ಮಣಿಪೂರಕ ಶುದ್ದೀಕ್ರಿಯೆಯ ಸೂಚನೆಗಳು:
ನಿಮ್ಮ ಎಲ್ಲಾ ಚಿಂತೆಗಳೂ ಸಹ ಕೇವಲ ಪದಗಳೇ ಹೊರತು ಮತ್ತೇನೂ ಅಲ್ಲ! ಅದು ನಿಮಗೆ ತಿಳಿದಿರುವ ಎಲ್ಲಾ ಭಾಷೆಗಳ ಮೊತ್ತವೇ ಆಗಿದೆ. ನಿಮ್ಮ ಜೀವನವೆಲ್ಲಾ, ನಿಮ್ಮ ಚಿಂತೆಗಳನ್ನು ಶಬ್ದಮುಖೇನ ವ್ಯಕ್ತಪಡಿಸುತ್ತೀರಿ. ಅವುಗಳನ್ನು ನಿಮಗೆ ತಿಳಿದಿರುವ ಯಾವುದಾದರೂ ಭಾಷೆಗಳಲ್ಲಿ ಮಾತನಾಡಿ ತಿಳಿಸುತ್ತೀರಿ.
ಈಗ ನೀವು ನಿಮಗೆ ಗೊತ್ತಿಲ್ಲದೇ ಇರುವ ಭಾಷೆಯಲ್ಲಿ ಮಾತನಾಡುತೀರಿ.
ನಿಮ್ಮ ಚಿಂತೆಗಳು, ನಕಾರಾತ್ಮಕ ಅನಿಸಿಕೆಗಳು, ತಡೆ ಹಿಡಿಯಲ್ಪಟ್ಟ ಭಾವನೆಗಳು ಇವನ್ನೆಲ್ಲಾ ನೀವು ನಿಮ್ಮ ನಾಭಿ ಪ್ರದೇಶದಲ್ಲಿ ಒಂದು ಹೊರೆಯಂತೆ ಹಿಡಿದಿಟ್ಟುಕೊಂಡಿದ್ದೀರಿ. ಇದರಿಂದ, ಆ ಭಾಗವು ಎಷ್ಟೊಂದು ಭಾರವಾಗಿದೆ ಎನ್ನುವುದು ಗೊತ್ತಾ ನಿಮಗೆ?
ಈಗ, ಈ ರೀತಿ ತಡೆಹಿಡಿಯಲ್ಪಟ್ಟ ಎಲ್ಲವನ್ನೂ, ಶಬ್ದಗಳ ಮೂಲಕ, ಗಟ್ಟಿಯಾಗಿ ಕೂಗಾಡುವುದರ ಮೂಲಕ ಮತ್ತು ಕೃತಿಯಲ್ಲಿ ವ್ಯಕ್ತಪಡಿಸುವುದರ ಮೂಲಕ ಹೊರತರುತೀರಿ. ಯಾವ ಪದಗಳನ್ನೂ ಉಪಯೋಗಿಸಬಾರದು, ಜ್ಞಾಪಕದಲ್ಲಿಡಿ. ನೀವು ಪದಗಳನ್ನು ಅಥವಾ ಶಬ್ದಗಳನ್ನು ಉಪಯೋಗಿಸಿದಿ ರೆಂದರೆ, ನಿಮ್ಮ ಮನದೊಳಗಿನ ಹರಟೆ ಪ್ರಾರಂಭವಾಗಿ ಬಿಡುತ್ತದೆ. ಈ ಧ್ಯಾನದ ಸಮಯದಲ್ಲಿ ನಿಮ್ಮ ಆಂತರಿಕ ಹರಟೆಗೆ ಅವಕಾಶ ಕೊಡಬೇಡಿರಿ. ನಿಮ್ಮ ಮನಸ್ಸಿನ ಆಳದಲ್ಲಿ, ಮೂಲದಲ್ಲಿ ತಡೆಹಿಡಿಯಲ್ಪಟ್ಟ ಅನಿಸಿಕೆ, ಭಾವನೆ, ವೇದನೆ, ಚಿಂತೆ ಎಲ್ಲವನ್ನೂ ಕಿತ್ತು, ಝಾಡಿಸಿ ನಿಮ್ಮಿಂದ ಹೊರ ದೂಡಿಬಿಡಿ! ಶಬ್ದಗಳ ಮೂಲಕ ವಾಂತಿ ಮಾಡಿಬಿರಿ.
ಮೊದಲು ಒಂದು ನಿಮಿಷ, ನಿಮ್ಮ ಮಣಿಪೂರಕ ಭಾಗದ ಕಡೆ ಮನಸ್ಸನ್ನು ಕೇಂದ್ರೀಕರಿಸಿರಿ. ನಿಮ್ಮ ಎಲ್ಲಾ ಚಿಂತೆಗಳೂ ಮತ್ತು ತಡೆಹಿಡಿಯಲ್ಪಟ್ಟ ನಕಾರಾತ್ಮಕವಾದ, ಎಲ್ಲವೂ ನಿಮ್ಮ ಮನಸ್ಸಿನಲ್ಲಿ ಏಳಲು ಆರಂಭವಾಗಿ ಬಿಡುತ್ತೆ.
