ಹೊಸಿಲಿನಲ್ಲಿಯೇ ಪ್ರಶ್ನೆಗಳು (ಪ್ರವೇಶದ್ವಾರದಲ್ಲಿಯೇ ಪ್ರಶ್ನೆಗಳು)🔗

ಇದನ್ನೇ ನಮ್ಮ ಜೀವನದಲ್ಲಿ ನಾವು ಮಾಡುತಾ ಇರುವುದು! ನಾವೆಲ್ಲಾ, ಇಲ್ಲದೇ ಇರುವ ಜಾಗಗಳಲ್ಲೇ ಹುಡುಕುತಿರುವ ನಿಪುಣರು. ನಮ್ಮನ್ನೇ ನಾವು ಎಲ್ಲಾ ಕಡೆಯಲ್ಲೂ ಹುಡುಕುತಿದ್ದೇವೆ - ಹಣದಲ್ಲಿ, ಅಧಿಕಾರದಲ್ಲಿ, ಸಂಬಂಧಗಳಲ್ಲಿ, ಸಿದ್ದಾಂತಗಳ ಮೂಲಕ ಹೀಗೆ. ಆದರೆ, ನಮ್ಮ ಒಳಗೇ ಇರುವ ಸತ್ಯವಾದ ಒಂದು ದಿಶೆಯಲ್ಲಿ ಹುಡುಕುತಿಲ್ಲ.

ನೀವು ಕಳೆದುಕೊಂಡ ಆ ನಾಣ್ಯ ನಿಮ್ಮ ಮನೆಯ ಒಳಗಡೆಯೇ ಇದೆ ಎಂಬುದನ್ನು ಅರ್ಥಮಾಡಿಕೊಳ್ಳುವುದೇ ಅರಿವಿನ (ಜ್ಞಾನದ) ದಾರಿಯಲ್ಲಿ ಮೊದಲನೇ ಹೆಜ್ಜೆ. ಆಗ ನೀವು ಹೊರಗೆ ಬೀದಿಯಲ್ಲಿ ಹುಡುಕುವುದನ್ನು ತಾವಾಗಿಯೇ ನಿಲ್ಲಿಸಿ ಬಿಡುತೀರಿ.

ಧ್ಯಾನ ಅಂದರೆ, ನಿಮ್ಮೊಳಗೇ ಇರುವ ಆನಂದವನ್ನು ಮತ್ತೆ ಹುಡುಕಿ ಪಡೆಯುವ ತಯಾರಿ.

ಆನಂದವನ್ನು ಹೊರಗಡೆ ಹುಡುಕುವುದು ವ್ಯರ್ಥ ಎನ್ನುವುದನ್ನು ನೀವು ಅರ್ಥ ಮಾಡಿಕೊಂಡ ಕ್ಷಣದಲ್ಲೇ ಧ್ಯಾನಕ್ಕೆ ನೀವು ಸಹಜವಾಗಿ ಸಕ್ತವಾಗಿದ್ದೀರಿ ಎಂದರ್ಥ.

ಆನಂದ ಎಂಬ ಅವಸ್ಥೆ ನಿಜವಾಗಿಯೂ ಯಾವುದು? ಅದನ್ನು ಧ್ಯಾನದ ಮೂಲಕ ಮಾತ್ರವೇ ನಾವು ಅನುಭವಿಸಬಹುದೇ?

ನೂರಾರು ವಿಧದಲ್ಲಿ ಆನಂದವನ್ನು ನಾನು ವಿವರಿಸಬಲ್ಲೆ. ಆದರೆ, ಅದನ್ನು ನೀವು ಅನುಭವಿಸುವುದರ ಒಂದೇ ಮಾರ್ಗದಿಂದ ಮಾತ್ರ ಅರ್ಥಮಾಡಿಕೊಳ್ಳಲು ಸಾಧ್ಯ.

ಹೇಗಾದರೂ ಆಗಲಿ, ನಾನು ಯತ್ನಿಸಿ ನಿಮಗೆ ವಿವರಣೆ ನೀಡುತ್ತೇನೆ. ಜೀವನದಲ್ಲಿ, ಹೆಚ್ಚು ಸಂತೋಷವನ್ನು ನಾವೆಲ್ಲರೂ ಕೆಲವು ಘಳಿಗೆಗಳಲ್ಲಿ ಅನುಭವಿಸಿರುತ್ತೇವೆ. ಆದರೆ ಅವೆಲ್ಲಾ ಯಾವುದೋ ಒಂದು ಕಾರಣಕ್ಕಾಗಿ ಆಗಿರುತೆ.

ಅದು ನಿಜ ಅಲ್ನಾ?

