ಸ್ಪೂರ್ತಿ ಬಾನ
ತಂತ್ರದ ವಿಚಾರ
ಧ್ಯಾನಗಳಲ್ಲಿ ಏನನ್ನಾದರೂ ಮಾಡುವ ಧ್ಯಾನವು, ಧ್ಯಾನವನ್ನು ಪ್ರಾರಂಭಿಸುವವರಿಗೆ ಒಳ್ಳೆಯದು. ಸುಮ್ಮನೆ ಕುಳಿತು ಮಾಡುವ ಧ್ಯಾನಕ್ಕಿಂತ ಏನನ್ನಾದರೂ ಮಾಡುವ ಧ್ಯಾನವು ಅರಿವನ್ನು ಉಳಿಸಿ, ಸಂರಕ್ಷಿಸಿಕೊಳ್ಳಲು ಸುಲಭವಾಗುತ್ತದೆ.
ಈ ಧ್ಯಾನ, 'ಓಡುತ್ತಾ ಮಾಡುವ ಧ್ಯಾನ'.
ಏಕೆ ಓಡಬೇಕು?
ನೀವು ಓಡುವಾಗ, ಸಹಜವಾಗಿ ನೀವು ಚುರುಕಾಗಿರುತ್ತೀರಿ ಹಾಗೂ ಜಾಗರೂಕರಾಗಿರುತ್ತೀರಿ, ಅರಿವುಳ್ಳವರೂ ಆಗಿರುತ್ತೀರಿ. ಓಡುವಾಗ ನೀವು ಶರೀರ, ಮನಸ್ಸು ಹಾಗೂ ಚೈತನ್ಯದ ಒಂದು ಸುಂದರ ಸಂಗಮವನ್ನು (ಐಕ್ಯತೆಯನ್ನು) ಅನುಭವಿಸುತ್ತೀರಿ. ನಿಮ್ಮಲ್ಲಿರುವ ಎಲ್ಲವೂ ಒಂದೇ ಎನ್ನುವಂತೆ ಕೆಲಸ ಮಾಡುತ್ತವೆ ಹಾಗೂ ಒಂದೇ ಗುರಿಯನ್ನು ಹೊಂದಿರುತ್ತದೆ. ನೀವು ಸ್ತಬ್ಧವಾಗಿ ಕುಳಿತಾಗ, ನಿಮ್ಮ ಶರೀರವು ಮಾತ್ರ ಸುಮ್ಮನೆ ಕೆಲಸ ಮಾಡದೇ
ಇರುತ್ತದೆ, ಆದರೆ ಮನಸ್ಸು ಓಡುತ್ತಲೇ ಇರುತ್ತೆ, ದೇಹ ಮತ್ತು ಮನಸ್ಸು ಬೇರೆಯಾಗಿ ಬಿಟ್ಟಿರುತ್ತವೆ. ನಿಮ್ಮ ದೇಹ ಕುಳಿತಿರುತ್ತೆ, ಮನಸ್ಸು ಎಲ್ಲಲ್ಲೋ ಸುತ್ತಲು ಹೋಗುತ್ತಿರುತ್ತೆ!
ಯಾವಾಗ ನಿಮ್ಮ ಶರೀರವು ಓಡುತ್ತದೆಯೋ ಆಗ, ಅದಕ್ಕೆ ವ್ಯತಿರಿಕ್ತವಾದದ್ದು ಆಗುತ್ತದೆ. ನೀವು ಇದ್ದುಬಿಡುತ್ತದೆ. ನಿಮ್ಮ ಮನಸ್ಸು ಮಾತನಾಡುವುದನ್ನು ನಿಲ್ಲಿಸಿಬಿಡುತ್ತದೆ. ಮತ್ತೆ ನೀವು ಓಡುವುದನ್ನು ಮುಂದುವರಿಸಿದಾಗ, ಸ್ವಲ್ಪ ಹೊತ್ತಾದ ಮೇಲೆ, ಆ ಓಡುವಿಕೆಯೇ ನಿಮ್ಮನ್ನು ವಶಕ್ಕೆ ತೆಗೆದುಕೊಳ್ಳುತ್ತದೆ. ಆಗ ಶರೀರವೂ, ಮನಸ್ಸು, ನಿಮ್ಮದಾಗಿ ಇರುವುದಿಲ್ಲ. ನೀವು ಓಡುವುದಕ್ಕೇ ಸೇರಿದವರಾಗುತ್ತೀರಿ. ನೀವೇ ಓಟವಾಗಿ ಬಿಡುತ್ತೀರಿ.
