ಮಹಾಮಂತ್ರ ಧ್ಯಾನಕ್ಕೆ ಸೂಚನೆಗಳು
ವಿಶಾಂತಿಪೂರ್ವಕವಾಗಿ, ಸುಖಾಸನದಲ್ಲಿ ಕುಳಿತುಕೊಂಡು, ಹಸ್ತಗಳನ್ನು ಮೇಲ್ಮುಖವನ್ನಾಗಿಸಿ ಮಂಡಿಯ ಮೇಲೆ ಕೈಗಳನ್ನು ಇಟ್ಟುಕೊಳ್ಳಿರಿ. ನಿಮ್ಮ ಕೈಗಡಿಯಾರ, ಆಭರಣ ಇವುಗಳು ಚೈತನ್ಯದ ಹರಿವನ್ನು ತಡೆಯುವುದರಿಂದ, ಅವುಗಳನ್ನು ತೆಗೆದಿಟ್ಟುಬಿಡಿ.
ನಿಮ್ಮ ಬೆನ್ನುಹುರಿಯು ನೇರವಾಗಿರಲಿ. ನಿಮ್ಮ ತಲೆ, ಕುತ್ತಿಗೆ ಮತ್ತು ಬೆನ್ನು ಒಂದೇ ಸರಳರೇಖೆಯಲ್ಲಿರಲಿ.
ಕಣ್ಣುಗಳನ್ನು ಮುಚ್ಚಿರಿ. ಸಂಪೂರ್ಣವಾಗಿ ಸರಿಯಾಗಿ ಮುಚ್ಚಿಕೊಳ್ಳಿರಿ. ಸಾಮಾನ್ಯವಾಗಿ, ನೀವು ಕಣ್ಣುಗಳನ್ನು ಮುಚ್ಚಿದಾಗ, ಹೊರಗಿನ ದೃಶ್ಯಜಗತ್ತನ್ನು ಮುಚ್ಚಿ, ಒಳಗಿನ ದೃಶ್ಯಜಗತ್ತನ್ನು ತೆರೆದಂತೆ ಆಗುತ್ತದೆ.
ಆದ್ದರಿಂದ ಕೇವಲ ನಿಮ್ಮ ಕಣ್ಣುರೆಪ್ಪೆಗಳನ್ನು ಮಾತ್ರ ಮುಚ್ಚದೆ - ಸರಿಯಾದ ರೀತಿಯಲ್ಲಿ ಕಣ್ಣುಗಳನ್ನು ಮುಚ್ಚಿರಿ! ಇದಕ್ಕೊಂದು ಒಳ್ಳೆಯ ವಿಧಾನವೆಂದರೆ, ಕ್ಷಣಕಾಲ ನಿಮ್ಮ ಕಣ್ಣುಗುಡ್ಡೆಗಳು ಕಲ್ಲುಗಳಾಗಿವೆ ಎಂದು ಕಲ್ಪಿಸಿಕೊಳ್ಳಿ ಅಷ್ಟೆ. ಆ ಕೂಡಲೇ ನಿಮ್ಮ ಆಲೋಚನೆಗಳೂ ಸಹ ನಿಂತುಬಿಡುತ್ತದೆ ಅಥವಾ ಕಡಿಮೆಯಾಗಿಬಿಡುತವೆ. ಈಗ ನಿಮ್ಮ ಬಾಯನ್ನು ಮುಚ್ಚಿಕೊಂಡು ಮ್ … ಶಬ್ದವನ್ನು ಪ್ರಾರಂಭಿಸಿರಿ. ಮ್ ... ಎನ್ನುವ ಧ್ವನಿತರಂಗವನ್ನು ಮಾತ್ರ (ಬಾಯಿ ಮುಚ್ಚಿಕೊಂಡೇ) ಉಂಟುಮಾಡುತಿರಿ. ಬೇರೆ ಯಾವ ಮಂತ್ರವನ್ನೂ ಉಚ್ಚರಿಸದಿರಿ, 'ಓಂ' ಎಂತಲೂ ಸಹ ಉಚ್ಚರಿಸಬೇಡಿ.
ಎಷ್ಟು ಹೊತ್ತು ಸಾಧ್ಯವೋ ಅಷ್ಟು ಹೊತ್ತೂ ಉಚ್ಚರಿಸಿರಿ. ನಿಮ್ಮ ಶರೀರವನ್ನು ತೂಗಾಡಲು ಬಿಡಿ. ನಿಮ್ಮ ನಾಭಿಕಮಲದಿಂದ ಹೊರಹೊಮ್ಮುವಂತೆ ಉಚ್ಚರಿಸಿರಿ, ಅಂದರೆ ಕಟಿ ಪ್ರದೇಶದಿಂದ.
