75. பித்தனும் புத்தனாவான்
'நான் எப்போது புத்தனாவேன்?'' எனக் கேட்ட சீடனின் கன்னத்தில் பளாரென அறைந்தார் ஜென் குரு!
''புத்தா எப்படி புத்தாவாக முடியும்? உள்ளே தூங்கும் நீ விழிக்கும்போது, பித்தனான நீ புத்தனாவாய்' என ஆசீர்வதித்தார்.
● மனித மனத்தால் கடவுளை கற்பனை செய்ய முடியாது. அப்படி கற்பனை செய்ய முடிந்தால் அது கடவுளாக இருக்க முடியாது. நீங்கள் கடவுளாக, தனி அவதாரம் எடுக்க வேண்டிய அவசியமில்லை. நீங்கள் கடவுளாக மாற இந்தப் பிறவியே போதுமானது.
76. ஜலதோஹமா? ஜன்னியா?
முகுந்தனுக்கு ஜலதோஷம் மிகுந்திருந்தது. மருத்துவரை பார்க்கச் சென்ற முகுந்தன் தன்னுடைய தொந்தரவுகளை விளக்கி முடித்ததும், பயந்த விழிகளோடு சுற்றும் முற்றும் பார்த்தார்.
அவர் ஊசி போட்டு விடுவாரோ என்ற பயத்தில் டாக்டரின் கைகளையே பார்த்துக் கொண்டிருந்த முகுந்தனின் சிந்தனையைத் தடுத்து மருத்துவர், "மருந்து தரும் முன் நீங்கள் ஒரு காரியத்தைச் செய்து முடிக்க வேண்டுமே" என்றார்.
முகுந்தன், "என்ன அது? சொல்லுங்கள்".
' குறைந்தது ஒரு பத்து நிமிடமாவது, உங்களின் உச்சந்தலையில் நீர் விழுமாறு டேப்பை திறந்து விட்டு நனையுங்கள். பின் குளிர்காற்று உடலில் படுமாறு ஒரு பத்து நிமிடமாவது நில்லுங்கள். இதை முடித்த உடனே என்னை வந்து பாருங்கள். மருந்து தருகிறேன்'.
"என்ன சொல்லுகிறீர்கள்! அப்படிச் செய்தால் ஜலதோஷம் போய் வீசிங் அல்லவா வந்து விடும்''.
ீஎன்ன செய்வது .... எனக்கு வீசிங்குக்குதான் மருந்து கொடுக்கத் தெரியும்'.
மருத்துவர் அரைகுறையாக இருந்தால் உடல் ஆரோக்கியம் 0 கேள்விக்குறியாகிவிடும். கடவுளைப் பற்றிய உங்களின் கருத்துக்கள் அரைகுறையானதாக இருந்தால் வாழ் வே கேள்விக்குறியாகிவிடும்.
77. யார் பெரியவர்? சேலம் தியான சத்சங்கம் ஒன்றில் ... 'தன்னைப் போல் மனிதனைக் கடவுள் படைத்தாராம் - இதை பற்றிய உங்களின் கருத்து என்ன?'' என ஒருவர் கேட்டார். 'தன் உருவில் கடவுள் மனிதனைப் படைக்கவில்லை. தன் உருவில் மனிதன் தான் கடவுளைப் படைத்திருக்கிறான்' எனப் பதில் சொன்னேன்.
உன்னை உருவாக்கியது நான். என்னை உருவாக்கியது நீ. இருவரில் யார் பெரியவர்? சொல் மானிடா!' எனக் கடவுள் கேட்டால், என்ன பதில் சொல்வீர்கள் ...
78. மாயாவில் மாட்டிக் கொள்ளாதீர்கள்
B-க்காக காத்துக் கொண்டிருந்த இரண்டு நண்பர்களும் குடிபோதையின் உச்சத்திலிருந்தார்கள். இரவு மணி இரண்டு என்பது தெரியாததால், ''ஏன் B இன்னும் வரவில்லை' என விவாதித்த நண்பர்கள், நேரடியாக பஸ் டிப்போவிற்கே சென்று விட்டார்கள்.
''பஸ்டிப்போவிலிருக்கும் B பஸ்ஸை நாமே எடுத்துக் கொண்டு நம் வீட்டிற்கு ஓட்டிச் செல்லலாம்" எனப் பேசிக் கொண்டே B பஸ்ஸைத் தேடினார்கள்.
பஸ் டிப்போவில் நூற்றுக்கும் மேற்பட்ட பேருந்துகள் நின்றிருந்தன. ஒவ்வொரு பேருந்திலும் ஏறி இறங்கி ''இது B இல்லை ... இது B இல்லை ... '' எனச் சொல்லி, தட்டுத் துடுமாறி ஒவ்வொரு பல்லாக அராய்ந்தார்கள்.
இரண்டு மணி நேரத் தேடுதலுக்குப் பின், "ச்சே... ஏமாந்து விட்டோம். இங்கு ஒரு B கூட இல்லையே!" என நொந்து கொண்டு வீட்டுக்கு நடந்தே சென்றார்களாம்.
மயங்கியிருந்தவர்களுக்கு எந்த பேருந்தை வேண்டுமானாலும் ஓட்டிச் செல்லலாம் என்பது உதிக்கவேயில்லை. B-ஐ மட்டுமே தீவிரமாய்த் தேடியிருக்கிறார்கள்.
மாயாவும் இதைப் போன்றதே. வாழ்வின் ஏதாவதெரு அம்சத்தை மட்டுமே பிடித்துக்கொண்டு மனிதனைச் சிக்க வைத்து விடும். விளைவு - வாழ்ந்து முடிந்தபின்தான் ஏமாந்து போனதாக ஒவ்வொரு மனிதனும் உணர்வான்.
- நிர்வாண சக்தி நிர்வாண நிலையை விளக்குமாறு புத்தரிடம் ஒரு மாணவன் கேட்டதற்கு, ''சிறுவனாயிருக்கும் போது நீ கட்டிய மணல் வீட்டை,
விளையாட்டிலிருக்கும் உன் ஆர்வம் குறையாதவரைதான், அதை நீ கட்டிக்காப்பாய். உண்மையா?'' என்று கேட்டார்.
'ஆமாம் சாமி'' என்றான் மாணவன்.
"வாழ்வதில் ஆர்வம் உள்ளவரை வீடு, உறவு எல்லாம் ஈர்க்கும். ஆர்வம் குறைந்ததும் ஈர்ப்பு கலையும். பின் எல்லாவற்றிலிருந்தும் விடுபடுவாய். நிர்வாண சக்தியாவாய்' என்றார் புத்தர்.
விளையாடுங்கள். அது, விளையாட்டு என்பதை உணர்ந்து விளையாடுங்கள். இது அடுத்த படி செல்லும் சூத்திரம்.