ಸೂಚನೆಗಳು:
ನೀವು ಓಡಲು ಒಂದು ಸಮಯವನ್ನು ಗೊತ್ತುಪಡಿಸಿಕೊಳ್ಳಿ. ಬೆಳಗಿನ ಜಾವವು ಅತ್ಯುತ್ತಮ, ಮತ್ತೊಂದು ಅಂದರೆ ಸಾಯಂಕಾಲ. ಸೂರ್ಯೋದಯ ಮತ್ತು ಸೂರ್ಯಾಸ್ತದ ಸಮಯದಲ್ಲಿ ನಿಮ್ಮ ಶರೀರವು ಬಹಳವಾಗಿ ತೆರೆದುಕೊಂಡು, ಪ್ರಕೃತಿಯ ಚೈತನ್ಯವನ್ನು ಪಡೆದುಕೊಳ್ಳುವಲ್ಲಿ ಯೋಗ್ಯವಾಗಿರುತ್ತದೆ.
ನೇರವಾಗಿ ಚೆನ್ನಾಗಿ ಓಡಲು ಸುಲಭವಾದ ಸಾಕಷ್ಟು ಶಾಂತವಾಗಿ ಹೆಚ್ಚು ಜನರಿಲ್ಲದ, ನೀವು ಸಂಭಾವ್ಯತೆಗಳಿಲ್ಲದ, ಸಂಚಾರಿ ವಾಹನಗಳ ಭಯವಿಲ್ಲದೆ ಇರುವ ಸುರಕ್ಷಿತವಾದ ಒಂದು ದಾರಿಯನ್ನು ಓಡುವ ಸಲುವಾಗಿ ಆರಿಸಿಕೊಳ್ಳಿರಿ.
ನೀವು ಓಡುವ ಅಭ್ಯಾಸವಿಲ್ಲದವರಾದರೆ, ಕಡಿಮೆ ದೂರದ ಓಟವನ್ನು ಪ್ರಾರಂಭಿಸಿರಿ - ಅಂದರೆ ಅರ್ಧ ಮೈಲಿ. ಆನಂತರ ನಿಧಾನವಾಗಿ ಓಡುವ ದೂರವನ್ನು ಹೆಚ್ಚಿಸಿಕೊಳ್ಳಿರಿ.
ಧ್ಯಾನದ ತಂತ್ರಗಳು
ಅದಾದನಂತರ ಸುಮ್ಮನೆ ಓಡಿರಿ! ಹೊಟ್ಟೆಯಿಂದ ಆಳವಾಗಿ ಉಸಿರಾಡಿರಿ, (Run with every limb) ಕೈಕಾಲುಗಳನ್ನು ಚೆನ್ನಾಗಿ ಉಪಯೋಗಿಸಿ ಓಡಿರಿ. ನೀವು ಓಡಿ ಆಯಾಸಗೊಂಡಾಗ ಬಲವಂತವಾಗಿ ಓಡಬೇಡಿರಿ. ವಿಶ್ರಮಿಸಿರಿ ಮತ್ತು ಆ ಕಾಲವನ್ನು ಚೆನ್ನಾಗಿ ಅನುಭವಿಸಿ ಆನಂದಿಸಿರಿ. ನಿಮ್ಮ ಪಾದರಕ್ಷೆಗಳನ್ನು (ಷೂಗಳನ್ನು) ಅನುಭವವನ್ನು ಪಡೆಯಿರಿ. ನಾವು ಮೂಲ ಚೈತನ್ಯದ ಒಂದು ಭಾಗದಿಂದ ಸಂಪರ್ಕವನ್ನು ಕಳೆದುಕೊಂಡಿರುವೆವು ಅಂದರೆ ಅದು ಭೂಮಿಯಿಂದ ಬರುವ ಚೈತನ್ಯವನ್ನು ಸಜ್ಜುಗೊಳಿಸುತ್ತಿದ್ದೇವೆ (artificial flooring), ಮತ್ತು ನಾವು ಬರಿಗಾಲಿನಲ್ಲಿ ನಡೆವ ಸುಖಾನುಭವವನ್ನು ನಾವೇ ನಿಲ್ಲಿಸಿಬಿಟ್ಟಿದ್ದೇವೆ.
