲಾ ನೋಡುತಿರುವುದು, ನಿಮ್ಮ ತಲೆಯ ಒಳಗಡೆ ಮಾತ್ರ. ಆದರೆ ಅದು ನಿಮ್ಮ ಮನಸ್ಸಲ್ಲ. ನಿಮ್ಮ ಮನಸ್ಸು ನಿಮ್ಮ ಮೆದುಳಿಗಿಂತ ಬೇರೆ. ಸ್ವಲ್ಪ ಯೋಚಿಸಿ ನೋಡಿ, ಸಾಮಾನ್ಯವಾಗಿ ನಿಮ್ಮ ಮನಸ್ಸು ಏನೆಂದು ನೀವು ಕಲ್ಪಿಸಿಕೊಳ್ಳುತೀರಿ. ನೀವು ಹೊರಗಿನಿಂದ ನೋಡುತಿದ್ದೀರಿ. ಈಗ ಅದನ್ನು ತಲೆ ಕೆಳಗು ಮಾಡಿ ಅಂದರೆ, ಒಳಗಿನಿಂದ ನೋಡಿ. ಮನಸ್ಸನ್ನು ಪ್ರವೇಶಿಸಿ, ಅದನ್ನು ಒಳಗಿನಿಂದ ನೋಡಲು ಯತ್ನಿಸಿರಿ.
ಅಭ್ಯಾಸದಿಂದ ಅದು ಸಾಧ್ಯವಾಗುತ್ತದೆ. ನಿಮ್ಮ ಶರೀರವನ್ನು ನಿಮ್ಮಿಂದ ಬೇರೆ ಎಂದು ನೋಡಿದಂತೆಯೇ, ನಿಮ್ಮ ಮನಸ್ಸನ್ನೂ ನಿಮ್ಮಿಂದ ಬೇರೆ ಎಂದು ನೋಡುತೀರಿ. ನೀವು ಸಾಕ್ಷಿ ಮಾತ್ರರು.
ನೀವು ನಿಮ್ಮ ಶರೀರವು ಅಲ್ಲ, ನಿಮ್ಮ ಮನಸ್ಸೂ ಅಲ್ಲ, ಹಾಗಾದರೆ ನೀವಾರು? ನೀವು ಅವೆರಡನ್ನೂ ಸಾಕ್ಷೀಭಾವದಿಂದ ನೋಡುತಿರುವವರು. ಅದೇ ನಿಮ್ಮ ನಿಜವಾದ ನೀವು. ನಿಮ್ಮ ನಿಜವಾದ ಆತ್ಮವನ್ನು ಸಾಕ್ಷೀಭಾವದಿಂದ ನೋಡಲಾರಿರಿ, ಕಾರಣ ನೀವು ಅದರಿಂದ ಬೇರೆ ಅಲ್ಲ. ಯಾವುದನ್ನು ಸಾಕ್ಷೀಭಾವದಿಂದ ನೀವು ನೋಡಲಾಗುವುದಿಲ್ಲವೋ ಅದೇ ನೀವು.
ಈ ತಂತ್ರಗಳ ವಿಷಯವಾಗಿ ತಾಳ್ಮೆಯಿಂದಿರಿ, ಶೀಘ್ರ ಪ್ರತಿಫಲವನ್ನು ನಿರೀಕ್ಷಿಸಬೇಡಿರಿ. ಪವಾಡಗಳು, (ಅದ್ಭುತ ಚಮತ್ಕಾರಗಳು) ಮೊದಲಿನ ದಿವಸವೇ ಇದ್ದಕ್ಕಿದ್ದಂತೆ ಉಂಟಾಗುವುದಿಲ್ಲ! ಎದೆಗುಂದಬೇಡಿರಿ.