ನಿಮ್ಮ ಶರೀರವು ಒಂದು ಖಾಲಿ ಪಾತ್ರೆಯೆಂದು ಕಲ್ಪಿಸಿಕೊಳ್ಳಿರಿ. ಆ ಪಾತ್ರೆಯೊಳಕ್ಕೆ ನಿಮ್ಮ ಬಾಯನ್ನು ಇಟ್ಟು ಮ್ ... ಶಬ್ದ ಮಾಡಿದರೆ ಯಾವ ತರಹ ಧ್ವನಿಯು ನಿಮಗೆ ಕೇಳುತ್ತದೆಯೋ, ಆ ರೀತಿಯ ಧ್ವನಿಯ ಕಂಪನದ ಶಬ್ದವನ್ನು ನಿಮ್ಮೊಳಗಿಂದಲೇ ಉಂಟುಮಾಡಿರಿ.
ಎಷ್ಟು ಗಟ್ಟಿಯಾಗಿ ಸಾಧ್ಯವೋ ಅಷ್ಟು ಗಟ್ಟಿಯಾಗಿ, ಎಷ್ಟು ಆಳವಾಗಿ ಸಾಧ್ಯವೋ ಅಷ್ಟು ಆಳವಾಗಿ, ಎಷ್ಟು ಹೊತ್ತು ಸಾಧ್ಯವೋ ಅಷ್ಟು ಹೊತ್ತು ಮಾಡುತಿರಿ. ಈ ರೀತಿ ಹಮ್ ಮಾಡಲು ನೀವು ಸಂಪೂರ್ಣವಾಗಿ ಪ್ರಯತ್ನಿಸಿರಿ.
ಇದನ್ನು 30 ನಿಮಿಷಗಳ ಕಾಲ ಮಾಡಿರಿ. ನೀವು ASP ಟೇವನ್ನು ಉಪಯೋಗಿಸುತ್ತಿದ್ದರೆ, ನಿಮ್ಮ ಹಮ್ಮಿಂಗ್ ಜೊತೆಜೊತೆಯಲ್ಲೇ ಸಂಗೀತವೂ ಇರುತ್ತದೆ. ಇಲ್ಲವಾದರೆ ನೀವು ಸುಮ್ಮನೇ ಹಮ್ಮಿಂಗ್ ಮಾಡಬಹುದು.
ಯಾವ ತರಹದಲ್ಲೂ ಉಸಿರನ್ನು ನಿಯಂತ್ರಿಸಲು ಪ್ರಯತ್ನಿಸಬೇಡಿ. ಉಸಿರಾಟವು ತನಗೆ ತಾನೇ ತನಗೆ ಬೇಕಾದಂತೆ ಎಚ್ಚರಿಕೆ ವಹಿಸಿಕೊಳ್ಳುತ್ತದೆ.
ಇದನ್ನೇ ಮಹಾಮಂತ್ರದ ಉಚ್ಚಾರಣೆ ಎನ್ನುತ್ತಾರೆ - ಕೂಗಿ ಹೇಳಲಾಗದ, ಮಾತಿನಲ್ಲಾಗಲೀ, ಬರಹದ ಮೂಲಕವಾಗಲೀ,ಯಾವ ರೀತಿಯೂ ಸ್ಪಷ್ಟವಾಗಿ ಅಭಿವ್ಯಕ್ತಿಗೊಳಿಸಲಾಗದ ಉಚ್ಚಾರಣೆ ಇದು. ಇದನ್ನು ಅನಾಹತ ಧ್ವನಿ ಎನ್ನುತಾರೆ. ಈ ಮಹಾಮಂತ್ರವು ಅವಶ್ಯವಾದ ಕಂಪನಗಳಿಂದ ಕೇವಲ ನಿಮ್ಮ ಇರುವಿಕೆಯನ್ನು ಮಾತ್ರವಲ್ಲದೆ, ಸಂಪೂರ್ಣ ಅಸ್ತಿತ್ವವನ್ನೇ ಪ್ರತಿಧ್ವನಿಸುತ್ತದೆ. ಯಾವಾಗ ಅನುಭವಿಸುತ್ತೀರೋ ಆಗ, ನಿಮಗೆ ಈ ಅನಾಹತ ಧ್ವನಿಯೇ ಆಧಾರವೆಂಬುದು ಅರ್ಥವಾಗುತ್ತದೆ (ಈ ಅನಾಹತ ಧ್ವನಿಯಿಂದಲೇ ನೀವು ಉದ್ಭವಿಸಿರುವುದು ಎಂಬುದು ಅರ್ಥವಾಗುತ್ತದೆ).