ಹಿಂದೂಸ್ಥಾನದಲ್ಲಿ ಬರಿಗಾಲಿನಲ್ಲಿ ನಡೆಯುವುದು ಒಂದು ಪವಿತ್ರ ವ್ಯಾಯಾಮವೇ ಎಂದು ಪರಿಗಣಿಸಲಾಗಿದೆ. ಅದೇ ಕಾರಣದಿಂದಾಗಿ ಎಷ್ಟೋ ಪೂಜಾಸ್ಥಾನಗಳಲ್ಲಿ ಪಾದರಕ್ಷೆಗಳನ್ನು ಉಪಯೋಗಿಸುವುದು ನಿಷೇಧಿಸಲಾಗಿದೆ. ಆ ಸ್ಥಳಗಳಲ್ಲಿ ಚೈತನ್ಯದ ಪ್ರಮಾಣ ಬಹಳ ಹೆಚ್ಚಾಗಿರುತ್ತದೆ ಮತ್ತು ನಿಮ್ಮ ಎಲ್ಲಾ ಇಂದ್ರಿಯಗಳಿಗೂ ಆ ಚೈತನ್ಯವನ್ನು ಸ್ವೀಕರಿಸಲು ತೆರೆದ ವಾತಾವರಣ ಬಹಳ ಒಳ್ಳೆಯದು.
ನೀವು ಓಡುವ ದಾರಿಯು ಸುಗಮವಾಗಿದ್ದರೆ, ಬರಿಗಾಲಿನಲ್ಲಿ ಓಡುವುದು ಒಂದು ಮಹತ್ತರವಾದ ಅನುಭವವನ್ನುಂಟು ಮಾಡುತ್ತದೆ. ಇದನ್ನು ಹುಲ್ಲಿನ ಮೇಲೆ ಆಥವಾ ಸಮುದ್ರದ ತೀರದಲ್ಲಿ ಪ್ರಯತ್ನಿಸಿರಿ. ಕೇವಲ ಭೂಮಿಯ ಸಂಪರ್ಕವು ಜೀವನದ ಮೂಲ ಹೊಂದಿದಂತೆ.
ಇದೊಂದು ಕೇಂದ್ರೀಕರಿಸಿ ಅದರಲ್ಲೇ ಉಳಿಯಲು ಸೊಗಸಾದ ಮಾರ್ಗ. ಕುಳಿತಾಗ.
ಓಡುವುದರಿಂದಾಗುವ ಹೆಚ್ಚಿನ ಅನುಕೂಲಗಳ ವಿಷಯವಾಗಿ ತಲೆ ಕೆಡಿಸಿಕೊಳ್ಳಬೇಡಿ. ಇಷ್ಟೇ ಸಮಯವೆಂದು ಸಮಯಕ್ಕೂ ಹೆಚ್ಚು ಪ್ರಾಧಾನ್ಯತೆ ಕೊಡಬೇಡಿ. ನಿಮ್ಮ ಓಟದ ನಿರ್ವಹಣೆಯ ವಿಷಯವಾಗಿಯೂ ಚಿಂತಿಸಬೇಡಿ. ತೂಕವನ್ನು ಕಡಿಮೆ ಮಾಡಿಕೊಳ್ಳಲು ಓಡಬೇಡಿ! ತೂಕ ಕಡಿಮೆಯಾದರೆ ಒಳ್ಳೆಯದೇ, ಆದರೆ ಯಾವುದಾದರೂ ಕಾರಣಕ್ಕೆ ಓಡಬೇಡಿ. ಸುಮ್ಮನೆ ಓಡಿರಿ.
ಬಹಳ ದಿವಸಗಳವರೆಗೆ ಓಡಿದರೂ, ಆ ಓಟವು ಬೇಸರವನ್ನು ತರುವುದಾದರೆ, ಅದನ್ನು ಬಿಟ್ಟುಬಿಡಿ ಮತ್ತು ಮತ್ತೊಂದು ಧ್ಯಾನವನ್ನು ಮಾಡಲು ಪ್ರಾರಂಭಿಸಿರಿ. ಈಜಲು ಯತ್ನಿಸಿ, ನರ್ತಿಸಲು ಯತ್ನಿಸಿ. ನಿಮಗೆ ಓಡಬೇಕೆಂದೆನಿಸಿದರೆ ಪುನಃ ಮಾಡತೊಡಗಿರಿ.
ಮೂಲಸೂಚನೆಗಳ ಹೊರತು ಬೇರೆಯ ಸೂಚನೆಗಳೇನೆಂದರೆ: ನಿಮಗೆ ನೀವೇ ನಿಯಮಗಳನ್ನು ಸ್ಪಷ್ಟಿಸಿಕೊಳ್ಳಬೇಡಿ. ಈ ನಿಯಮಗಳು ಧ್ಯಾನದ ನಿಜವಾದ ಆನಂದವನ್ನೇ ಹಾಳು ಮಾಡಿಬಿಡುತ್ತದೆ (ನಾಶ ಮಾಡಿಬಿಡುತ್ತದೆ).