அன்பு மலர... நீங்கள் வளர...🔗

• நேசம் என்பது உண்மையான அன்பு மலர்.
• ஒருவன் தன்னையே நேசிக்க ஆரம்பிப்பது ஆனந்த மாளிகையின் திறவுகோல். இது ஒரு சிறந்த தியான முறை.
• நம்மை நாமே நேசிப்பதைப் பற்றி யோசியுங்கள்.

• நேசிக்க ஆரம்பியுங்கள். அன்பு என்னும் மலர் உங்களுக்குள் மொட்டாகக் காத்துக்கொண்டிருக்கிறது. அன்பு மலர - நீங்கள் வளர - நேசியுங்கள்! நேசிக்க ஆரம்பியுங்கள் ... முதலில் உங்களை!
• வேறு வழியேயில்லை. நீங்கள்தான் உங்களுக்கு உதவ வேண்டும்.

இயற்கையளிக்கும் பரிசுகள் ...

• 'வரவேற்றல்' என்ற நற்குணமில்லாதவர்களுக்கே அதிர்ச்சிகளை வாழ்க்கை பரிசளிக்கிறது. எல்லாவற்றையும் வரவேற்கத் தெரிந்தவர்களுக்கு அதிர்ஷ்டங்களைத் தவிர வேறு எதையும் வாழ்க்கையால் பரிசளிக்க முடியாது.

• வருவது வரட்டும், வந்தது இருக்கட்டும்' - இப்படிப்பட்ட மேம்போக்கு குணம் படைத்த மனிதனால் வாழ முடியும். ஆனால் குதூகலமாக வாழ்வைக் கொண்டாட முடியாது. காரணம் குதூகலத்தின் பிறப்பிடமான 'வரவேற்றல்' என்னும் குணம் இல்லாதிருப்பதே!

• 'வருவதெல்லாம் வரம் வந்ததெல்லாம் அதிர்ஷ்டம்' - இப்படிப்பட்ட குணத்தை அடைந்த மனிதனால் மட்டும்தான் வாழ்வை குதூகலமாகக் கொண்டாட முடியும்.
• 'குழந்தையின் துள்ளல் தைரியசாலியின் தெம்பு புத்திசாலியின் தெளிவு'

• இம்மூன்றின் மொத்தக் கலவையாய் வெளிப்படும் குணமே 'வரவேற்றல்' (welcoming) என்னும் அற்புதக் குணம்.

சுருங்கச் சொன்னால் ...

'இன்பத்தை நம் மகிழ்ச்சிக்காகவும், துன்பத்தை நம் வளர்ச்சிக்காகவும் - இயற்கை இயற்கையாகவே பரிசளிக்கிறது!' என்ற சூட்சுமம் புரிந்து, வாழ்வை சுகிப்பதே 'வரவேற்றல்' என்னும் நற்குணம்.