ನಿಮಗೆ ಅನುಭವವಾಗ, ನೀವು ಮಾಡಿದ ಪ್ರಯತ್ನಗಳಿಗೆಲ್ಲಾ ಯೋಗ್ಯ (ಶ್ರೇಷ್ಠ) ಬೆಲೆ ಸಿಕ್ಕಂತೆ ಆಗುತದೆ. (ಸಾರ್ಥಕವಾದಂತಾಗುತದೆ) ಅದು ನಿಮ್ಮ ಒಳಗಡೆಯೇ ಒಂದು ಶಾಶ್ವತವಾದ ಬದಲಾವಣೆಯನ್ನು ಉಂಟು ಮಾಡುತ್ತದೆ. ಸಿದ್ದರಾಗಿರಿ!
ತಂತ್ರದ ವಿಷಯ:
ಪ್ರತಿ ಕ್ಷಣದಲ್ಲೂ ಪ್ರತಿ ಕಾರ್ಯದಲ್ಲಿಯೂ ಸಹ ನಾವು ನಮ್ಮ ಬಗ್ಗೆ ಅರಿವುಳ್ಳವರಾಗಿರಬೇಕೆಂಬುದನ್ನು ಈ ತಂತ್ರವು ತಿಳಿಸುವುದು. ಪಶ್ಚಿಮ ದೇಶದಲ್ಲಿನ ಹೆಸರಾಂತ ಗುರು ಗುರ್ ಜಿಎಫ್ (Gurdjieff) ಎಂಬುವವರು ಪ,ಸಿದ್ದಿಪಡಿಸಿದ ಈ ತಂತ್ರವು ಮೂಲತಃ ವಿಜ್ಞಾನ ಭೈರವ ತಂತ್ರದಿಂದ ತೆಗೆದುಕೊಂಡಂಥದ್ದು.
ಸೂಚನೆಗಳು (Instructions) :
ನೀವೆಲ್ಲಾ ಮಾಡಬೇಕಾದ್ದು ಏನೆಂದರೆ, ನಿಮ್ಮನ್ನು ನೀವು ನೆನಪಿಸಿಕೊಳ್ಳಿರಿ, ಭುಜಿಸುವಾಗ, ಕುಡಿಯುವಾಗ, ನಡೆಯುವಾಗ, ಮಾತನಾಡುವಾಗ (ಸದಾ) ನಾನು ಇದ್ದೇನೆ ಎಂಬುದನ್ನು ನೆನಪಿಸಿಕೊಳ್ಳಿರಿ. ನೀವಿದ್ದೀರಿ ಎಂಬುದನ್ನು ಅರಿತಿರಿ, ಹಾಗೂ ನೀವು ಯಾವಾಗ್ಯೂ ಶಾಶ್ವತವಾಗಿ ನಿಮ್ಮೊಳಗೇ ಇರುವ ಚೈತನ್ಯವೆಂಬುದನ್ನು ಕಂಡುಕೊಳ್ಳಿ. ಇದು ಸರಳವಾದದ್ದೆಂದು ಕಲ್ಪಿಸಿಕೊಳ್ಳಬೇಡಿ. ನಮ್ಮ ಅರಿವನ್ನು ನಮ್ಮ ಮೇಲೆಯೇ ಇಟ್ಟು ಕಾಪಾಡಿಕೊಳ್ಳುವುದು ಕೆಲವು ಕ್ಷಣಗಳಿಗಿಂತ ಹೆಚ್ಚು ಸಮಯ ಸಾಧ್ಯವಾಗುವುದಿಲ್ಲ. ಆಗ ನಾವು ಮರೆತುಬಿಡುತ್ತೇವೆ. ನೀವು ನೆನಪಿಸಿಕೊಳ್ಳುತ್ತಿದ್ದೀರೆಂದು ಭಾವಿಸಿರುವಿರಿ ಅಷ್ಟೆ ಆದರೆ ನಿಮ್ಮ ಮನಸ್ಸು ಬೇರೆಯ ಆಲೋಚನೆಯ ಕಡೆಗೆ ಹಾರಿ ಹೋಗಿ ಬಿಟ್ಟಿರುತ್ತದೆ!