ಏನೇನು ಆಗುತ್ತದೆಯೋ ಆಗಲು ಬಿಡಿ. ದುಃಖದಿಂದ ಕಣ್ಣೀರು ಬಂದರೆ ಬರಲಿ ಬಿಡಿ, ನಗು, ಕೆಮ್ಮುವಿಕೆ, ಛಲ - ಬರಲಿ ಬಿಡಿ. ಏನು ಬೇಕಾದರೂ ಆಗಲಿ, ಆಗಲು ಬಿಡಿ, ಹೋಗಲು ಬಿಡಿ, ಯಾವುದನ್ನೂ ಹಿಡಿದಿಟ್ಟುಕೊಳ್ಳಬೇಡಿ.
ಏನೇನು ಆಲೋಚನೆಗಳು ಬರುತ್ತವೆಯೋ ಅವುಗಳನ್ನು ನಿಮ್ಮ ಹಮ್ಜಿಂಗ್‍ನಲ್ಲಿ ಸೇರಿಸಿ ಹೊರಹೋಗಲು ಬಿಡಿ. ನಿಧಾನವಾಗಿ, ಅವುಗಳೆಲ್ಲವೂ ಮಾಯವಾಗಿ ಬಿಡುತವೆ.
30 ನಿಮಿಷಗಳ ನಂತರ ಸಂಗೀತವು ನಿಲ್ಲುತ್ತದೆ ಹಾಗೂ ಜಾಗಟೆಯ ಧ್ವನಿ ಕೇಳಿಬರುತ್ತದೆ.
ಆ ಕೂಡಲೇ ಹಮ್ಜಿಂಗ್ ನ್ನು ನಿಲ್ಲಿಸಿಬಿಡಿ.
ಮಹತ್ತರವಾದ ಒಂದು ಮೌನಶಾಂತಿಯು ನಿಮ್ಮನ್ನು ಆವರಿಸಿಬಿಡುತ್ತದೆ. ಒಂದು ಕ್ಷಣ ಕಾಲವೇ ನಿಂತುಬಿಡುತ್ತದೆ. ಈ ಮೌನವನ್ನು ಸಾಕ್ಷೀಭಾವದಿಂದ ನೋಡಿ.
ಅತಿಶಯವಾದ ಶಾಂತತೆಯು ನಿಮ್ಮ ಒಳಗೂ, ಹೊರಗೂ, ಸುತ್ತಲೂ, ಎಲ್ಲೆಲ್ಲೂ ಇರುವುದನ್ನುಅನುಭವಿಸಿರಿ.
ಸ್ವಲ್ಪ ಹೊತ್ತಾದ ನಂತರ, ಆಲೋಚನೆಗಳು ನಿಧಾನವಾಗಿ ಈ ಶಾಂತತೆಯಲ್ಲಿ ತಲೆ ಎತ್ತಲು ಪ್ರಾರಂಭಿಸುತ್ತವೆ. ಅವುಗಳನ್ನು ತಡೆಯಬೇಡಿ, ಅವುಗಳಲ್ಲಿ ತೊಡಗಬೇಡಿ. ಸುಮ್ಮನೆ ಆ ಆಲೋಚನೆಗಳನ್ನು ಗಮನಿಸುತ್ತಿರಿ ಅಷ್ಟೆ
ನೀವು ಕೇಂದ್ರದಲ್ಲಿರುವ ಒಂದು ಅರಿವು ಮಾತ್ರವಾಗಿರಿ. ನಿಮ್ಮ ಅನಾಹತ ಚಕ್ರದಲ್ಲಿಯೇ ಇರಿ. ನೀವು ಸಂಪೂರ್ಣವಾಗಿ ಕೇಂದ್ರೀಕರಿಸಿ, ಶಾಂತತೆಯಲ್ಲಿರುವ ಅನುಭವವನ್ನು ಪಡೆಯುತ್ತೀರಿ.