ಈಗ, ನೀವು ಒಂದು ಘರ್ಷಣೆಯಲ್ಲಿ ಅಥವಾ ತಿಕ್ಕಾಟದಲ್ಲಿ ಸಿಕ್ಕಿಕೊಂಡಿದ್ದೀರೆಂದು ಕಲ್ಪಿಸಿಕೊಳ್ಳಿರಿ. ನೀವು ಯಾರೊಂದಿಗೋ ತೀವ್ರವಾಗಿ ಹೊಡೆದಾಡುತಿದ್ದೀರೆಂದು ಅಂದುಕೊಳ್ಳಿ. ಅವರೊಂದಿಗೆ ಮಕ್ಕಳು ಅಸ್ಪಷ್ಟವಾಗಿ ಮಾತನಾಡುವಂತೆ, ನಿಮಗೆ ಗೊತ್ತಿಲ್ಲದ ಭಾಷೆಯಲ್ಲಿ, ಅರ್ಥರಹಿತ ಶಬ್ದಗಳಿಂದ, ಮಾತನಾಡಲು ಪ್ರಾರಂಭಿಸಿರಿ. ನಿಮ್ಮ ಸಮಸ್ಯೆಯನ್ನೂ, ನೋವನ್ನೂ, ಆ ಮತ್ತೊಬ್ಬರೊಂದಿಗೆ ವ್ಯಕ್ತಪಡಿಸಲು ಯತ್ನಿಸಿರಿ.
ಆದರೆ, ಆ ಮನುಷ್ಯ ನೀವು ವ್ಯಕ್ತಪಡಿಸುತ್ತಿರುವುದನ್ನು ಒಪ್ಪಿಕೊಳ್ಳುತ್ತಿಲ್ಲವೆಂದು ತಿಳಿದಾಗ! ನಿಮಗೆ ಏನನಿಸುತ್ತದೆ? ಕೋಪ ಬರುತ್ತೆ? ಆ ಸಿಟ್ಟನ್ನು ಅವನ ಮೇಲೆ ಕಾರಿಬಿಡಿ! ದುಃಖದಿಂದ ಕಣ್ಣೀರು ಬಂದರೂ ಬರಲಿ! ಯಾವುದನ್ನೂ ತಡೆಯಬೇಡಿ. ಕಿರುಚಿಬಿಡಿ, ಕೂಗಾಡಿ, ಗೋಳಾಡಿ, ಅಳುಬಿಡಿ, ಕೈಕಾಲುಗಳನ್ನು ರುಭಾಡಿಸಿರಿ, ಸಾಧ್ಯವಿದ್ದಷ್ಟೂ ದೌರ್ಜನ್ಯದಿಂದ ವರ್ತಿಸಿರಿ! ಇದನ್ನು ಪ್ರಾಮಾಣಿಕವಾಗಿ ಮಾಡಿ - ಇದೊಂದು ನಿಮ್ಮ ಜೀವನಪರ್ಯಂತ ನೀವು ಶೇಖರಿಸಿಕೊಂಡಿರುವ ಈ ತಡೆಹಿಡಿಯಲ್ಪಟ್ಟ ಎಲ್ಲವನ್ನೂ ಹೊರದೂಡುವ ಒಂದು ಅವಕಾಶವಾಗಿದೆ! ಈ ಧ್ಯಾನಕ್ಕೆ ನೀವು ಸಂಪೂರ್ಣವಾಗಿ ತೊಡಗಿಕೊಳ್ಳಿರಿ.
20 ನಿಮಿಷಗಳ ನಂತರ, ನಿಲ್ಲಿಸಿಬಿಡಿ.
ಮತ್ತೆ 10 ನಿಮಿಷಗಳ ವರೆಗೆ ಸುಮ್ಮನೆ, ನಿಶ್ಶಬತೆಯಿಂದ ಕುಳಿತುಕೊಳ್ಳಿರಿ. ನಿಮ್ಮ ಮಣಿಪೂರಕ ಚಕ್ರದ ಮೇಲೆಯೇ ಕೇಂದ್ರೀಕರಿಸಿರಿ. ಆ ಸ್ಥಳದಲ್ಲಿ ಒಂದು ತರಹದ ಮಹತ್ತರವಾದ ಹಗುರತೆಯನ್ನು ಅನುಭವಿಸುತೀರಿ! ಅರ್ಥಾತ್, ನೀವು ಮನಸ್ಸಿನ ಕಶ್ಮಲಗಳನ್ನೆಲ್ಲಾ ಮನಸ್ಸಿನವರಾಗುತೀರಿ!