ತನ್ನನ್ನು ತಾನು ನೆನಪಿಸಿಕೊಳ್ಳುವುದೆಂದರೆ, ಆಲೋಚಿಸುವುದು ಅಲ್ಲ. ಅದು ಕೇವಲ ಮೂಲಾಂಶವನ್ನು ಬಿಟ್ಟಂತೆ. ಇದೇ ರೀತಿ, ನಾವು ಸಾಧಾರಣವಾಗಿ ಮುಖಾಯಗೊಳಿಸುವುದು (ಅದೇ) ಪದಗಳನ್ನು ಪುನರುಚ್ಚರಿಸುವಿಕೆ, ನಾನಿದ್ದೇನೆ, ನಾನಿದ್ದೇನೆ. ಪದಗಳೇ ಅನುಭವವಲ್ಲ. ಅದನ್ನು ಶಬ್ದೀಕರಿಸಬೇಡಿರಿ. ಸುಮ್ಮನೆ ಅನುಭವಿಸಿ, ನಾನಿದ್ದೇನೆ. ಅದರ ವಿಷಯವಾಗಿ ಆಲೋಚಿಸಬೇಡಿರಿ.
ನೀವು ನಡೆಯುವಾಗ, ಕೆಲವು ಕ್ಷಣ ನಿಂತು, ನೀವಿದ್ದೀರೆಂಬುದನ್ನು ಗಮನಿಸಿರಿ. ಈ ಅರಿವನ್ನು ಕೊಂಡೊಯ್ಯಿರಿ. ನೀವು ನಿಮ್ಮ ಮುಖದ ಮೇಲೆ ಸೂರ್ಯನನ್ನು ಅನುಭವಿಸುತ್ತಿದ್ದೀರೆಂದೂ, ಅನುಭವಿಸುತಿದ್ದೀರೆಂದೂ ಅರಿಯಿರಿ. ಇವನ್ನೆಲ್ಲಾ ಅನುಭವಿಸುತ್ತಿರುವವನನ್ನು ಅರಿತುಕೊಳ್ಳಿ. ಸುಮ್ಮನೆ ತಿಳಿಯಿರಿ, ನಾನು ಇದ್ದೇನೆ (ಎಂದು). ಕೆಲವೇ ಕ್ಷಣ, ನೀವು ನಿಮ್ಮಲ್ಲಿಯೇ ಎಸೆಯಲ್ಪಟ್ಟವರಾಗುತ್ತೀರಿ (ಸೇರಲ್ಪಟ್ಟವರಾಗುತ್ತೀರಿ)! ನೀವು ಶಾಂತಿಯ ಸತ್ಯತೆಯ ದರ್ಶನವನ್ನು ಒಂದು ಕ್ಷಣ ಪಡೆದವರಾಗುತ್ತೀರಿ. ಇದನ್ನು ಸುಮ್ಮನೆ ಪದಗಳಲ್ಲಿ (ಶಬ್ದಗಳಲ್ಲಿ) ವರ್ಣಿಸಲು ಅಸಾಧ್ಯ, ಅದನ್ನು ನೀವು (ಕೇವಲ) ಅನುಭವಿಸಬಹುದು ಅಷ್ಟೆ. ನೀವು ಏನನ್ನಾದರೂ ಸ್ಪರ್ಶಿಸಿದಾಗ, ಆ ಸ್ಪರ್ಶವನ್ನು ಮುಟ್ಟುವಿಕೆಯನ್ನು ಅನುಭವಿಸಿರಿ. ಯಾರು ಮುಟ್ಟಲ್ಪಡುತ್ತಿದ್ದಾರೆ ಎಂಬುವುದನ್ನು ಅನುಭವಿಸಿ. ನಿಮ್ಮ ಪ್ರಜ್ಞೆಯು ಇನ್ನೂ ಚುರುಕಾಗುತ್ತದೆ. ಈ ಪ್ರಜ್ಞೆಯನ್ನು ಸದಾಕಾಲದಲ್ಲಿಯೂ ನಿಮ್ಮೊಂದಿಗೇ ಇಟ್ಟುಕೊಳ್ಳಿರಿ. ಇದೊಂದು ಯಾವಾಗ-ಎಲ್ಲಿ ಬೇಕಾದರೂ ಮಾಡುವ ತಂತ್ರ. ಸರಿಯಾಗಿ ಹೇಳಬೇಕೆಂದರೆ ಅದನ್ನು ಸದಾಕಾಲ ಧ್ಯಾನವೆಂದು ಮಾಡಿಕೊಳ್ಳಿರಿ.
