ಅಹಂ ಬ್ರಹ್ಮಾಸ್ಮಿ
ಈ ಧ್ಯಾನದ ವಿಷಯವಾಗಿ:
ಇದೊಂದು ಕಷ್ಕಕರವಾದ ಆದರೆ ಸುಂದರವಾದ (ಒಳ್ಳೆಯ) ಧ್ಯಾನ. ಎಲ್ಲವನ್ನೂ ಒಳಗೊಂಡಿರುವ ಧ್ಯಾನ ಇದು. ಸಾಮಾನ್ಯವಾಗಿ ನಮ್ಮ ಎಲ್ಲಾ ಧ್ಯಾನ-ತಂತ್ರಗಳು ನಿರಾಕರಣೆಯ ಆಧಾರದ ಮೇಲಿನವು - ನಾನು ದೇಹವಲ್ಲ, ನಾನು ಮನಸ್ಸಲ್ಲ ಹೀಗೆ. ಇಲ್ಲಿ ನಾವು ಅದಕ್ಕೆ ವಿರೋಧವಾದ ಎಲ್ಲವನ್ನೂ ಒಳಗೊಂಡು 'ನಾನೇ ಎಲ್ಲವೂ ಆಗಿದ್ದೇನೆ' ಎಂಬ ಒಂದು ನಿರ್ಧಾರಕ್ಕೆ ಬರುತ್ತೇವೆ.
ಆದೇಶಗಳು (ಸೂಚನೆಗಳು):
ಕಣ್ಣುಮುಚ್ಚಿ ಹೊರಗಿರುವುದನ್ನೆಲ್ಲಾ ಮನಸ್ಸಿನಲ್ಲಿಯೇ ಅವಲೋಕಿಸಿರಿ. ನಿಮ್ಮಿಂದಲೇ ಪ್ರಾರಂಭಿಸಿರಿ. ನಿಮ್ಮ ಶರೀರವನ್ನು ಗಮನಿಸಿ, ಮನಸ್ಸನ್ನೂ, ಆಲೋಚನೆಗಳನ್ನೂ, ನೀವು ಉಸಿರಾಡುವುದನ್ನೂ, ನಿಮ್ಮ ಭಾವನೆಗಳನ್ನೂ ಗಮನಿಸಿರಿ. ಅವೆಲ್ಲವನ್ನೂ ನಿಮ್ಮಲ್ಲಿಯೇ ಐಕ್ಯಗೊಳಿಸಿರಿ. ಯಾವುದನ್ನೂ ಕೇಂದ್ರೀಕರಿಸದೆ ಸುಮ್ಮನೆ ಹರಿಯುತ್ತಿರಿ. ನಿಮ್ಮ ಉಸಿರಾಟವನ್ನು ಗಮನಿಸಿರಿ. ನಿಮ್ಮ ಶರೀರದಲ್ಲಿನ ದ್ರವ ರೂಪವನ್ನು ಗಮನಿಸಿ. ನಿಮ್ಮ ಶರೀರವು ನೀವು ತಿಳಿದಂತೆ ಕಠಿಣವಾದದ್ದಲ್ಲ!
ಕಣ್ಣುಗಳನ್ನು ಮುಚ್ಚಿದಾಗ, ಶರೀರವು ಸೂಕ್ಷವಾಗಿ, ಆಕಾರದಲ್ಲಿ, ರೂಪದಲ್ಲಿ, ಬದಲಾಗುತ್ತಿರುವುದನ್ನು, ಹಿಗ್ಗುವುದನ್ನು, ಕುಗ್ಗುವುದನ್ನು ಗಮನಿಸುತ್ತೀರಿ. ಅದರ ವಿಷಯವಾಗಿ ನಮ್ಮ ಭಾವನೆ ಮಾತ್ರ ಒಂದೇ ಸಮ ಇರುತದೆ. ಅದಕ್ಕಾಗಿಯೇ ನಾವು ಈ ಬದಲಾವಣೆಗಳನ್ನು ತಿಳಿಯುವುದೇ ಇಲ್ಲ. ಆಗಾಗ್ಯೆ ಇದು ಒಂದು ನಮಗೇ ತಿಳಿಯದಂತೆ ಆಗುವಂಥದ್ದು. ನಿಮಗೆ ವಿರೋಧವಾದ ವಾತಾವರಣದಲ್ಲಿದ್ದಾಗ, ನೀವು ಭಯದಿಂದ ಕೂಡಿದಾಗ, ಒಂಟಿತನ ಅನುಭವಿಸಿದಾಗ ನಿಮಗೆ ಒಂದು ತರಹ ಕುಗ್ಗಿದ ಅನುಭವವಾಗುತ್ತೆ, ನೀವು ಸಂತೋಷವಾಗಿದ್ದಾಗ, ಪ್ರೀತಿಯಿಂದ ಕೂಡಿದಾಗ, ಶಾಂತತೆಯಿಂದಿದ್ದಾಗ ನೀವು ವಿಕಸಿಸುತಿರುವ, ವಿಶಾಲತೆಯಿಂದ ತುಂಬಿಕೊಳ್ಳುವ ಅನುಭವವು ನಿಮಗಾಗುತ್ತದೆ. ನೀವು ಎಲ್ಲವನ್ನೂ ಒಳಗೊಂಡಾಗ, ನೀವು ಅರಳುತ್ತಿರುವ ಅನುಭವವನ್ನು ಪಡೆಯುತೀರಿ.