ನೀವು ಸಂತೋಷಪಟ್ಟಿರಿ. ಏಕೆಂದರೆ, ನಿಮಗೆ ಒಂದು ಬಡ್ತಿ ಸಿಕ್ಕಿತು, ಯಾವುದೋ ಒಂದು ಖಾಯಿಲೆಯಿಂದ ಗುಣಮುಖವಾದಿರಿ, ಒಂದು ಹೊಸ ಕಾರನು ಖರೀದಿಸಿದಿರಿ ( ಅಥವಾ ನಿಮ್ಮ ಪಕ್ಕದ ಮನೆಯವರ ಕಾರು ತೊಂದರೆ ಕೊಡುತಿದೆ!)

ನೀವು ಸಂತೋಷ ಪಡುತಿರುವ ಸಮಯದಲ್ಲಿ, ಯಾರೂ ಅದನ್ನು ಕೆಡಿಸಲಾರರು ಅನ್ನಿಸಿರುತ್ತೆ. ಆದರೆ ಅದೇ ದಿನ ನಿಮ್ಮ ಪತಿಯ ಜೊತೆ ಅಥವಾ ಹೆಂಡತಿಯ ಜೊತೆ ಜಗಳ ಆಗಿರುತ್ತೆ, ಆಗ ನಿಮ್ಮ ಜೀವನದಲ್ಲಿ ಕೇವಲ ಕಷ್ಟಕಾರ್ಪಣ್ಯಗಳೇ ಹೊರತು ಬೇರೇನೂ ಇಲ್ಲ ಅಂತ ಯೋಚಿಸತೊಡಗುತೀರಿ! ನಿಜ ಅಂದೆ, , ಸಂತೋಷವೆಲ್ಲಾ ದುಃಖದಲ್ಲೇ ಪರ್ಯವಸಾನವಾಗುತೆ. ಸಂತೋಷದ ಸ್ಥಿತಿಯು ಯಾವಾಗಲೂ ಶಾಶ್ವತವಾಗಿ ಉಳಿಯುವುದಿಲ್ಲ - ಮತ್ತು ಅದು ಬದಲಾದರೆ ಅಥವಾ ಮುಗಿದುಹೋದರೆ, ನೀವು ನೋವನ್ನು ಅನುಭವಿಸುತ್ತೀರಿ. ಯಾವ ಆನಂದವನ್ನು ನೀವು ಯಾವ ಕಾರಣವೂ ಇಲ್ಲದೆ ಅನುಭವಿಸುತ್ತೀರೋ ಅದೇ ಶಾಶ್ವತವಾದದ್ದು, ಏಕೆಂದರೆ ಅದು ಯಾವುದನ್ನೂ ಅವಲಂಬಿಸಿಲ್ಲ.

''ಆನಂದ'' ಎಂದರೇನೇ, ''ಯಾವುದು ಕಡಿಮೆ ಆಗುವುದಿಲ್ಲವೋ, ಯಾವುದು ಕಳೆದು ಹೋಗುವುದಿಲ್ಲವೋ' (ಮುಗಿದು ಹೋಗುವುದಿಲ್ಲವೋ) ಅದು. ಸುಖ, ಸಂತೋಷ ಎನ್ನುವುದಕ್ಕೆ ಆನಂದ ಎನ್ನುವುದು ಸರಿಯಾದ ಪದ ಅಲ್ಲ! ''ಯಾವುದು ಕ್ಷೀಣವಾಗುವುದೇ ಇಲ್ಲವೋ, ನಾಶವಾಗುವುದೇ ಇಲ್ಲವೋ ಅದೇ ಆನಂದ'' ಎಂದು ತಿಳಿದರೆ ನೀವು ಆಶ್ಚರ್ಯ ಪಡುತೀರಿ.

ಆನಂದ ಎಂದರೆ ಸಂತೋಷ ಮಾತ್ರವಲ್ಲ. ಅದು ಸಂತೋಷ, ದುಃಖ ಎರಡನ್ನೂ ಮೀರಿದ ಪ್ರಶಾಂತವಾದ ಸ್ಥಿತಿ. ಅದು ಸಂತೋಷ ಮತ್ತು ದುಃಖಗಳು ನಿಮ್ಮ ಮೇಲೆ ಯಾವ ಪ್ರಭಾವವನ್ನೂ ಬೀರಲಾರದ ಸ್ಥಿತಿ. ಆನಂದ ಎಂಬುದು ಶಾಶ್ವತವಾದ, ಕಾರಣವಿಲ್ಲದ ಪ್ರಶಾಂತವಾದ ಸ್ಥಿತಿ. ಅದನ್ನು ಕೇವಲ ಧ್ಯಾನದ ಮೂಲಕ ಮಾತ್ರವೇ ಅನುಭವಿಸುವುದೆಂದೂ ಅಲ್ಲ - ಆದರೆ ಧ್ಯಾನವು ಒಂದು