ಈ ಧ್ಯಾನವನ್ನು ನೀವು ಪ್ರತಿದಿನ 21 ದಿವಸಗಳವರೆಗೆ ಮಾಡಿರಿ, ಅಥವಾ ನಿಮ್ಮ ಮನಸ್ಸಿನಿಂದ ಧ್ಯಾನದ ವೇಳೆಯಲ್ಲಿ ಇನ್ನು ಹೊರಹಾಕಲು ಏನೇನೂ ಉಳಿದಿಲ್ಲ ಎನ್ನಿಸುವವರೆಗೂ ನೀವು ಧ್ಯಾನವನ್ನು ಮುಂದುವರಿಸಿರಿ.
ಮೊದಲ ಹೊಸತನವನ್ನು ಕಂಡುಕೊಳ್ಳುತೀರಿ.
ಆ ಶಾಂತಿಯನ್ನು ಅನುಭವಿಸಿ ಆನಂದಿಸಿರಿ.
ದಿನ 4
ಮಹಾಮಂತ್ರ ಧ್ಯಾನ (ಸೃಷ್ಟಿಪೂರ್ವದ ಮೂಲನಾದವನ್ನು ಪಠಿಸುವುದು)
ಗುಣಪಡಿಸುವ ಚಕ್ರ : ಅನಾಹತ ಚಕ್ರವಿರುವ ಸ್ಥಳ : ಹೃದಯ ಪ್ರದೇಶದಲ್ಲಿ ಚಕ್ರವು ಬಂಧಿಸಲ್ಪಡುವುದು : ಅನ್ಯರು ಗಮನಿಸಬೇಕೆಂದು ಕೇಳುವುದು. ಚಕ್ರದ ಬಂಧನ ಬಿಡುಗಡೆ : ನಿಸ್ವಾರ್ಥ ಪ್ರೇಮ ಧ್ಯಾನ ತಂತ್ರ ಬಂದಿರುವುದು : ಟಿಬೆಟಿಯನ್ ರ ತಂತ್ರ ಕಾಲಾವಧಿ : 30 ನಿಮಿಷಗಳು
ಮಹಾಮಂತ್ರ ಧ್ಯಾನವು ಮನಸ್ಸನ್ನು ಕೇಂದ್ರೀಕರಿಸಿ, ಸ್ಥಿರಗೊಳಿಸುವುದಾಗಿದೆ. (ಮನಸಸ್ಯ ಸ್ಥಿರಃ ಇತಿ - ಮಂತ್ರ ಃ) (ಮನಸ್ಸನ್ನು ಸ್ಥಿರಗೊಳಿಸುವುದೇ - ಮಂತ್ರ)
ಈ ಧ್ಯಾನವನ್ನು ಮಾಡುವುದರಿಂದ ನಿಮ್ಮ ಸಂಪೂರ್ಣ ಚೈತನ್ಯವು ನಿಮ್ಮಲ್ಲಿಯೇ ನಿರ್ಲಿಪ್ತತ್ವದಲ್ಲಿಯೇ ಕೇಂದ್ರೀಕರಿಸಲ್ಪಡುತ್ತದೆ. ಈ ತಂತ್ರವು ನಿಮ್ಮ ಪೂರ್ಣ ಶರೀರವನ್ನು ಕಂಪನವನ್ನುಂಟು ಮಾಡಲು ರಚಿಸಲ್ಪಟ್ಟಿದೆ. ಇದು ನಿಮ್ಮನ್ನು ಉತ್ಪನ್ನವಾದ 'ಅಜಪ'ದ ಸ್ಥಿತಿಗೆ ಕೊಂಡೊಯ್ಯುವುದಾಗಿದೆ. ಅಂದರೆ, ನೀವು ಜಪವನ್ನು ಮಾಡುವ ಅವಶ್ಯಕತೆಯೇ ಇಲ್ಲದ ಹಾಗೂ ಆ ಜಪವು ತಾನೇತಾನಾಗಿ ಉಂಟಾಗುವ ಸ್ಥಿತಿಗೆ ಕೊಂಡೊಯ್ಯುತ್ತದೆ. ನೀವು ಜಪವೇ ಆಗಿಬಿಡುತ್ತೀರಿ.
ಏಳು ದಿವಸದ ಚಕ್ರ ಪ್ರಕ್ರಿಯೆ
ನೀವು ಮಂತ್ರವನ್ನು ಪುನರುಚ್ಚರಿಸಬೇಕಾಗಿಲ್ಲ. ಆ ಮಂತ್ರವೇ ನಿಮ್ಮನ್ನು ಉಚ್ಚರಿಸುತ್ತದೆ ಅಂದರೆ ನೀವೇ ಮಂತ್ರದ ಅಧೀನವಾಗಿಬಿಡುತೀರಿ.