ಸರ್ವಸ್ತವನ್ನೂ ನಿಮ್ಮ ಇರುವಿಕೆಯಲ್ಲಿ ತುಂಬಿಕೊಳ್ಳಿ. ನಾನಲ್ಲ ಅನ್ನಬೇಡಿ. ಅದರ ಬದಲು 'ನಾನೇ' ಎನ್ನಿ. ನಿಧಾನವಾಗಿ ನಿಮ್ಮಲ್ಲಿ ಕೇಂದ್ರವೆಂಬುದೇ ಇಲ್ಲವೆನಿಸುವುದು ಪ್ರಾರಂಭವಾಗುತ್ತದೆ. ಕೇಂದ್ರವೇ ಇಲ್ಲದೆ, ಅಹಂಕಾರವು ಸ್ಥಗಿತವಾಗಿ ನಿಲ್ಲಲು ಸ್ಥಳವೆಲ್ಲಿ? ಅಹಂಕಾರಕ್ಕೆ ಪ್ರತ್ಯೇಕತೆಯ ಮನೋಭಾವ ಬೇಕೇ ಬೇಕು. ಎಲ್ಲವನ್ನು ಒಳಗೊಂಡು ಒಂದಾಗಿರುವಾಗ ಅಹಂಕಾರಕ್ಕೆ ಬೇರೆ ಸ್ದಳವೆಲ್ಲಿ?
ಅಹಂಕಾರವು ಹೊರಟು ಹೋದಾಗ ಅಲ್ಲಿ ಪ್ರಜ್ಞೆಯು ಮಾತ್ರ, ಉಳಿದಿರುತ್ತದೆ. ಪ,ಜ್ಞೆಯು ಆಕಾಶವನ್ನೂ ಸೇರಿಸಿಕೊಳ್ಳುವಷ್ಟು ವಿಸ್ತೀರ್ಣವಾದಾಗ ಅದು ನಿಮ್ಮ ಒಂದು ಸೇರಿಸಿಕೊಳ್ಳುತದೆ, ಅದೇ ನಿಮ್ಮೊಳಗೆ ಆಗುತ್ತಿರುವುದು. ಬೆಳಗಿನ ಸುಗಂಧಿತ ಕಂಪೂ ಸಹ ನೀವೇ. ತಂಗಾಳಿಯು ನಿಮ್ಮೊಳಗೇ ಬೀಸುತ್ತಿದೆ ಎನ್ನಿಸುತ್ತದೆ. ಮರಗಳು, ಬಂಡೆಗಳು, ನೀವು ನೋಡಲು ಆಗದ ನಕ್ಷತ್ರಗಳೂ ಸಹ ನಿಮ್ಮೊಳಗೇ ಇವೆ!
ಧ್ಯಾನದ ತಂತ್ರಗಳು
ಇದೊಂದು ಅದ್ಬುತವಾದ ಅನುಭವ. ನೀವು ಅದನ್ನು ಅನುಭವಿಸದ ಹೊರತು ಎಲ್ಲವೂ ತಿಳಿದೀತು? ನಿಮ್ಮ ಎಲ್ಲೆಯು ಯಾವಾಗಲೂ ಕಿರಿದಾಗಿಯೇ ಇತ್ತು - ಈಗ ಅದು ಅಸಿತ್ವವನ್ನೆಲ್ಲಾ ಸೇರಿಸಿಕೊಳ್ಳುವಷ್ಟು ಬೆಳೆಯುತ್ತದೆ.