ಚಿತ್ತಾಕಾಶ ಧ್ಯಾನ
ಧ್ಯಾನದ ವಿಚಾರ:
ಆಕಾಶದ ಮೇಲೆ ಧ್ಯಾನವೆಂದರೆ ಶೂನ್ಯತ್ವದ ಮೇಲೆ ಧ್ಯಾನ. ಸ್ವಚ್ಛ ನೀಲಿ ಬಣ್ಣದ ಆಕಾಶವೆಂದರೆ ಸಂಪೂರ್ಣ ಖಾಲಿ. ಅದನ್ನು ಕುರಿತು ಧ್ಯಾನ ಮಾಡುವುದೆಂದರೆ ಸಷ್ಠತೆಯೊಳಗೆ ಪ್ರವೇಶಿಸಿದಂತೆಯೇ.
ಸೂಚನೆಗಳು (Instructions) :
ಮೋಡಗಳಿಲ್ಲದ ವಿಶಾಲವಾದ ಆಕಾಶವು ಪೂರ್ಣ ಸ್ವಚ್ಛ ನೀಲಿಯಾಗಿರುವ ದಿನವನ್ನು ಆರಿಸಿಕೊಳ್ಳಿ. ಶಾಂತವಾದ ಜಾಗದಲ್ಲಿ ಮೇಲ್ಮುಖವಾಗಿ ಮಲಗಿ ಆಕಾಶವನ್ನು ನೋಡುತ್ತಾ ಇರಿ.
ಕಣ್ಣಿನಲ್ಲಿ ನೀರು ಬಂದರೂ ಸಹ ಕಣ್ಣು ಮಿಟುಕಿಸಬೇಡಿರಿ. ಹಾಗೆಯೇ ದೃಷ್ಟಿಸಿ ನೋಡುತ್ತೀರಿ. ನಿಮ್ಮ ಕಣ್ಣುಗಳು ಒತಿದಂತಾಗಿ ನೋವಾಗಬಹುದು; ನೋವನ್ನು ನಿರ್ಲಕ್ಷ್ಯ ಮಾಡಿರಿ. ಒಮ್ಮೆ ಕಣ್ಣೇರು ಕಣ್ಣುಗಳನ್ನು ಶುದ್ಧಗೊಳಿಸಿದ ನಂತರ, ನೀವು ದೃಷ್ಟಿಸಿ ನೋಡಲು ಸುಲಭವಾಗುತ್ತದೆ. ಆಕಾಶದ ವಿಚಾರವಾಗಿ ಚಿಂತಿಸತೊಡಗಬೇಡಿ! ಆಕಾಶವು ಎಷ್ಟು ಆಶ್ಚರ್ಯಕರವಾಗಿ ಮತ್ತು ನೀಲಿ ಬಣ್ಣದಿಂದ ಕೂಡಿ ಕಾಣುತಲಿದೆ ಎಂದೂ ಆಲೋಚಿಸದಿರಿ. ನೀವು ಅದರ ವಿಚಾರ ಚಿಂತಿಸುತ್ತಿದ್ದಂತೆಯೇ ನೀವು ಆಕಾಶದಿಂದ ಬೇರ್ಪಡುತ್ತೀರಿ. ನಿಮ್ಮ ಕೆಲಸ ಪ್ರವೇಶಿಸಬೇಕು. ಗುರಿಯೇ ಇಲ್ಲ
ಕೇವಲ ನೋಡುವುದರಿಂದ, ಆಕಾಶದ ಸ್ಪಷ್ಟತೆಯನ್ನು ಅನುಭವಿಸಿರಿ. ನೀಲಿ ಆಕಾಶದ ಪರಿಶುದ್ದತೆಯನ್ನು ಗಮನಿಸಿರಿ. ಆ ಸ್ಪಷ್ಟತೆಯಲ್ಲಿ ಸೇರಿ ಹೋಗಿರಿ.