ಈ ಧ್ಯಾನವನ್ನು ಬೆಳಗಿನ ಜಾವ ಅಭ್ಯಾಸ ಮಾಡುವುದು ಅತ್ಯುತ್ತಮ. ಇದು ಅತಿಶಯವಾದ ಚೈತನ್ಯವನ್ನು ನಿಮ್ಮ ಶರೀರದಲ್ಲಿ ಉತ್ಪತ್ತಿ ಮಾಡುತ್ತದೆ. ಇದನ್ನು ರಾತ್ರಿ ವೇಳೆಯಲ್ಲಿ ಅಭ್ಯಾಸ ಮಾಡಿದರೆ, ನಿಮ್ಮ ನಿದ್ರೆಗೆ ತೊಡಕಾಗಬಹುದು.
ದಿನ 5
ಶಕ್ತಿಸಾಗರ ಧ್ಯಾನ (ಶಕ್ತಿಯ ಸಾಗರ)
ಗುಣಪಡಿಸುವ ಚಕ್ರ : ವಿಶುದ್ಧಿ ಚಕ್ರವಿರುವ ಸ್ಥಳ : ಗಂಟಲಿನ ಪ್ರದೇಶದಲ್ಲಿ ಚಕ್ರವು ಬಂಧಿಸಲ್ಪಡುವುದು : ಹೋಲಿಸಿಕೊಳ್ಳುವಿಕೆ ಮತ್ತು ಅಸೂಯೆ ಚಕ್ರದ ಬಂಧನ ಬಿಡುಗಡೆ : ನಿಮ್ಮ ಸರಿಸಾಟಿಯಿಲ್ಲದಿರುವಿಕೆಯನ್ನು ಅರ್ಥ ಮಾಡಿಕೊಳ್ಳುವುದರಿಂದ ಧ್ಯಾನ ತಂತ್ರ ಬಂದಿರುವುದು : ಜ಼ೆನ್ ಬುದ್ಧಿಸಮ್‌ನಿಂದ ಕಾಲಾವಧಿ : 30 ನಿಮಿಷಗಳು
ನಮ್ಮಲ್ಲಿ ಬಹಳ ಜನಗಳಿಗೆ ನಾವು ಹೊಂದಿದ್ದೇವೆಂಬುದೇ ತಿಳಿದಿಲ್ಲ. ಅವು ಯಾವುವೆಂದರೆ - ಸಾಮಾನ್ಯ ಪದರ, ತುರ್ತು ಆವಶ್ಯಕತೆಯ ಪದರ ಮತ್ತು ಪ್ರಜ್ಞಾಪದರ.
ನಮ್ಮ ದಿನನಿತ್ಯದ ಜೀವನದಲ್ಲಿ ನಾವು ಮೊದಲ ಸಾಮಾನ್ಯ ಪದರವನ್ನು ಮಾತ್ರ ಉಪಯೋಗಿಸಿಕೊಳ್ಳುತ್ತೇವೆ. ಅಷ್ಟೇ ಚೈತನ್ಯದಿಂದ ಸಂತೋಷವಾಗಿರುತ್ತೇವೆ. ಬಹಳ ಅಪರೂಪವಾಗಿ, ನಮ್ಮನ್ನೇ ನಾವು ಸೆಳೆದುಕೊಂಡಾಗ ಎರಡನೇ ಪದರವು ತೆರೆದುಕೊಳ್ಳುತ್ತದೆ. ಆದರೆ, ಈ ಮೂರನೇ ಪದರವನ್ನು ಉಪಯೋಗಿಸಿಯೇ ಸಾಗಿ ಇಲ್ಲ. ಅದೊಂದು ಇದೆ ಎಂಬುದೇ ನಮಗೆ ಗೊತ್ತಿಲ್ಲ. ಅತ್ಯುತ್ಕೃಷ್ಟ ಸ್ಥಿತಿಯಲ್ಲಿ ಕೆಲಸ ಮಾಡುವಂತಹ ಚೈತನ್ಯವೇ ನಮಗೆ ದೊರೆತಿರುವ ಈ ಪ್ರಜ್ಞೆ.
ಏಳು ದಿವಸದ ಚಕ್ರ ಪ್ರಕ್ರಿಯೆ
ಶಕ್ತಿ ಸಾಗರ ಧ್ಯಾನ ಮಾಡುವಾಗ ಈ ಪ್ರಜ್ಞೆಯ ಸಂಪನ್ಮೂಲವನ್ನು ಹೊರತೆಗೆಯುತೇವೆ.